Kufuma 5:22 - Amazwi Yakwe Leza 2013

²² Lyene Mose aya ku kupepa kuli Yawe, nga apepa ati, “Yawe, uzye pacani cino ukucuzya antu yako? Uzye pacani cino wantumile kuno?

Kufuma 5:22 Referans Kwoze

Yelemiya 20:7

Iye mwe we Yawe! Avino wandyongwisye nani ala nkuzumila. Wemo wanduta amaka, nu kunyata wanyata. Cila muntu akunseka. Yonsi kwene yakunsoweka uwaca nu wila.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Masamu 73:25

Awewe wenga mpo, awewe nasumbako amano yane umwiyulu mumo, nga namuze fwandi, aweni? Icani nacuze cino nemo ningalonda pano nsi ukuluta pali wewe?

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

1 Yamwene 19:4

Lelo Eliya umwisikulu apita pa ulendo wa wanda onga mu lwanga. Asuka afika umu cimuti ca yunipa, nga aikala pansi mu cisao. Alino apepa kuti afwe, ati, “Owe! Yawe, ala cacilamo sile! Awe cumi ni mfwa yazipa! Uzye nene nacila pa vikolwe vyane?”

1 Samueli 30:6

Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.

Mpendwa 11:11

Alino anena Yawe ati, “Uzye pacani cino wacitila muomvi wako icintu ukwipa ndi cii? Uzye pacani cino utazangile munondi? Uzye pacani cino wanjimila uluse lwako pa kunkaika icisendo ca mutundu onsi uu?

Kufuma 17:4

Lyene Mose apepa kuli Yawe, apunda ati, “Uzye namacita cani na antu yaa? Yakulonda yantame na mawe.”

Yelemiya 12:1

Yawe nemo nga natuula umulandu kunuli, awewe ukalungamika. Lelo nemo indi na cimwi icakuuzya kunuli, pamulandu nu ulungami. Uzye kwene icani cino antu aipe nayo yakalolela ulongo? Uzye pacani cino incenjezi zya antu zikaikalila ku matwi cele?

Yelemiya 4:10

Lyene nani imvwanga inti, “Yawe Simwandalali, silola vino cili kwati watusomba antu amu Yelusalemu! Wemo walanda ukuti kutalaya umutende, lelo ulupanga lwatilwekamila apa nsingo zitu.

Yoswa 7:7

Lyene Yoswa akuta ati, “Uwi! We Yawe Simwandalali, uzye pacani cino walamvizye antu yako kuno mbalama ya Yodani kuti utupeele mu makasa ya ina Amoli pakuti yatonone? Si cange cizipe uleka twikale ku mbalama yuze iya Luzi lwa Yodani!