Kufuma 23:6 - Amazwi Yakwe Leza 2013

⁶ “Ndi wenga uwamu antu yako mupina watala mulandu, mumupingwile mulandu kwaula kasoozi.

Kufuma 23:6 Referans Kwoze

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Yelemiya 5:28

Yaya antu yamwi aine nupya atozoke indilwa, nga ni vicitwa vyao iviipe wakwe cimwi. Yene yasipela ana asyale insambu zyao nanti kucita vyaulungi kuli yao azunyiwa.’ ”

Kasambilizya 5:8

Utazunguka lino walola ukuti uteko ukutitikizya apina nu kuyafyenga mu nsambu zyao. Cilolo wensi wacingililwa na wiyo akamwangalila, alino yaa yoili yacingililwa ni vilolo iviyalusile.

Malango 27:19

“ ‘Katipwe kuli Leza wiyo wensi akafyenga umwinamasi, ana asyale, na yamukamfwilwa.’ “Lyene antu yonsi yalalanda yati, ‘Ee mukwai! Kaciye vivyo kwene!’

Malango 16:19

Yene yasi nu kuya nu lufyengo nanti akasoozi pa kupingula. Nupya yatalinzile ukutoola amafukakanwa, pano amafukakanwa yakapafuzya antu ya mano na acumi kwene, nu kuleka kuti yatapingula ningo.

Aina Levi 19:15

Uye umufumacumi lino ukupingula imilandu. Utacita kasoozi pakasi ka muntu mupina nu mukama. Lelo wapingula umuntu muzo mu ulungami.

Yelemiya 7:6

ndi cakuti mwata ukuzunya ainamasi, ana asyale nanti yamukamfwilwa nu kuta ukukoma antu akaele mu ncende ii, ndi cakuti mwata ukulondela tuleza tuze,

Yelemiya 6:28

Yonsi pyu acisanguka atalame wakwe cimwi, nupya yakapitana sile nu kukwakwanya. Yakoma imyenzo wa mukuwa ni cela. Yonsi pyu yakacita iviipe.

Yobo 31:13

“Ndi cakuti natazile imfyenga aomvi yane, aonsi nanti yamangu umu kuyapingula,

2 Milandu 19:7

Acino muye antu ya coopo kuli Yawe. Mwasakamala imilimo inu pasi pano Yawe Leza witu asizumilizya ulufyengo nanti akasoozi nanti amafukakanwa.”

1 Samueli 8:3

Lelo yene yatatozile imiyele yakwe isi. Yene yalondelile sile ukupanga ulupiya. Avili vino yapokelelanga amafukakanwa nu kuipingula ukwaula ukulondela icisinka.

Mapinda 18:5

Cisi cisuma ukuvwangila umuntu mwipe, nanti ukufyenga uwakaele pakumuputwila umulandu.

Mapinda 22:22

Utafyenga umupina pamulandu wakuti umupina. Nupya utafyengelekezya antu umu cilye.

Mapinda 31:5

Pano limwi ndi yamwa, yangakoleka icakuti yilile vino yangapingula, yasuule ni nsambu zyakwe yayo akucula.

Ezaya 5:23

Kalanda kunomuli mwemuno mukapoka amafukakanwa uku antu amilandu. Umulungami, asi nu mulandu wene imumufyenga.