Kufuma 23:13 - Amazwi Yakwe Leza 2013

¹³ Muvwikisye vyonsi vii vino namunena. Mutapepa tuleza tuze, mutalumbula na mazina yatuko.

Kufuma 23:13 Referans Kwoze

Yoswa 23:7

Mutaezya ukusakana na antu amu nko zi zyonsi izyasyala pakasi kinu. Mutaezya ukulumbula amazina yakwe tuleza twao nanti ukuomvya amazina yatuko nu mulapo. Mutaezya kufukamila nanti kupepa tuleza tuto.

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Malango 4:9

Ali cino fwandi cenjelini! Nupya lino mucili nu umi, mutakezye ukwilila vintu vino mweisikulu mwailolela na manso inu. Muce mwanena ku yana yinu na izikulu inu

Oseya 2:17

Ndamulesya kuti atakatale aezye ukulumbula amazina yakwe Tubaali nupya. Endi, antu yatalatala yame apa mazina yayo.

Malango 12:3

Muce momolole utuvuwa twao, mutamole ni viumbili vya mawe, nu kuputola incesi zyakwe Asyela. Muputole nu tuluwi twakwe tuleza twao nu kulovya amazina yatuko mu ncende zizya.

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

Efeso 5:15

Caleka tekelini mu mikalile inu. Mutaikala wa antu awelewele, lelo wa antu yamano.

Yelemiya 10:11

Mwe antu fwandi muyanene ukuti tuleza ututaumvile iyulu nanti insi, tulalowa. Tutalatala tuvwike muno nsi awe.

Masamu 16:4

Yayo akapamviwa ukupapata tuleza utuluwi, yakailetela sile intazi. Nemo ntalatala nezye ukutuula impolelwa ya wazi nanti ukupepa tuleza twao tuto.

Yoswa 23:11

Acino mutekele kuti mwatemwa Yawe Leza winu.

Yoswa 22:5

Lelo mutekele kuti musunge amasunde na malamulo yano Mose umuomvi wakwe Yawe wamupile yano yakati mwatemwa Yawe Leza winu nu kucita ukulonda kwakwe. Nupya muye acumi kunoli nu kumutumikila ni myenzo inu yonsi nu umi winu onsi.”

Efeso 5:12

Nupya cili ica nsonyi cuze ukulanda pali vino antu yaa yakacita mu nkama.

Masamu 39:1

Navwanzile inti, “Namatekanyanga umu mipitile yane, apakuti akanwa kane katalanda iviipe. Namalemanga pa kanwa kane insita yonsi, lino antu aipe yali umupipi nani.”

Malango 4:15

“Lino Yawe walandanga kunomuli ukufuma mu moto pa Mwamba wa Holebu, mwemo mutaweni icata ca musango uli onsi.

Mpendwa 32:38

Nebo, Baali Meoni (amazina yaa yasenulwa), na Sibima. Lino yizile iyakuululula imisumba iyo, iyaitemela amazina yauze.

Kufuma 23:24

Mutafukamila unkolanya wakwe tuleza twao nanti kutupepa. Mutalondelela mipepele nanti miyele ya antu yaa. Mukonone tuleza twao nupya mukatamole vipilala vya mawe yao pano yakapepela.

Kufuma 23:32

Mutaca mucite upangano nayo nanti na tuleza twao.

Malango 4:23

Ali cino fwandi cenjelini! Mutailila upangano wakwe Yawe Leza winu uno wacisile namwe. Mwayela ilamulo lyakwe ilyakuti mutakezye ukuipangila akaluwi mu musango wa cintu icili consi cino wene wamulesya,

Malango 6:1

“Yaa, ali masunde ni vyeo vino Yawe Leza winu wampeezile ilamulo kuti imusunde pakuti namwe muce mwayalondela mu mpanga ino mwasya mwingile nu kwikala mwenemo.