Kufuma 34:10 - Amazwi Yakwe Leza 2013

¹⁰ Lyene Yawe anena Mose ati, “Ndakai natinacita upangano na ina Izlaeli. Ndacita vintu vikulu pa manso yao ivitatala vyacitika mu luko nanti longa lwa munonsi. Antu yonsi yamalola vintu vikulu vino Ne Yawe ningacita, pano namacita vintu vya ngofyo kunuli.

Kufuma 34:10 Referans Kwoze

Malango 10:21

Mwamulumbanya. Wene ali Leza winu, wino wamucitila ivintu ivikulu ivyakuzunguka nupya ivyakoofya vino mweisikulu mwailolile na manso inu.

Masamu 77:14

Wemo wewe Leza kacita wa vizungusyo. Walanzile ni mitundu yuze apapela amaka yako.

Ezaya 64:3

Kuli insita imwi ino wemo wizile ku kucita vyakoofya antu, ino swemo tutenekile. Imyamba yakuweni itandika nu kuzakaza sile uku ntete.

Masamu 66:5

Izini mulole vino Leza wacita. Iye mwe, aliwe uwakoopa, pamulandu wa vintu vino wacitila antu!

Yelemiya 32:21

Wafumizye umutundu wako wa ina Izlaeli mu mpanga ya Eguputo, umu vimanyililo nu ku vipezyamano, apakutambalika ikasa lyako lyamaka ni ngofyo zikulu.

2 Samueli 7:23

Nupya kusi yano tungakolanya ku antu yako aina Izlaeli, uluko longa pano pansi luno Leza waile ku kukulula ukuti yangaya antu yakwe. Na kuti alumbuke, nga nu kucita ivizungusyo ivikulu ivyakoofya pa kuzinga imitundu ya inamasi kumwi na tuleza twao pa nsita ino antu yako yakwingila mu mpanga ya ulayo ukufuma ku Eguputo kuno wayakulwile.

Masamu 78:12

Leza wacisile ivizungusyo apa manso ya vikolwe vyao, umu citungu caku Zoani, ica mpanga yaku Eguputo.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Malango 32:30

Uzye pacani cino umuntu wenga sile wacimvizye antu izimbi, nga na antu yaili sile nayo yacimvizye antu amazimbi ikumi? Apamulandu wakuti Yawe, Leza wao, wayafutata. Leza wao uwamaka yonsi wayatazyela.

Yoswa 6:20

Lyene lino intandala zyalila, antu nayo iyapunda na maka, nga ni linga ilipona. Ivita navyo ivisimwilila mukasi, cila muntu ulunga na pano wali, nga yapoka umusumba ulya.

Kufuma 34:27

Yawe anena Mose ati, “Lemba amazwi kwene yaa, pamulandu wakuti kulondela amazwi kwene yaa, kuli kucita upangano pakasi kane nawe nga na ina Izlaeli yonsi.”

Masamu 145:6

Nupya antu yalatakola amaka akulu ya milimo yako, nga nani ndalanda ukulu wako.

Masamu 106:22

ivizungusyo vino wacisile mumu mu mpanga yakwe Hamu! Iye mwe ivintu nu kupelenganya, vino wacisile kuli Yemba Muyenzu!

Masamu 76:12

Pano wene akatembola intunguluzi zya vilumba, nupya yamwene nayo yakamoopa.

Masamu 65:5

Ukaatwasuka we Leza, we katuula witu. Apa kututuula, wemo ukacita ivintu ivyakuzunguka. Antu yonsi apano nsi kumwi na yano yaya ukumbalama yakwe yemba, munuli amuno yataila.

Masamu 147:20

Atatala wacita vivyo uku mutundu uli onsi, yene yatamanya amasunde yakwe, awe. Lumbanyini Yawe!

Malango 4:13

Wene wamunenyile vino mulinzile ukucita apakusunga upangano uno wene wacisile namwe, ukuyela Amasunde Ikumi, yano walemvile pa vipampa vya mawe viili.

Masamu 68:35

Iye mwe! Icumi we Leza walinga ukukukwatila icoopo umwi sano lyako ilyamuzilo. Icacumi Leza wa ina Izlaeli, akapeela amaka nu kukomya antu yakwe! Endita! Kulumbwe we Leza!

Kufuma 34:28

Lyene Mose aikala pamwi na Yawe kuku kwene amanda amakumi yani, musanya nu usiku, kwaula ukulya nanti cimwi. Lyene Yawe alemba pa vipampa vya mawe yaya yaili amazwi yonsi a upangano, kuli kuti amasunde ikumi.

Malango 9:19

Nemo nakweti intete zya pa ukali ukulu wakwe Yawe, pamulandu wakuti wene wasosile kulingana nu konona mwemwe. Lelo nupya kwene Yawe uvwile kupapata kwane.

Masamu 72:18

Mwalumbanya Yawe, Leza wakwe Izlaeli, kacita wa vintu vyonsi vii ivyakuzunguka wenga sile!

Masamu 136:4

Leza wenga mpo aliwe akacita ivyakuzunguka, pano luse lwakwe ulwa pe na pee.

Mika 7:15

Yawe akuti, “Ndayalanga ivizungusyo vyane, wakwe vino cali mu manda yano yafumile mu Eguputo.”