Kufuma 3:16 - Amazwi Yakwe Leza 2013

¹⁶ “Pitanga kakonganike intunguluzi zya ina Izlaeli pamwi. Ukayanene uti, ‘Yawe, Leza wa vikolwe vinu, Leza wakwe Abulaamu, na wakwe Isaki na wakwe Yakobo, wataloleka kunondi nga wali wanena wati, Nkamiwaka nupya natindola vino aina Eguputo yakucita kunomuli mu Eguputo.

Kufuma 3:16 Referans Kwoze

Masamu 8:4

injuzya nemwisikulu inti, “Ngu muntu wene uwacani uwakuti uwamwelenganya penepo, umwana wa muntu uwacani uwakuti wemo uwamusakamala?

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

Kufuma 4:29

Caleka Mose na Aaloni iyaya ku mpanga ya Eguputo, nga yakonganika intunguluzi zyonsi zya ina Izlaeli pamwi.

Utandiko 50:24

Yosefu anena aina yakwe ati, “Indi pipi nu kufwa, lelo Leza alamusunga nu kumutungulula ukufuma mu mpanga ii ukuya ku mpanga ino walavile kuli Abulaamu na Isaki, nga nakuli Yakobo.”

Milimo 15:14

Simoni watalondolola vino inkolelo Leza watandike kusolola yamwi mu Akulukuwa kuti yaye antu yakwe.

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

Milimo 20:17

Paulo watumile izwi ukufuma ku Mileto ukuya ku Efeso, ukuuzya aikolo amwi uvi kuti yakamukomanye.

Milimo 11:30

Vii, avino yacisile nga yapela Saulo na Banaba musangulo uwo kuti yatwale.

Luka 19:44

Yalakuwisya pansi nu konona antu yano aikala mwenemo. Nupya yatalasya iwe pa lyuze, pano utilwike kasita kakwiza kwakwe Leza kuti akutuule.”

Luka 1:68

“Lekini tulumbanye Mwene Leza wa Izlaeli, pano wataiza ku kutandalila nu kukulula antu yakwe.

Mateo 26:3

Lyene yasimapepo akalamba nga na aikolo yakongana mu ng'anda yakwe Kayafa, Simapepo Mukulu.

Luti 1:6

Lino papisile insita, Naomi uvwile ukuti Yawe wapolelela antu yakwe apa kuyapeela ivyakulya ivingi. Acino wene pamwi na nyinavyala iyaiteyanya ukufuma ku Moabu.

Kufuma 13:19

Mose asenda mafupa yakwe Yosefu wakwe vino Yosefu walenzile kuti aina Izlaeli yalape nu mulapo ukuti yalacita. Yosefu wavwanzile ati, “Lino Leza alamupususya, mulinzile kusenda mafupa yane ukufuma mu mpanga ii.”

Kufuma 4:5

Alino Yawe anena Mose ati, “Ukacite cii kuti aina Izlaeli yakasininkizye ukuti Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo wataloleka kunuli.”

Kufuma 2:25

Leza alola ucuzi wa ina Izlaeli, nga asakamala kuti ayazwe.

Kufuma 24:11

Leza atononyile intunguluzi zii, zya ina Izlaeli. Endi yamuweni Leza, lino yalola Leza alino lyene yalya nu kumwa capamwi.

Kufuma 18:12

Lyene Yetulo aleta uwila wakoca nga na mawila yauze akupeela impolela kuli Leza. Nga Aaloni ni ntunguluzi zya ina Izlaeli zipita nawe pa manso yakwe Leza, ku kulya cimulo pamwi na Yetulo sivyala wakwe Mose.

Kufuma 15:14

Antu amu nko zyuze yatiyuvwa pali cii, nga yazakaza ku ntete. Intete zikulu cuze zyalema aina Filisti.

Kufuma 3:2

Kuku kwene akuno mungeli wakwe Yawe aloleka kunoli wa cimbilimbili ca moto pakasi ka cimpuza. Mose alola ukuti cimpuza cikulunkuma, lelo icaula ukupya.

Utandiko 21:1

Yawe apolelela Sala wakwe vino walavile

Utandiko 1:7

Avino Leza wacisile ulwelele lwa kupaatukanya amanzi ya pisika lya lwelele na papela yaluko.

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Utandiko 48:15

Lyene Yakobo apolelela Yosefu ati, “Si Leza wino ivikolwe vyane, Abulaamu na Isaki, yatumikilanga apolelele alumendo yaa! Si Leza wino uwantungulula kufika na pa wanda wi lelo apolelele alumendo yaa!

Kufuma 3:6

Anene Leza wa vikolwe vyako, Leza wakwe Abulaamu, Leza wakwe Isaki, na Leza wakwe Yakobo.” Caleka Mose aivimba pa manso pamulandu wa koopa kulola Leza.

Kufuma 4:1

Lyene Mose aasuka Yawe ati, “Nga ndi aina Izlaeli yatantaile, yakana nu kuvwa vino ndayanena, ndi yavwanga yati, ‘Yawe atalolike kunuli.’ Uzye ndacita cani?”

Kufuma 17:5

Lyene Yawe anena Mose ati, “Tola intunguluzi zimwi zya ina Izlaeli, nga mukolelele antu yonsi. Pa kupita usende intuwa ino uumile pa manzi mu Luzi lwa Nailo.

Masamu 33:18

Lelo Yawe akawaka yayo akamuyela, yayo ataila mu kutemwa kwakwe ukwa pe.

Kufuma 1:8

Lyene umwene muze wino atamanyile nanti cimwi pali Yosefu, apyana atandika kuteeka mu Eguputo.

Masamu 102:21

Ali cino fwandi antu yalalumbilizya Yawe umu Zioni, nu kumuwanzya umu Yelusalemu,