Kufuma 28:2 - Amazwi Yakwe Leza 2013

² Uleke yasumile munyonko Aaloni vyakuzwala vyamuzilo, ivya kumucindamika nu kumuyemvya.

Kufuma 28:2 Referans Kwoze

Aina Levi 8:30

Lyene Mose atoola amafuta yamwi akusolwela nu wazi umwi uwali pa kavuwa, alino asansa pali Aaloni na ana yakwe, nga na pa vyakuzwala vyao. Mu nzila kwene ii ayapaatwila kuli Yawe pamwi ni vyakuzwala vyao.

Kufuma 31:10

vyakuzwala vipikulwe, nga ni vyakuzwala vyamuzilo vyakwe simapepo Aaloni alino ni vyakuzwala vya ana yakwe aonsi vino yalinzile kuzwala pa kuomba imilimo ya usimapepo,

Umbwilo 19:8

Wene watapelwa nsalu iswepe nupya itiswe iyakuti azwale.” Nsalu itiswe ali vicitwa visuma vya antu yakwe Leza.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Yobo 40:10

Ndi cakuti cili vivyo, ale fwandi uizwike ululumbi nu ukankala, uizwike uwene alino nu mucinzi.

Kufuma 28:40

“Ana yakwe Aaloni aonsi yayasumile malaya, misipi nga na tulibani kuti yaloleka acindame nupya ayembe.

Umbwilo 5:10

Wemo wayacita kuya yakateeka na yasimapepo akatumikila Leza witu, yene yalateeka pano nsi.”

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

2 Petulo 1:17

Swemo apano twali lino Leza Tata wamucindamike nu kumupeela ululumbi. Pa nsita ilya izwi lyafumile kuli Leza uwa lulumbi lukulu, liti, “Wii Mwanane mukundwe. Munoli nkuzanga cuze!”

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.

Galatiya 3:27

Na lino mwawatiziwe apa kutaila muli Klistu mwazwite Klistu mu musango uli onga ndi vino mukazwala vizwalo vipya.

Loma 13:14

Lelo lekini Mwene Yesu Klistu aye pipi namwe wa visyangu vinu vino mukazwala. Tiini kusakamala musango wa untunze nu kuzanzya vilondwa vyauko.

Loma 3:22

Leza akacita antu kuya aololoke pa manso yakwe kupitila mu utailo wao muli Yesu Klistu. Leza akacita vivyo ku muntu wensi wataila muli Yesu Klistu, pano Leza ataya na kasoozi.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Ezaya 64:6

Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Ezaya 4:2

Mu wanda ulya umusambo wakwe Yawe ulalemba, ulacindama nu kulumbanyiziwa. Iviseekwa vya mpanga navyo vilacindama. Vyene vilasansamusya antu apusuka amu Izlaeli.

Masamu 149:4

Pano Yawe akazangila mu antu yakwe, aliwe akayacindamika, pakuyapeela ucimvyo.

Masamu 132:16

Yasimapepo ya mwenemo ndayapolelela muli vyonsi vino yalacita, nga na ikazi ya mwenemo nayo yalimbila nu kupunda nu luzango.

Masamu 132:9

Yasimapepo yako kayazwale uololoke. Akaele nayo kayapunde nu luzango.

Masamu 96:6

Ululumbi nu luswepo vyamulilizya, na maka nu kuyemba vyaya mu Ng'anda yakwe.

Kufuma 40:13

Aaloni mumuzwike vyakuzwala vyamuzilo. Umupake amafuta nupya umupaatule, apakuti aye a simapepo wa kuntumikila nene.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Kufuma 29:28

Pali vino aina Izlaeli yakapeela, vikwene vii viye vyakwe Aaloni nga na ana yakwe Aaloni aonsi amanda pe. Yasimapepo aliyo yapokelele vyonsi vii, ukufuma pa mawila autandano ya ina Izlaeli, pakuti ali mawila ya ina Izlaeli kuli Yawe.