Kufuma 30:10 - Amazwi Yakwe Leza 2013

¹⁰ Cila mwaka Aaloni akaacita lutambi lwa kufuta amaifyo pa mpembe zya kavuwa kako iila lyonga. Akaaswefya kavuwa iila lyonga pa mwaka nu wazi wa nyama zya mawila ya kufuta amaifyo. Vintu vii vikacitwa mu nkulo zikwiza zyonsi. Kavuwa kwene kaa kalaya kamuzilo cuze, nupya kene kapaatulwa kuli Yawe.”

Kufuma 30:10 Referans Kwoze

Aina Levi 16:18

Lyene alinzile kufumila kunzi nu kuya ku kavuwa kano kali pa manso yakwe Yawe, alino acite ulutambi lwa kukaswefya. Atole uwazi wakwe cipambasi nu wazi wa mbuzi, alino apake pa mpembe zya kavuwa akazingulusye.

Ayebulai 9:25

Simapepo Mukulu wa Ciyuda wingilanga mu Ncende Yamuzilo Kuluta lyonga cila mwaka, ala asenzile wazi wa nyama. Lelo Klistu atingile kwiyulu kuti apeela impolelwa lili lili,

Aina Levi 23:27

“Uwanda uwalenga ikumi, uwa mwezi uwalenga cinimbali, uli wanda wakucita ulutambi lwa kufuta amaifyo. Pa wanda uwo mutaomba nanti cimwi foo. Mwakongana sile pamwi ku mapepo nu kupeela uwila wa usu kuli Yawe.

Ayebulai 9:7

Lelo mu muputule wakwe ciili mwingila sile Simapepo Mukulu, nupya wene wingilangamo sile lyonga pa mwaka. Wene pakwingilamo wasendanga uwazi uno wapelanga kuli Leza, pa maifyo yakwe umwisikulu na pa maifyo ya antu yauze yano yacitilanga kusi ku mufulo.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Umbwilo 9:13

Alino mungeli walenga mutanda alizya ntandala yakwe. Nga nuvwa izwi likufuma mu matungi yani a kavuwa kakwe zaabu kano kali nkolelo yakwe Leza.

Kufuma 30:9

Pa kavuwa kako utafutikilapo ubani uli onsi uno utazumiliziwa, nanti kupelelapo uwila wakoca uli onsi, nanti uwila wa usu. Nupya pa kavuwa kako utapongolwelapo uwila wa vyakumwa.

Kufuma 30:11

Yawe atwalilila ukunena Mose ati,

Aina Levi 16:2

Yawe avwanga ati, “Nena munyonko Aaloni kuti ataingila insita ili yonsi mu Ncende Yamuzilo kuluta, kwi tundu lya nsalu yakucingilila, ku nkolelo ya ntupiko ya Mbokosi ya Upangano, pano angafwa pamulandu wakuti ne Yawe nkalolekela mwi kumbi papela ya ntupiko iyo.

Aina Levi 16:16

Vii, avino Aaloni ali nu kucita pa lutambi lwa kuswefya Ncende Yamuzilo kuluta ku mifitalila ya ina Izlaeli nu ku maifyo yao Alinzile kucitila ni Taalu lya Ukongano icili cimwi kwene pamulandu wakuti lyaya pa nsakwe ikowele.

1 Yamwene 1:50

Adoniya apakoopa Solomoni, nawe aya kwi Taalu lyakwe Yawe nga alemelela ku matungi ya kavuwa.

1 Milandu 6:49

Lelo Aaloni na amu mupanda wakwe ali yano yafutumulanga ubani pamwi nu kupeela impolelwa pa ncende yapa kavuwa ka mawila yakoca. Ali yano yakweti sile insambu ya kupepela mu Ncende Yamuzilo kuluta pamwi nu kupeela impolelwa ya kwelela kwa maifyo ya ina Izlaeli. Vyonsi vivyo vyacitwanga ukulingana na masunde yano Yawe wapile Mose.

Aina Levi 4:7

Pacisila cakwe vii simapepo apake uwazi umwi pa mpembe zya kavuwa ka mwi Taalu lya Ukongano akakocelapo ubani wa cinunkilo cisuma pa manso yakwe Yawe. Uwazi uze uwasyala wakwe cipambasi wiyo awitile mwisika ya kavuwa ka kupelelapo uwila wakoca kano kali pa mulyango wi Taalu lya Ukongano.

Aina Levi 4:18

Pacisila cakwe vii, apake uwazi umwi pa mpembe zya kavuwa kano kali mwi Taalu lya Ukongano pa manso yakwe Yawe. Uwazi uze wasyala awitile mwisika ya kavuwa ka kupelelapo uwila wakoca, kano kali pa mulyango wi Taalu lya Ukongano.