Kufuma 5:1 - Amazwi Yakwe Leza 2013

¹ Pacisila ca vintu vii, Mose na Aaloni yaya kwi sano kuli Falao nga yamunena yati, “Yawe, Leza wa ina Izlaeli, watavwanga ati, ‘Ta antu yane yapita, pakuti yangaya yakacite uzevyo wa cimulo ca kuncindika mu lwanga.’ ”

Kufuma 5:1 Referans Kwoze

Kufuma 10:9

Mose aasuka ati, “Swensi pyu tumapita pamwi na ana itu nga na akote kwene. Tukusenda ana itu aonsi na anaci, imfwele ni mbuzi nga ni ng'ombe, pamulandu wakuti tulinzile kuyazevya cimulo ca kucindikilamo Yawe.”

Milimo 4:29

Na ndakai, Mwene, lola ingofyo zino yacisile, utuzumilizye swe aomvi yako, kuti tukosole ilandwe lyako nu kuposya konsi.

1 Yamwene 21:20

Lino Aabu walola Eliya, avwanga ati, “Uzye wanzanikizya we mwanisi wane we?” Eliya aasuka ati, “Ee, natinkuzanikizya, watuyelezya sana ukucita vya winyi pa manso yakwe Yawe.

Kufuma 3:18

“Intunguluzi zya ina Izlaeli zilatezya cino ulazinena. Lyene wewe pamwi ni ntunguluzi zya ina Izlaeli ulinzile ukupita ku mwene waku Eguputo ukamunene uti, ‘Yawe, Leza wa Ayebulai, wataisokolola kunotuli. Ndakai tuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu.’

1 Kolinto 5:8

Caleka mutazevya Cimulo cii lino mukucita viipe nu ukakasi. Cii cikoline wa kupelwa kwa mukate usi ni citutumusi, uno ukaswefya mwenzo nupya uwa cumi.

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Mateo 10:18

Yalamulema nu kumutwala ku ntunguluzi na yakateeka pamulandu wane, kuti muye yakambone yane kunoyali nu ku Akulukuwa.

Ezekelo 2:6

“Nawe we mwana wa muntu, utoopa nga yakunena yati, ‘Imyunga yatikuzinguluka, utenzi na pa makalela.’ Utoopa amazwi yaa, utaya ni ntete ndi yakutunwila amanso, pano uluko lulo lwatalama.

Ezaya 25:6

Apa mwamba uu uwa Zioni ali pano Yawe Wamaka yonsi alimula antu amitundu yonsi pyu iya pano nsi. Palaya ukuilyokezya ivyakulya visuma na waini umusuma wakwe cimwi, inyama isuma na waini wampomvu wakwe cimwi.

Masamu 119:46

Indataka amasunde yako kuli yamwene, ni nsonyi ntaluvwa foo.

Kufuma 4:23

Nakunenyile ukunena umwana wane umonsi iyeli apite pakuti angampepa, lelo wemo wakanyile. Cisuma! Ndakai namakoma umwana wako umonsi nupya iyeli.’ ”

Kufuma 6:11

“Pitanga, ukanene Falao umwene waku Eguputo ukuti alinzile kuta aina Izlaeli yafume mu mpanga yakwe.”

Kufuma 6:27

Alio kwene yanenyile Falao umwene waku Eguputo ate aina Izlaeli yapite antungwa.

Kufuma 7:16

Lyene uce unene Falao uti, ‘Yawe, Leza wa Ayebulai watantuma kuti nkunene ukuta antu yakwe yapita, pakuti yangaya yakamupepe mu lwanga. Lelo kufika na ndakai utasakamile kumuyela.

Kufuma 8:1

Nupya Yawe anena Mose ati, “Pita ukanene Falao uti, Yawe wavwanga wati, ‘Ta antu yane yapita, pakuti yangampepa.

Kufuma 8:20

Nupya Yawe anena Mose ati, “Uce ulaye katondotondo, ukakomenkanye Falao lino akuya ku luzi umunene uti, Yawe wavwanga wati, ‘Ta antu yane yapita, pakuti yangampepa.

Kufuma 33:13

Acino ndakai nkukulenga kuti ndi ukazangila munondi undangilile nzila zyako pakuti ntwalilile kukutumikila nu kukuzanzya. Nupya iusya ukuti umutundu uu, wa antu wewe wausolola ukuya wakwako.”

Kufuma 7:2

Unene Aaloni vyonsi vino namakupeela ilamulo kuti ucite, nga nawe anene Falao kuti ate aina Izlaeli yafume mu mpanga yakwe.

Kufuma 8:16

Alino Yawe anena Mose ati, “Nena Aaloni akonzolole ikasa lyakwe aume intuwa yakwe pa lutukumbu, lyene lukungu lonsi mu mpanga ya Eguputo lumaya inkufu.”

Kufuma 8:17

Caleka Aaloni auma pa lutukumbu ni intuwa yakwe, nu lukungu lonsi lwamu mpanga ya Eguputo lusanguka luya inkufu. Inkufu zikunga antu ni nyama kwene.

Kufuma 8:27

Tulinzile ukupita amanda yatatu mu lwanga ku kupeela impolelwa kuli Yawe Leza witu, ndi vino amatupeelanga ilamulo.”

Kufuma 9:1

Lyene Yawe anena Mose ati, “Pita ukanene Falao uti Yawe, Leza wa Ayebulai wavwanga wati, ‘Ta antu yane yapita, pakuti yangampepa.

Kufuma 9:2

Ndi cakuti wakana kuleka antu yapite, watwalilila ukuyalesya,

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Kufuma 10:4

Ndi cakuti watwalilila kukomya umwenzo ndalenga makanta kuti aize mutondo mu mpanga yako