Kufuma 23:16 - Amazwi Yakwe Leza 2013

¹⁶ Mwazevya cimulo pa manda ya kuzombola iviseekwa vinu ukufuma mu vyalo vinu. Mwazevya cimulo ca wanda wa kusezya vya uzombozi vyonsi ku kusila kwa mwaka, lino mukukoozya vilyo vinu vyonsi.

Kufuma 23:16 Referans Kwoze

Kufuma 34:22

“Mwazevya Cimulo ca Uzombozi lino mukuzombola vizao vyankolelo vya ngano, nu kuzevya Cimulo ca Nsakwe lino mukukoozya uzombozi winu apa mpela ya mwaka.

Milimo 2:1

Lino wanda wa Pentekosti wafisile, alondezi ala yati yakongana pali pamwi pa cifulo conga.

Yoane 7:37

Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!

Yoane 7:2

Lelo lino wanda wakuzezya Cimulo ca Nsakwe ca Ayuda wapalama,

Kufuma 22:29

“Mwampeela amawila ukufuma ku vyauzombozi winu na waini winu pa nsita ino vyapeelwa. “Mwampeela mayeli inu aonsi.

Mpendwa 29:1

“Pa wanda wakutandika uwa mwezi uwalenga cinimbali, mulinzile kukongana ku mapepo, nupya mutakaombe umulimo uli onsi. Kunomuli uli wanda wakulizya intandala.

Malango 26:2

cila muntu panomuli alinzile watola umuse nga aikemo iviseekwa vyankolelo ivya pa vilimwa vyonsi vino alazombola. Lyene muvisende nu kuvitwala ku ncende ino Yawe Leza winu alasolola ukwa kumupepela.

Ezila 3:4

Nu kuwaka yawakanga sana amanda ya uzevyo ndi vino uwanda wakuzevya Cimulo ca Nsakwe, nu kupeela impendwa ya mpolelwa zyakoca ndi vino calemvilwe ukupeela cila wanda.

Kufuma 22:28

“Utakavwange mazwi ya misuli kuli Leza nupya utakatipwile intunguluzi ya antu inu.

Mapinda 3:9

Uwacindika Yawe umu kumutuula icuma cako, ni vizao vyako ivyankolelo.