Kufuma 34:6 - Amazwi Yakwe Leza 2013

⁶ Apita ku nkolelo yakwe Mose nga apunda ati, “Nene Yawe, Yawe, Leza wa luse na mizu, asisoka zuwa, uwazula nu kutemwa kwa manda pe, uwatailwa na antu yakwe.

Kufuma 34:6 Referans Kwoze

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Masamu 145:8

Yawe uwakutemwa nupya wazula amizu. Akalengela ukusoka nga wakwatisya amizu.

Neemiya 9:17

Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.

Yona 4:2

Acino Yona apepa kuli Yawe ati, “Iye, we Yawe, uzye ntalanzile vikwene lino nali kumwitu? Uli mulandu uno nacincile ukuutukila ku Tasisyi. Namanyile vino wewe Leza wa mizu nu wa luse, wino asisoka zuwa nupya akatemwa wakwe cimwi, Leza asisimwilila ku kuponya ivilumbelo.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

2 Milandu 30:9

Nga cakuti umucumi mwaweluluka kunoli, ale lyene alalenga kuti yayo alayasenda uku uzya yayele anyonko na ana inu alamulondela apa nsizi, uluse na mizu nu kuyawezezya kumwao. Yawe Leza winu uwa luse ni cikuku. Ndi mwawela kunoli, wene alamupokelela.”

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Malango 5:10

Lelo nkalanga kutemwa ku nkulo mazimbi zino zyantemwa nu kuyela amasunde yane.

Masamu 138:2

Nkukupepa umu kulola uku Ng'anda yako ikulu. Namatakola izina lyako, pamulandu wa citemwiko cako, ni cisinka cako. Ulayo wako wakula ukuluta apa lulumbi lonsi.

Masamu 116:5

Yawe waya ni nkumbu nupya umusuma, ala Leza witu waya nu luse wakwe cimwi.

Masamu 108:4

Ukutemwa kwako ukusisila kwafika nu mwiyulu, icumi cako cafika nu mu makumbi.

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Masamu 111:4

Umwene asileka ukuti twailila kwene uku vizungusyo vyakwe, wene wakwatisya uluse ni nkumbu.

Masamu 112:4

Uluswepo lukakozezya umufite uku antu asuma, kuli yao a luse, ankumbu nupya alungami.

Masamu 57:10

Ukutemwa kwako uku sisila kwafika nu mwiyulu, icumi cako cafika nu mu makumbi.

Kufuma 22:27

pamulandu wakuti cili icakuvimbala sile cino mupina akweti ca kumucingilila ku mpepo usiku. Uzye nacuze icani cino angavimbala? Ndi wene walilila kunondi ukuti mwazwe, ndamwasuka pano nene wa mizu.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Nyimbo zya ndosya 3:23

Muno amanda yala yacela wene akalanga cipya cipya ulukundo na mizu, pano wene uwacumi insita zyonsi.

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Masamu 91:4

Amakuvimbanga na mapa yakwe, nu kuwa amuno umauwanga, ni cisinka cakwe, ni cumi cakwe, acino umasolelanga nu kuicingilila kweneko.

Masamu 31:19

Iye mwe, we Yawe vino usuma wako wakula, uno ukacitila yayo akukwatila icoopo! Ala kwene icakuzunguka uku muntu ali wensi, apakulola vino wemo ukacitila yao akutaila, yano yakaiza umu kuzina kunuli.

Ezaya 12:4

Mu wanda ulya antu yalimbila ulwimbo luu: “Taizini Yawe, laizini kunoli apakuti amwazwilizye! Nenini imitundu yonsi vino wene wacita! Yanenini vyapa ucindami wakwe.

Masamu 111:8

Yaya amuyayaya, yapilwe umu ulungami nupya acumi.

1 Yamwene 19:11

Yawe nawe amwaasuka ati, “Ndanga wimilile papela ya mwamba, pa manso yane.” Lyene Yawe aiza apita penepo, alino cipunga cikulu sana cikatuka nga icilepula umwamba pakasi icivungola na mawe, lelo Yawe atali mwenemo mu cipunga cico. Lino cipunga cata, kwiza icilundumusi. Lelo Yawe atali mwenemo mu cilundumusi cico.

