Kufuma 36:3 - Amazwi Yakwe Leza 2013

³ Lyene Mose ayapeela amawila yonsi yano aina Izlaeli yalesile a kukuulila Itaalu lyamuzilo. Lelo aina Izlaeli yatwalilila ukupeela Mose amawila akuitemelwa cila katondo.

Kufuma 36:3 Referans Kwoze

Kufuma 35:29

Caleka aina Izlaeli yonsi aonsi na anaci kwene yano yalondanga kupeela vintu vyao nu mwenzo wao onsi ku milimo ino Yawe wapeezile ilamulo kupitila muli Mose, yaleta amawila yao akuitemelwa kuli Yawe.

Yelemiya 21:12

Mwe amu mupanda wakwe Davidi. Mwacita vya ulungi cila katondo. Mwatuula wino yafyenga, wiyo wino yiila mu ucenjezi. Ndi mutangacita cico, ale lyene iviipe vino mukucita vilalenga ukuti ukali wane ukatuke nu kulunkuma wa moto uno kusi nanti wenga angauzimya.

Ezaya 50:4

Yawe Simwandalali wampile ululimi lwa kumanya vyakulanda, apakuti ningakomelezya yayo atovoke. Cila katondo akanzyula, nu kuleka amatwi yane yatezye, wa muntu akusambilila.

Mapinda 8:15

Akaazwilizya yamwene ukuteeka, ni ntunguluzi ukupeela amasunde alungame anene kwene.

Masamu 101:8

Amanda yonsi nemo ndavunuka antu aipe umu mpanga yane. Nu kuzinga antu aipe umu umusumba wako we Yawe.

Masamu 5:3

We Yawe ukauvwa izwi lyane akatondo. Lini ilanzi lyatunka, inkakulenga nga indolela kuti ungasuke.

Kufuma 35:27

Lyene intunguluzi zileta amawe ya onikisi na mawe yauze akwika pa cakuzwala ca efodi alino na pa cakuzwala ca pacisao.

Kufuma 36:2

Lilyo kwene Mose aama Bezalele, Ooliyabu na yonsi amanya imilimo yano Yawe wapeezile amano nupya na yonsi aiteinye kwazwilizya.

Kufuma 36:4

Lyene yafundi ya milimo yonsi yano yaombanga imilimo ya kukuula Itaalu lyamuzilo, umuntu wensi kulingana na vino wamanya, yasya imilimo yao,

Amosi 4:5

Mupele umukate winu pakuti mutaizye Leza. Muitakizye apa mawila inu akuitemelwa, nu kuyuvwa pa mawila kwene yayo, pasi pano avino mwe ina Izlaeli mwatemwa ukucita. Avino Yawe wavwanga.