Kufuma 9:18 - Amazwi Yakwe Leza 2013

¹⁸ Acino mutondo pa nsita ndi ikwene ndalenga kuti kuye imvula ya mawe ikulu cuze, ino itatala yatonya mwi landwe lya mpanga ya Eguputo.

Kufuma 9:18 Referans Kwoze

Masamu 83:15

ali vino nawe uyazingile ukutali kuli nkungulupya wako nu kuyatinya ukucipunga cako ica cimuza.

2 Yamwene 7:1

Elisya amwaasuka ati, “We! Tala uvwa vino Yawe akulanda. Yawe wavwanga wati, ‘Mutondo apa nsita ndi ikwene, papa kwene apa mpongolo ya musumba wa Samaliya, makilogalamu yatatu ya usu wa ngano yalakalwa nu mutengo wa lupiya longa lwakwe siluva. Nga nu usu wakwe baale nao ulakalwa nu mutengo wa mpiya mutanda zyakwe siluva.’ ”

1 Yamwene 20:6

Lelo kwene nanti cingaya vivyo, inkulonda nu kuti ningatuma amakombe yane ku kwiza peketa umwi sano umwako nu mu mang'anda ya nkombe zyako. Yene yalasenda akantu akali konsi kano yalazana ukuti katikazipa. Yaliza mutondo apa nsita ndi ikwene ii.”

1 Yamwene 19:2

Fwandi Yezebele muka Aabu nawe pali pakutuma inkombe kuli Eliya kuti zikamunene ziti, “Icumi nalapa yakatai yandepule! Mutondo pa nsita ndi ikwene, indi nu kucita kuli wewe umusango uli umwi kwene nga uno wacitile yakasema.”

2 Yamwene 7:18

Umulandu wali auwa uno Elisya wavwanzile ati, “Apa mpongolo ya musumba wa Samaliya palakaziwa amakilogalamu a usu wa ngano pa mutengo wa lupiya lwakwe siluva longa, nga na makilogalamu yasano ya usu wa mbezu zyakwe baale, nayo yalakaziwa pa mutengo uli umwi kwene.”

Umbwilo 16:21

Vitalawe vikulu cuze, ivinyome kulingana na makilo makumi yasano, navyo vifuma mwiyulu nu kuponela pa antu. Antu yaa yavwanzile mazwi ya miponto kuli Leza pamulandu wakuti cilumbelo cii cali cakofya cuze.

Kufuma 9:17

Nomba wemo ucili nu munyambo pa antu yane pakukana yata kuti yapite.

Yobo 37:13

Cino Leza waletela amakumbi ni mvula pano nsi, limwi apakuti avunuke antu pano nsi, nanti limwi apakuti ayapeele ivintu ivisuma.

Yobo 38:22

“Uzye wemo watala wafika kweneko kuno nakoozezyanga kungwi, nanti kuno nakoozezyanga amawe ya mvula?

Kufuma 10:6

Alalimba mwi sano lyako, mu mang'anda yakwe yacilolo yako nga nu mu mang'anda ya antu yako. Makanta wiyo alipa cuze, wino vikolwe vinu vitatala vyalola mwi landwe lya mpanga ya Eguputo.’ ” Lino Mose wamala kuvwanga vii kuli Falao afutata apita.

Kufuma 10:14

Makanta aiza mu mikumbi mikumbi nga aandalila mu Eguputo monsi. Lyali ikumbi lyakwe makanta likulu cuze lino litatazile liloleke mwi landwe lya mpanga ya Eguputo nupya litalatala liloleke.

Kufuma 11:6

Mu Eguputo monsi mulaya impoma ya kulosya ino itatala yacitika mwenemo nupya ino italatala icitike.

Yobo 38:23

Ivintu vivyo ne Leza nkavisunga apakuti vyaomba pa nsita ya ucuzi, pa nsita ya vyongo na pa nsita yankondo.