Kufuma 33:2 - Amazwi Yakwe Leza 2013

² Ndatuma mungeli kuti akukolelele, nupya ndazinga aina Kenani, aina Amoli, aina Hiti, aina Pelizi, aina Hivi, na ina Yebusi.

Kufuma 33:2 Referans Kwoze

Yoswa 24:11

Alino mwalamvile Luzi lwa Yodani imwiza ku Yeliko. Aikazi amu Yeliko nayo iyamulwisya, wakwe vino aina Amoli, aina Pelizi, aina Kenani, aina Hiti, aina Giligasi, aina Hivi na ina Yebusi yacisile. Lelo nayapile mu makasa inu.

Kufuma 32:34

Ndakai pitanga utungulule antu yayo ku mpanga ino nakunenyile. Waiusya ukuti mungeli wane akaakutungulula, lelo uwanda uliza uno ndavunuka antu yayo pamulandu wi iifyo lyao.”

Kufuma 23:20

“Natinatuma mungeli wane inkolelo inu, pakuti amucingilile umu nzila nu kulenga kuti mufike ku cifulo cino namuteyanyizizya.

Malango 7:22

Yawe Leza winu alazinga antu amu nko zizi panono panono lino mwemo mukuya pa nkolelo. Mutalaya na maka aku yonona lilyo kwene, pasi pano ndi caya vivyo, ale lyene ivilyanyi vyamu mpanga vilasanda viye uzanzo kunomuli.

Kufuma 34:11

Mwayela amasunde yano nakupeela ilelo. Ndamuzingila aina Amoli, aina Kenani, aina Hiti, aina Pelizi, Hivi, nga na ina Yebusi lino mukuya kunoyali.

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Kufuma 33:12

Mose anena Yawe ati, “Lyonsi ukanena kuti ntungulule antu yaa ku mpanga ilya, lelo utanena wino ulatuma kuti mpite nawe. Lelo nupya watuvwanga uti, ‘Nakumanya ningo, nupya ukazangila munondi.’

Kufuma 34:24

Pacisila cakuzinga imitundu mu mpanga nga nu ku kuuzya impanga ilya, kusi umuntu nanti wenga aleezya kumulwisya nu kupokolola impanga inu pa nsita ya kuzevya vimulo vitatu pa mwaka.

Yoswa 3:10

Lino mulaya pankolelo, wene atalaposiwa ukumuzingila aina Kenani, aina Hiti, na ina Hivi, na ina Pelizi, na ina Giligasi, na ina Amoli nga na ina Yebusi. Vii avino mulamanya ukuti Leza wa umi ali pakasi kinu

Zakaliya 12:8

Pa nsita iyo ne Yawe ndacingilila aina Yelusalemu cakuti nu tupopo twao kwene tulakwata amaka ali yamwi kwene na yano umwene Davidi wakweti. Ana yakwe Davidi ali yano yalayatungulula wa mungeli wane ne Yawe.

Utandiko 15:21

ya ina Amoli, ya ina Kenani, ya ina Giligasi, ni ya ina Yebusi.”

Utandiko 24:7

Yawe, Leza uwa mwiyulu, uwandesile kuno ukufuma kuli tata nu kufuma ku mpanga ya antu aluko lwane, wandaya nu mulapo ukuti alapeela impanga ino ku ana yane. Alatuma mungeli kunuli kuti akwazwe kulondela umwana wane umuci ukufuma kweneko.

Yakapingula 6:9

Namukulwile ku uzya wa ina Eguputo nu ku maka yakwe yao yonsi amunyasile mu mpanga kwene ilya.

1 Milandu 1:14

Yebusi, Amoli, Giligasi,