Kufuma 4:1 - Amazwi Yakwe Leza 2013

¹ Lyene Mose aasuka Yawe ati, “Nga ndi aina Izlaeli yatantaile, yakana nu kuvwa vino ndayanena, ndi yavwanga yati, ‘Yawe atalolike kunuli.’ Uzye ndacita cani?”

Kufuma 4:1 Referans Kwoze

Kufuma 3:18

“Intunguluzi zya ina Izlaeli zilatezya cino ulazinena. Lyene wewe pamwi ni ntunguluzi zya ina Izlaeli ulinzile ukupita ku mwene waku Eguputo ukamunene uti, ‘Yawe, Leza wa Ayebulai, wataisokolola kunotuli. Ndakai tuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu.’

Milimo 7:25

Mose welenganyanga ukuti amu luko lwakwe yamailuka vino Leza watamutuma kwiza yakulula. Lelo yene yatilwike.)

Ezekelo 3:14

Fwandi Umupasi wakwe Leza iunkatusya nu kunsenda, ala umwenzo wane ukunyongotoka wakwe cimwi, nupya nasosile na Yawe ala watampoka amaka.

Yelemiya 1:6

Nani ali pakwasuka inti, “Iye, we Yawe Simwandalali! Lola nemo nene mwance, nupya ntamanya ivyakuvwanga.”

Kufuma 6:30

Lelo Mose aasuka ati, “Wamanya ukuti ntamanya kuvwanga ningo. Uzye Falao wene anganguvwa?”

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

Kufuma 2:14

Muntu wilya aasuka Mose ati, “Uzye aweni uwakupeela maka akupingula panotuli? Uzye ukulonda unkome wakwe vino wakomile mwina Eguputo wilya?” Lyene Mose auvwa intete, nga aelenganya ati, “Antu yatiyamanya vino nacisile.”

Kufuma 3:15

Leza anena Mose na mazwi kwene yaa ati, “Nena aina Izlaeli ukuti ne Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo, natinkutuma kunoyali. Lii, ilili zina lyane amanda pe, nupya vii avino inkulo zyonsi zyaku nkolelo zilangama.

Kufuma 3:16

“Pitanga kakonganike intunguluzi zya ina Izlaeli pamwi. Ukayanene uti, ‘Yawe, Leza wa vikolwe vinu, Leza wakwe Abulaamu, na wakwe Isaki na wakwe Yakobo, wataloleka kunondi nga wali wanena wati, Nkamiwaka nupya natindola vino aina Eguputo yakucita kunomuli mu Eguputo.

Kufuma 4:10

Lelo Mose anena Yawe ati, “Awe Yawe, utantuma. Nemo ntamanya kuvwanga ningo ukufuma mpiti, nanti aepa kwene pano utandikile kuvwanga nani. Lulimi lwane lwanyoma nupya nkatitisya.”

Kufuma 4:30

Aaloni nawe anena intunguluzi zizi vyonsi vino Yawe wanenyile Mose. Lyene Mose nawe acita vizungusyo vivi vyonsi pa manso ya antu.

Kufuma 6:12

Lelo Mose aasuka ati, “Ndi aina Izlaeli nayo kwene yatangayuvwe amazwi yane, uzye Falao wene anganguvwa? Mwine ntamanya kuvwanga ningo.”

1 Yamwene 13:3

Pa nsita kwene iyo kasema wakwe Leza apeela ni cimanyililo ati, “Mulolekesye kavuwa kaa, kamalepuka ni itwi lino lili penepo limasansantika.”

Yakapingula 6:17

Gidyoni aasuka ati, “Ndi nakuzanzya undange cimwi icakusininkizizya ukuti wewe uli Yawe.