Kufuma 30:8 - Amazwi Yakwe Leza 2013

⁸ Lyene lino akukozya malampi yayo manguzi, nupya afutikila ubani. Vivyo kwene kuye kufutikila kwaula kuta pa manso yakwe Yawe mu mikulo inu yonsi.

Kufuma 30:8 Referans Kwoze

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

1 Tesalonika 5:17

pepini nsita zyonsi,

Loma 8:34

Uzye lyene aweni angayavunuka? Vino Leza umwisikulu wati yasi na mulandu. Klistu Yesu wino uwafwile, nupya uwazyukwike kufuma ku mfwa, wino ndakai wikala kwi kasa lilunji lyakwe Leza, akutupapatila kunoli.

Kufuma 12:6

Mulinzile kusunga ningo kanyama kako kufika pa wanda uwalenga ikumi na yani uwamu mwezi kwene uu. Manguzi ya wanda kwene uwo aina Izlaeli yalakongana nu kufyula twasuku nanti twasawe twao.

Kufuma 27:21

Aaloni na ana yakwe aonsi yakakozya ilampi kunzi ya nsalu icinge ino yapaatula Cifulo Camuzilo ni Cifulo Camuzilo ukuluta kuno kukaikala Mbokosi ya Upangano. Lyene ilampi mwi Taalu lya Ukongano likaaka pa manso yane kutandika manguzi mpaka kufika katondo. Aina Izlaeli nga na amu mupanda wao yalinzile yasunge ilamulo lii amanda pe.”

Kufuma 30:7

Cila katondo konsi Aaloni afutikila ubani wa cinunkilo cisuma, nupya insita kwene iyo aateyanya malampi yaili.

Kufuma 30:9

Pa kavuwa kako utafutikilapo ubani uli onsi uno utazumiliziwa, nanti kupelelapo uwila wakoca uli onsi, nanti uwila wa usu. Nupya pa kavuwa kako utapongolwelapo uwila wa vyakumwa.

1 Samueli 2:28

Nupya nayasolwile pa mitundu yakwe Izlaeli kuti yangaya yasimapepo yane, na kuti yatumbela ukuya pa kavuwa kane, ku koca ubani, nu kuzwala cakuzwala ca efodi kuti yapendola pa manso yane. Nupya anene kwene napiile ang'anda yakwe so kuti yatoola vyonsi vino aina Izlaeli yakapeela kunondi.

2 Milandu 26:18

Lyene yasimapepo yayo apa kulesya umwene Uziya yamunena yati, “Cisi cisuma kuti we mwene Uziya waocela Yawe ubani. Lelo angacita cico a yasimapepo sile, amu mupanda wakwe Aloni, yano yapaatulwa kuti yaoca ubani. Fuma muno umwi taalu lyamuzilo, pasi pano watiwifya kuli Yawe, nga wene watafumya upolelelo wakwe pano uli.”

Masamu 141:2

Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

Kufuma 25:37

Upange inyali cinimbali nu kuyika pa cakutekapo ilampi pakuti yapeela uluswepo ku nkolelo.