Kufuma 6:7 - Amazwi Yakwe Leza 2013

⁷ Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Kufuma 6:7 Referans Kwoze

Malango 29:13

Ali pakuti Yawe amucite ukuya antu yakwe umwisikulu. Nga nawe aye ali Leza winu wakwe vino wamulavile na wakwe muno walavile ivikolwe vinu, Abulaamu, Isaki, na Yakobo.

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

Umbwilo 21:7

Wino wensi alacimvya nemo ndaya Leza wakwe nawe alaya umwana wane.

Malango 26:18

Ilelo Yawe nawe watazumila ukuti mwemwe antu yakwe kololo, wakwe vino wamulavile. Watapeela ilamulo kunomuli kuti mwayela amasunde yakwe yonsi.

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.

1 Petulo 2:10

Pa nsita imwi mutali antu yakwe Leza, ndakai mwemwe antu yakwe. Pa nsita imwi mutamanyile uluse lwakwe Leza, lelo ndakai mwati mupokelela uluse lwakwe.

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Mateo 22:32

‘Wene watile nene Leza wakwe Abulaamu, na wakwe Isaki na Yakobo.’ Wene asi Leza wa afwe, lelo a Leza wa antu aumi.”

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Ezaya 41:20

Alala antu yalola vii, yace yamanye ukuti anene ne Yawe nene naomba vii. Yalailuka nu kuvwikisya ukuti ne Leza Wamuzilo wakwe Izlaeli, anene nalenga ukuti vii, viyepo.”

Masamu 81:6

“Ala asi anene namupokile ivisendo apaviye ivyamutonsizye, namwisizya ni mise pansi muno mwasinzilanga.

Kufuma 16:12

“Natinuvwa kuilizyanya kwa ina Izlaeli. Yanene ukuti lino ilanzi lyatilyawa yamapokelela inyama zyakulya, nga na katondo yalapokelela umukate wakulya iikute. Lyene yalamanya ukuti Nene, ne Yawe, nene indi Leza wao.”

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Kufuma 2:11

Lino Mose wakula, uwanda umwi aya ku kutandalila antu yakwe, Ayebulai. Nga alola vino aina Eguputo yakupatikizya Ayebulai ukuomba imilimo ikome. Alola na vino mwina Eguputo akuma Muyebulai, wenga uwamu antu yakwe.

Kufuma 16:6

Caleka Mose na Aaloni yanena aina Izlaeli yonsi yati, “Ilelo manguzi mumamanya ukuti Yawe ali wino wamufumizye mu Eguputo.

Aina Levi 11:44

Nene Yawe Leza winu, nupya mulinzile kuisunga amuzilo, pano nene wamuzilo.

Aina Levi 11:45

Nene Yawe wino wamufumizye mu Eguputo, pakuti ningaya Leza winu. Mulinzile ukuya amuzilo pano nene wamuzilo.

Ezaya 49:23

Yamwene yalaya ali yaso akukulela. Yanamwene nayo yalaya ali yanyoko akukulela. Yalakufukamila mpaka yasimpa nu tupuma twao pansi. Yalamyantila nu lukungu ku ngazo zinu. Alino lyene ulamanya ukuti nene indi Yawe. Yayo akapaalila munondi insonyi zitalayalema awe.”

Ezaya 49:26

Yayo akamucuzya ndayatunkizya iminyefu iyakwao. Yalakoleka nu wazi wakwao aeneco, kwati antu yano yakoleka waini. Lyene antu yonsi yalamanya ukuti nene indi Yawe. Yalasininkizya ukuti nene Mukuluzi winu, Wamaka wilya wakwe Yakobo.”

Ezaya 60:16

Antu ya mitundu yuze pamwi na yamwene yao, yalakusunga ndi vino umukwasi akasunga umwana wa kuivyalila. Umucumi, ulasininkizya ukuti anene ne Yawe, nakupususya, nene ne musambazi wakwe Izlaeli nakukulula, Wamaka wilya wakwe Izlaeli.

Ezaya 63:8

Nawe Yawe ali pakuvwanga ati, “Cumi cumi yaa ali antu yakwe nene, ali ana yane yano yatalatala yansangukile foo.” Fwandi ali cino nawe wayapususya kweneko,

Yelemiya 30:22

Alino mwemo mulaya umutundu wane nga nani ndaya Leza winu.

Ezekelo 20:19

Nene indi Yawe Leza winu. Mwalondela amasunde yane, nu kuwaka ivipope vyane.

Utandiko 26:3

Tala ikala kuno kwene, nga namakupolelela nupya namaya nawe. Ndapeela impanga ii yonsi kunuli nu ku amu mupanda wako. Ndafikilizya ulayo uno nacisile kuli so Abulaamu.

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Kufuma 7:17

Mwene wakwisaci, ndakai Yawe wavwanga ukuti amacita icintu cimwi cino cimalanga kunuli ukuti mucumi wene ali Yawe. Silola, namauma pa luzi ni intuwa ii, na manzi yamasanguka yaye uwazi.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 13:14

“Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Kufuma 14:4

Ndalenga Falao kuti akome umwenzo, nupya alamulondelela kuti aezye kumulema. Lelo vino ndacita kunoli nu ku vita vyakwe, vilalenga kuti antu yancindike. Lyene aina Eguputo yalamanya ukuti nene indi Yawe.” Aina Izlaeli iyayela amazwi yakwe Yawe nga yaya yakuula insakwe kuno wayanenyile.

Kufuma 14:18

Lino ndacimvya vita vyao, alino aina Eguputo yalamanya ukuti Nene indi Yawe.”

Kufuma 15:2

Yawe akalenga kuti inje na maka, ali wino wampususya ku anisi yane. Wene ali Leza wane, wino namalumbanyanga, Leza wino tata wapepanga, nupya namamucindikanga.

Kufuma 15:16

Intete zikulu cuze yonsi zyatiziyalema Yene yalola amaka yako wene Yawe nga iyapeziwa amano ku ntete. Yene yikala sile cele mpaka antu yako yapuzya, antu yano wakulwile mu uzya.

Mpendwa 15:41

Nene indi Yawe Leza winu, wino uwamufumizye mu Eguputo kuti nje Leza winu. Nene indi Yawe Leza winu.”

Malango 29:5

Apa myaka amakumi yani ino yatipita, ukufuma pano Yawe wamupisya mu lwanga, ivyakuzwala vinu pamwi ni ndyatu vitalepuka nanti ukusila.

Malango 29:12

Mwimilile pano pakuti mupangane upangano uno Yawe Leza winu amapangana namwe, alino na pakuti muzumile amasunde ya upangano uwo.

1 Yamwene 8:60

Ali pakuti antu amu mitundu yuze, iyaya pano nsi, yakamanye ukuti we Yawe wewe uli Leza nu kuti kutaya namuze foo.

1 Yamwene 20:28

Lyene kasema wenga aya anena Aabu umwene waku Izlaeli ati, “Yawe wavwanga wati, ‘Pamulandu wakuti aina Asilya yakuti nene Leza uwamu myamba, lelo insi Leza uwamu manyika, ali cino namaleka kuti ucimvye iumba lya vita lilya nanti likule uli. Lyene alino ulamanya ukuti nene indi Yawe.’ ”

Neemiya 1:10

“We Yawe, ala yaa aomvi yako nupya antu yako kololo, yano we mweneco wakulwile uku maka yako nu ku makasa yako.

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Ezaya 51:15

“Anene ne Yawe, Leza wako. Anene nkasunkanya yemba, apakuti amayimbi yakatuke yaitamola. Izina lyane anene Yawe Wamaka yonsi!