Kufuma 8:15 - Amazwi Yakwe Leza 2013

¹⁵ Lelo lino Falao walola ukuti yacula yafwa, nupya kwene akoma umwenzo, wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Kufuma 8:15 Referans Kwoze

Ezaya 26:10

Kwene nanti wemo ukalyombeleka antu aipe, awe cumi yene yasiezya ukucita ivilungame nanti panono. Nanti sile umu nsi ya antu akazifya, namo kwene icili conga sile, yakakana ukuzumila uwene wa ukulu wako.

Ayebulai 3:15

Vii avino malembelo yalanda yati, “Ilelo ndi muvwa izwi lyakwe Leza, mutakomya imyenzo inu ndi vino vikolwe vinu vyacisile lino vyakatukile Leza.”

Ayebulai 3:8

mutakomya imyenzo inu ndi vino vikolwe vinu vyacisile lino vyakatukile Leza, ndi vino vyali mu lwanga mu wanda ulya, lino vyezyanga Leza.

Kasambilizya 8:11

Uzye pacani cino antu yakatalila imilandu uku mufulo? Aeci yakapingula ya milandu yasipingula zuwa.

Kufuma 7:4

Lyene ndaomvya maka yane pa kuvunuka cuze aina Eguputo. Alino ndatungulula imitundu ya ina Izlaeli ukufuma mu mpanga ya Eguputo.

Kufuma 14:5

Lino umwene waku Eguputo uvwa ukuti aina Izlaeli yatiyapuuka, Falao pamwi na yacilolo yakwe yasenula amano yavwanga yati, “Uzye vino twacita asi kuli kutumpa? Twaleka aina Izlaeli yapuuka, na azya yaa tutalatala tuyalole nupya!”

Kufuma 4:21

Nupya kwene Yawe anena Mose ati, “Ndakai lino ukuswilila ku Eguputo, ukasininkizye ukuti wacita pa manso yakwe Falao vizungusyo vyonsi vino nakupeela maka kuti ucite. Lelo ndalenga kuti Falao akome umwenzo nupya atalaleka antu yapite.

Umbwilo 16:9

Antu yapya ni cikaililwa cikali cuze, nga yavwanga mazwi ya miponto kuli Leza wino uwakwata maka pa vilumbelo vii. Lelo yatazenzwike ku maifyo yao kuti yalumbanye Leza.

Oseya 6:4

Lelo Yawe akuti, “Mwe aluko lwakwe Efulemu, uzye icani cino namamucitila? Namwe mwe aluko lwakwe Yuda, uzye icani cino namamucitila? Ukutemwa kwinu kuli wakwe kungwi, wino akasalangana umu katondo, kukoline nu lumi ulukakuntika katondotondo.

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Kufuma 8:8

Lyene Falao atuma akuya ama Mose na Aloni, ayanena ati, “Pepini kuli Yawe kuti asisye yacula, alino nani namaleka antu inu kuti yapite, pakuti yakapele impolelwa kuli Yawe.”

Kufuma 8:14

Nga aina Eguputo yayakolonganika mu mitumba ikulu, mpaka impanga yonsi ya Eguputo inunka iya na nuu.

Kufuma 8:16

Alino Yawe anena Mose ati, “Nena Aaloni akonzolole ikasa lyakwe aume intuwa yakwe pa lutukumbu, lyene lukungu lonsi mu mpanga ya Eguputo lumaya inkufu.”

Kufuma 8:28

Falao nawe avwanga ati, “Namaleka mupite ku lwanga mukapeele impolelwa kuli Yawe, Leza winu, cikulu mutaya kutali. Nani mumpepele.”

Kufuma 8:29

Mose aasuka ati, “Silola, zuwazuwa lino namafuma pano, namapepa kuli Yawe kuti mutondo vizembele vice visisiwe kunuli, kuli yacilolo yako, nga nu ku antu yako. Lelo utalinzile kutusomba nu kulesya antu kuti yapite ku kupeela impolelwa kuli Yawe.”

Kufuma 8:32

Lelo ni ila kwene li, Falao akoma umwenzo nga nupya akana ukuta antu yapite.

1 Samueli 6:6

Uzye pacani cino mukukomya imyenzo inu wakwe vino aina Eguputo na Falao kwene yacisile? Ale lyene mutale mulole, nanti wene wayacuzizye iciipisye, uzye yene yatatile aina Izlaeli kuti yapita?

Mapinda 26:11

Iciwelewele cikaswilila uku uyunganyi wakwe vino simbwa akaswilila uku malusi yakwe.

1 Samueli 6:3

Nayo iyaasuka iyati, “Ndi cakuti mwaswilizya Mbokosi ya Upangano yakwe Leza wa ina Izlaeli, ale lyene mutaiswilizya sile minwe. Lelo apakuiswilizya mulinzile mwika penepo nu wila wa cizumila mulandu uwa kulipa kuli Leza wa ina Izlaeli. Lyene ali lino mulapoziwa nu kumanya icalenga kuti Yawe atata ukumuvunuka.”

1 Samueli 6:9

Lelo musumbeko amano nu kulola. Ndi cakuti icikocikala cici calungama ku musumba wa Beti Syemesyi, ale lyene Yawe watatuponyezya uzanzo uu ukulu. Lelo ndi cakuti citalungime kweneko, ale lyene tumamanya ukuti asi aliwe uwatuponyesizye uzanzo. Lelo cali sile wa mankomenkanya.”

1 Samueli 6:12

Lyene ing'ombe zizi izilungama ku Beti Syemesyi, izisonta sile papa kwene nupya zila zikulila nzila yonsi. Zyene zitapetukile nanti kuze. Intunguluzi zya ina Filisti nazyo zila zilondelile ukufika nu ku mupaka wa Beti Syemesyi.