Kufuma 24:12 - Amazwi Yakwe Leza 2013

¹² Yawe anena Mose ati, “Iza kwela mwamba kunondi, lyene wize walolela kuno kwene. Ndakupeela vipampa vya mawe yaili pano pali amasunde akusambilizya antu.”

Kufuma 24:12 Referans Kwoze

Malango 5:22

“Yao ali masunde yano Yawe wamupeezile lino mwakongine mwensi pa mwamba. Lino wene wavwanzile ni zwi likalamba ukufuma mu moto nu mwi kumbi litifi, wene wapeezile amasunde yaa nga kusi nayauze. Alino lyene wayalemvile pa vipampa viili vya mawe nga ampeela.

Kufuma 31:18

Lino Yawe wamala kuvwanga na Mose pa Mwamba wa Sinai, apeela Mose vipampa vya mawe yaili, vivi kwene vino Leza umwisikulu walemvilepo amasunde ni ikasa lyakwe.

Ayebulai 9:4

Muu umwali kavuwa kakwe zaabu pano yocelanga ubani. Mwali (Alaka) mbokosi ya upangano ino yapomilwe na zaabu monsi kwene. Nu mukasi mwisilwe musazi wakwe zaabu muno mwali mana, nsonzo yakwe Aaloni iyawalwile maluwa, nga ni vipampa vya mawe viili ivyalemvilwepo masunde.

2 Kolinto 3:3

Cimanyike vino mwemwe muli kalata uwalembwa na Klistu wino watumilizye sweswe. Kalata wii atalembwa na inki, lelo walemvilwe na Mupasi wakwe Leza wa umi. Nupya atalemvilwe pa vipampa vya mawe lelo mu myenzo ya antu.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

2 Kolinto 3:7

Masunde yalemvilwe pa vipampa vya mawe, nga lulumbi lwakwe Leza lwalolike lino yapilwe kuli Mose. Masunde yalenzile cinso cakwe Mose kuyengesa cuze cakuti aina Izlaeli yaposiwe kulolekesya penepo, nanti angala kuyengesa kwali mu kuzima. Ndi Masunde yano yakaleta imfwa, yapilwe nu lulumbi lwa musango uu,

Malango 4:14

Pa nsita ilya Yawe umwisikulu ali wino wankonkomizye kuti imusambilizye amasunde yonsi yano mulinzile kuyela mu mpanga ino mwasya musawange pa kuipoka nu kwikala mwenemo.

Kufuma 24:18

Mose aingila mwi kumbi, atwalilila kukwela mwamba mpaka afika papela. Mose aikala kuku kwene amanda amakumi yani, musanya nu usiku.

Kufuma 24:15

Mose akwela Mwamba wa Sinai, nga ni kumbi livimba mwamba.

Kufuma 24:2

Wewe wenga sile upalame pipi nani, muze foo. Antu yatalinzile kukwela mwamba.”

Mateo 5:19

Caleka wino wensi asyayela isunde lyonga linono ilya mu masunde yaa, nu kusambilizya antu kucita vikwene, wene yalamucefya mu Wene wa mwiyulu. Lelo wino wensi akayela masunde yaa nu kusambilizya antu, wene yalamukuzya mu Wene wa mwiyulu.

Neemiya 9:13

Wizile utentemukila apa Mwamba wa Sinai. Apano wemo wavwanzile ku antu yako ukufuma umwiyulu, nu kuyapeela amasunde alungame nupya ampomvu, ni vipope na malamulo asuma.

Ezila 7:10

Apa mulandu wakuti Ezila walanga wika umwenzo wakwe uku kusambilila amasunde yakwe Leza nu kuyalondela nga nu kuyasambilizya uku ina Izlaeli, ivipope ni misango ino yangalondelamo lyonsi.

Kufuma 34:1

Yawe nupya anena Mose ati, “Waza vipampa vya mawe yauze yaili wakwe yalya yaili akutandika nga nani ndalembapo amazwi yano yali pa vipampa vya mawe akutandika, vino watamile.

Malango 5:31

Lelo wemo, Mose, wize usyale nani pakuti nkupeele amalamulo, ni vyeo nga na masunde yonsi yano ulinzile kusambilizya antu, pakuti yace yayayela mu mpanga ino nkuyapeela kuti iye iyakwao.’

1 Yamwene 19:11

Yawe nawe amwaasuka ati, “Ndanga wimilile papela ya mwamba, pa manso yane.” Lyene Yawe aiza apita penepo, alino cipunga cikulu sana cikatuka nga icilepula umwamba pakasi icivungola na mawe, lelo Yawe atali mwenemo mu cipunga cico. Lino cipunga cata, kwiza icilundumusi. Lelo Yawe atali mwenemo mu cilundumusi cico.

Kufuma 19:3

Lyene Mose akwela mwamba ku kuvwanga na Leza. Alino Yawe avwanga kuli Mose pa mwamba ati, “Nena aina Izlaeli, amu mupanda wakwe Yakobo ukuti

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Neemiya 9:14

Wayasokololwile ukumanya uwanda wako uwi Sabata. Wayapile amalamulo, ivipope na masunde ukupitila mu muomvi wako Mose.

Masamu 19:12

Kusi umwi angailolela ukuluvyanya kwakwe. Fwandi ungala umfule uyi wane uno wafisama!