Kufuma 39:21 - Amazwi Yakwe Leza 2013

²¹ Lyene yalundinkanya cakuzwala ca pacisao nu tumipeto twaciko ku tumipeto twa vilemelo vya cakuzwala ca pacisao ku vilemelo vya cakuzwala ca efodi. Yalundinkinye na kamwando ka cifungo pakuti cakuzwala ca pacisao caikala papela ya musipi uno wapikulwa usaka, wa cakuzwala ca efodi, nupya utasapuka, wakwe vino Yawe wapeezile ilamulo kuli Mose.

Kufuma 39:21 Referans Kwoze

1 Kolinto 1:27

Leza, mwi pange lyakwe, wasolwile cico cino antu amu nsi yakaelenganya kuya utumpe, pakuti wene angazewanya antu yamano, nupya wene wasolwile cico cino antu amu nsi yakaelenganya kuya utonte pakuti azewanye antu yamaka.

1 Kolinto 1:25

Pano cino cikaloleka wa uwelewele wakwe Leza cene ica mano kuluta mano ya muntu, nga na cino cikaloleka wa utonte wakwe Leza cene ica maka kuluta maka ya muntu.

Mateo 16:24

Lyene Yesu anena alondezi yakwe ati, “Muntu umwi ndi akasi kundondela, aikanye, aisendele ulupanda nga andondele.

Kufuma 25:7

Nupya upokelele amawe ya onikisi nga ni viyembelo vyuze vyakwika pa cakuzwala cakwe Simapepo Mukulu cakwe efodi alino na pa cakuzwala ca pacisao.

Kufuma 28:8

Nupya yalinzile kupikula musipi usaka usumililwe kunkolelo ya cakuzwala ca efodi pakuti ciloleke icintu conga. Musipi uwo, wa ciputulwa conga nao kwene uye wa nsalu yakwe zaabu, ya cifungo, uyenzu nga na yakwe bafuta mutelepe mupangwe ningo.

Kufuma 39:20

Nupya yapanga tumipeto twiili twakwe zaabu yatulundinkanya ku nkolelo lwa mwisika ya tumakwelelo twapa viye twa cakuzwala ca efodi, pipi nu musumo, papela ya musipi uno wapikulwa usaka, wa cakuzwala cakwe efodi.

Kufuma 39:22

Wapanzile nu mwingila wa nsalu yakwe pamba wa cifungo, wakuzwala mwisika ya cakuzwala ca efodi.