Kufuma 24:13 - Amazwi Yakwe Leza 2013

¹³ Caleka Mose atenuka pamwi na Yoswa kaazwa wakwe, alino Mose atandika kukwela mwamba wakwe Leza.

Kufuma 24:13 Referans Kwoze

Kufuma 33:11

Avino Yawe wavwanganga na Mose manso na manso wakwe vino umuntu wensi akavwanga na cuza wakwe. Lyene pacisila cakwe vii Mose aswilila ku nsakwe kuno walafumile. Lelo mulumendo umwi, zina lyakwe Yoswa umwana umonsi wakwe Nuni, wino wali kaazwa wakwe Mose asyala mwi Taalu.

Mpendwa 11:28

Yoswa umwana umonsi wakwe Nuni uwazwilizyanga Mose ukutandikila sile ku wance wakwe, anena Mose ati, “We musambazi, Mose, uyalesye!”

Kufuma 3:1

Uwanda umwi lino Mose wacemanga imfwele ni mbuzi zyakwe Yetulo, sivyala wino wali a simapepo waku Midyani, azitungulula nu kusalala mu lwanga mpaka afika ku mwamba wakwe Leza, uwa Holebu.

Kufuma 32:17

Lyene Yoswa auvwa antu yakupunda, nga anena Mose ati, “Natinuvwa congo ca nkondo kuko ku nsakwe.”

Kufuma 4:27

Pa nsita kwene ilya Yawe alanga wanena Aaloni ati, “Pita mu lwanga ku kukomenkanya Mose.” Caleka Aaloni apita, nga akomenkanya Mose pa mwamba wakwe Leza, nga amutonsola.

Kufuma 18:5

Yetulo, sivyala wakwe Mose, aletela Mose umuci na ana yakwe aonsi yaili mu lwanga, ku ncende kuno Mose wakuuzile insakwe pa mwamba wakwe Leza.

1 Milandu 7:27

Nuni na Yoswa.

Kufuma 19:3

Lyene Mose akwela mwamba ku kuvwanga na Leza. Alino Yawe avwanga kuli Mose pa mwamba ati, “Nena aina Izlaeli, amu mupanda wakwe Yakobo ukuti

Yoswa 1:1

Pacisila ca mfwa yakwe Mose umuomvi wakwe Yawe, Yawe alanda na Yoswa umwana umonsi wakwe Nuni, wiyo uwali kazwa wakwe Mose, ati,