Kufuma 24:1 - Amazwi Yakwe Leza 2013

¹ Pacisila lino Yawe wamala ukupeela amasunde ku ina Izlaeli anena Mose ati, “Iza, kwela mwamba kunondi, wize na Aloni, Nadabu Abiu nga na aikolo ya ntunguluzi zya ina Izlaeli amakumi cinimbali. Lino mucili katalamukila, mufukame pansi mumpepe.

Kufuma 24:1 Referans Kwoze

Mpendwa 11:16

Yawe anena Mose ati, “Konganika aikolo amakumi cinimbali ya ina Izlaeli, yao yano wamanya ukuti intunguluzi zicindame nupya inkombe pa antu yao. Uyalete ukwi Taalu lya Ukongano alino yimilile pamwi nawe.

Kufuma 6:23

Aaloni watozile Elisyeba, umwana wa kaci wakwe Aminadabu, nupya uwali kaci wakwe Nasyoni. Wene wamuvyalile Nadabu, Abiu, Eleaza, na Itamali.

Kufuma 28:1

Yawe apeela ilamulo kuli Mose ati, “Tuma akwama munyonko Aaloni pamwi na ana yakwe aonsi, Nadabu, Abiu, Eleaza, nga na Itamali. Ali antu yano natinsolola ukufuma mu ina Izlaeli pakuti yangantumikila wakwe yasimapepo.

Kufuma 19:24

Lyene Yawe aasuka ati, “Iika pansi nga utoole Aaloni wize nawe kuno. Lelo yasimapepo na antu yatalinzile kuciluka nande kuti iize kunondi. Ndi asi vivyo, ndayavunuka.”

Luka 10:17

Antu makumi cinimbali na yaili yawela nu luzango yati, “Mwene, mipasi yankota nayo kwene yatuyelanga mwi zina lyako.”

Luka 10:1

Pacisila cakwe cii, Mwene wasolwile antu nayauze makumi cinimbali na yaili, nu kuyatuma yaili yaili, kuti yamukolelele ku misumba nu ku mpanga yonsi kuno umwisikulu wali pipi nu kuyako.

Ezekelo 8:11

Apa nkolelo yakwevyo, paimi aonsi acikalamba amakumi cinimbali, ang'anda yakwe Izlaeli. Na muli yayo, mwali Yazaniya umwana umonsi wakwe Syafani. Cila wenga wali ni cifutikilo mu minwe yakwe, ala nu mununko usuma wa ubani ukukwela umupela.

1 Milandu 6:3

Ana yakwe Amulamu a Aloni, Mose na Milyamu. Ana aonsi yakwe Aaloni a Nadabu, Abiu, Eleaza na Itamali.

Kufuma 34:2

Ukaiteyanye katondotondo, alino insita ya katondo kwene ukakwele Mwamba wa Sinai pakuti ukankomenkanye papela pa mwamba.

Kufuma 24:15

Mose akwela Mwamba wa Sinai, nga ni kumbi livimba mwamba.

Kufuma 24:9

Lyene Mose, Aloni, Nadabu, Abiu, nga na aikolo ya ina Izlaeli amakumi cinimbali yakwela mwamba,

Kufuma 20:21

Lelo antu yatwalilila kwimilila kutali. Suka sile Mose aliwe apalama kwi kumbi linyome litifi, kuno Leza wali.

Kufuma 19:20

Yawe aika pa Mwamba wa Sinai papela, nga aama Mose kuti aye papela pa mwamba.

Kufuma 19:9

Lyene Yawe anena Mose ati, “Namaiza kunuli mwi kumbi linyome pakuti antu iize yayuvwile kuno nkulanda nawe, na pakuti lyene yakutaila amanda pe.” Lyene Mose anena Yawe vino antu yaasuka.

Kufuma 3:5

Lyene Leza avwanga ati, “Utapalama pipi nupya zula ndyatu zyako, pamulandu wakuti cifulo cino uwimililepo icamuzilo.

Kufuma 1:5

Impendwa ya antu yonsi afumile mu mupanda wakwe Yakobo yali amakumi cinimbali. Yosefu wene walanga wakolela mpiti ku Eguputo.

Kufuma 24:2

Wewe wenga sile upalame pipi nani, muze foo. Antu yatalinzile kukwela mwamba.”

Malango 1:15

Acino natoozile intunguluzi zyamano zilamoke zino mwasolwile ukufuma mu mitundu inu, nga nzipeela uwangalizi kuti zyamwangalila. Zimwi zyangalilanga antu izimbi, zimwi zyangalilanga antu umwanda, zimwi zyangalilanga antu amakumi yasano, na zimwi zyangalilanga antu ikumi. Nasolwile na yacilolo yauze mu mitundu yonsi.