Kufuma 34:11 - Amazwi Yakwe Leza 2013

¹¹ Mwayela amasunde yano nakupeela ilelo. Ndamuzingila aina Amoli, aina Kenani, aina Hiti, aina Pelizi, Hivi, nga na ina Yebusi lino mukuya kunoyali.

Kufuma 34:11 Referans Kwoze

Kufuma 33:2

Ndatuma mungeli kuti akukolelele, nupya ndazinga aina Kenani, aina Amoli, aina Hiti, aina Pelizi, aina Hivi, na ina Yebusi.

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Malango 6:25

Ndi cakuti twaya acumi mukuyela ivintu vyonsi vino Yawe watupeela ilamulo kuti tuyele, ale wene alazangila munotuli.’

Malango 6:3

Uvwikisini, mwe ina Izlaeli, nu kuyela amasunde! Ndi caya vivyo mulalola ukuti ivintu vyonsi vimamuzipilanga, nupya mulasanduluka cuze nu kwikala mu mpanga iya uzombozi ukulu cuze nupya iivunde, ndi vino Yawe umwisikulu, Leza wa vikolwe vitu, walavile.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Yoane 14:21

“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Malango 28:1

“Ndi cakuti mwaca mwayela Yawe Leza winu muli vyonsi nu kutekela apakulondela amalamulo yakwe yonsi yano nkumupeela ilelo, ale lyene Yawe Leza winu alamucita ukuya uluko lumwi ulukulu ukuluta inko zyonsi pano nsi.

Malango 12:32

“Mulinzile ukucita vyonsi vino namupeela ilamulo ukucita. Mutakezye ukulunda penepo nanti ukufumya penepo icili consi.”

Malango 12:28

Muce mwatekela nu kuyela amalamulo yonsi yano nkumupeela, nga ni vintu vyonsi vilamuzipila mwemwe na amu mupanda winu amanda pe, pamulandu wakuti mulacita icisuma icakuzanzya Yawe Leza winu.

Malango 7:19

Mwiusye ivilumbelo iviipisye vino mwailolile na manso inu, pamwi ni vinjelengwe ni vizungusyo, nga na maka akulu nu ulamba uno Yawe waomvizye apakuleka kuti muye antungwa. Mu musango uli onga uno wene wononyile aina Eguputo, avino ali nu konona antu yaa yonsi yano mwemo mukoopa pali ndakai.

Malango 5:32

“Acino fwandi mwe ina Izlaeli cenjelini nu kucita vino Yawe Leza winu wamupeela ilamulo kuti mucite. Mutakezye ukukana yela isunde lyakwe ilili lyonsi.

Malango 4:40

Mwayela amasunde yakwe yano namupeela apilelo, nga ivintu vyonsi vilamuzipila mwemwe na amu mupanda winu. Mulatwalilila ukwikala mu mpanga ino Yawe Leza winu akumupeela kuti iye iyakwinu pee.”

Kufuma 23:28

Ndalenga kuti aina Hivi, aina Kenani nga na ina Hiti yutuke lino mutacili mufikeko, nupya yalutuka wa antu yano yalumwa na mavu.

Malango 33:27

Leza aliwe waya akacingilila winu mu nsita zyonsi. Akamufukatila ningo mu makasa yakwe. Wene wazinganga anisi inu lino mwemo mukuya pa nkolelo, nga amunena ukuti muyonone yonsi pyu.

Neemiya 13:23

Pa nsita kwene iyo nga ndola aikazi yaku Yuda yayo atwite anaci aku Asyidodi, nu ku Amoni nga nu ku Moabu.

Kufuma 8:27

Tulinzile ukupita amanda yatatu mu lwanga ku kupeela impolelwa kuli Yawe Leza witu, ndi vino amatupeelanga ilamulo.”

Yoswa 23:5

Yawe Leza winu umwisikulu alayazinga mwenemo lino mwemo mukuyamo. Wene alayazingila ukunzi pa manso inu kuti mupoke impanga nu kwikala mwenemo, wakwe vino Yawe Leza winu wamulavile.

1 Milandu 1:14

Yebusi, Amoli, Giligasi,