Masamu 146:6

wiyo uwaumvile iyulu ni nsi, na yemba, nga na vyonsi ivyaya mwenemo. Wene akafikilizya amalayo yakwe pe.

Yakobo 5:11

Yaa, ayano tukati alongo pano yene yaposizye. Muuvwa vino Yobo watesile mwenzo, nga mwamanya na vino pacisila Umwene wamwazwilizye. Pano Umwene wakwatisya mizu nu luse.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Kufuma 33:19

Lilyo kwene Yawe aasuka ati, “Namalenga kuti ulole usuma nu ucindami wane, nupya pa manso yako namalumbula zina lyane lyamuzilo lyakuti, Yawe. Nkalanga mizu nu luse kuli yano nasolola.”

Malango 4:31

Pasi pano Yawe Leza winu a Leza uwa mizu. Wene atalamutazyela nanti ukumonona, nupya atalilila upangano uno umwisikulu wacisile ni vikolwe vinu.

Malango 32:3

Namapundanga pa kulumbula izina lyakwe Yawe, na antu yakwe yamalanda ivya ukulu wakwe.

1 Yamwene 8:30

Uwauvwa amapepo yane na ya antu yako aina Izlaeli lino tumaizanga muno umu kukupepa. Uwatuvwa ukwako kuko kuno wikala kwiyulu. Uwatwelela amaifyo itu.

Kasambilizya 8:11

Uzye pacani cino antu yakatalila imilandu uku mufulo? Aeci yakapingula ya milandu yasipingula zuwa.

Ezaya 65:16

Umuntu wensi muno nsi wino alalenga intembo, nene kwene ne Yawe muntafutuka ndamumila ulutembo. Wiyo wensi alalapa, wene alalapa mwi zina lyakwe Leza Muntafutuka, ivinkunka vyonsi vyampiti vilapita nu kuviilila ndaviilila.”

Yelemiya 9:24

Ndi umwi akasi kuyuvwa, alinzile wayuvwa apakumanya nene nu kwiluka vino naya, pamulandu wakuti nene indi Yawe wino akacita uluse. Nupya nkacita vyaulungami ni vyaololoke umu nsi, pano vii vili vintu vino vikanzanzya. Ivyalanda ne Yawe.”

Yelemiya 32:18

Ukayela antu amazimbi na mazimbi uluse, lelo ukalandula wakwe cimwi ku ana amufulo pa uyi wa vikolwe vyao. We Leza mukulu Wamaka, Yawe Wamaka yonsi ali zina lyako.

Naumi 1:3

Yawe asisoka zuwa, lelo uwamaka wakwe cimwi nupya asipanya umuntu uwa mulandu. Pano Yawe akupita, pakakatuka nkungulupya ni cipunga icikome. Amakumbi ali lukungu luno ingazo zyakwe zikakatusya.

Utandiko 24:27

Avwanga ati, “Lumbanyini Yawe, Leza wa musambazi wane Abulaamu, wino watafikilizya ulayo wakwe nu utailo ukulu. Leza watantungulula ku ng'anda ya mwina wa musambazi wane.”

Mpendwa 12:8

Tukalanda sika, na manso ntontonto. Tukalanda apaswe nupya musi mu tucole foo. Wene akalola ni cata cakwe Yawe. Uzye fwandi pacani cino mutakwatile intete zya kuilizyanya pa muomvi wane Mose?”

2 Samueli 24:14

Davidi nawe aasuka Gadi ati, “Ntamanyile ivyakucita! Lelo ntakasi ukuvunukwa na antu. Si Yawe umwisikulu ale atuvunuke, pano wene uwa mizu.”

Mapinda 3:3

Utaleka ukuyela kwako nu kutaila kwako vikusye. Vivyo uvinyepelele umu nsingo yako, uvilembe nu mu mwenzo wako.