Kufuma 22:21 - Amazwi Yakwe Leza 2013

²¹ “Mutacuzya nanti kuzunya mwinamasi. Mwaiusya ukuti namwe kwene mwali ainamasi mu Eguputo

Kufuma 22:21 Referans Kwoze

Malango 10:19

Ali cino fwandi namwe kwene mwatemwa ainamasi yaya, pamulandu wakuti namwe kwene mwali ainamasi mu mpanga ya Eguputo.

Kufuma 23:9

“Mutacuzya mwinamasi. Mwemo mwamanya vino caya ukuya mwinamasi, pano namwe kwene mwali ainamasi mu Eguputo.

Aina Levi 19:33

“Mutazunya ainamasi yano yakwikala mu mpanga inu.

Zakaliya 7:10

Mutacuzya yamukamfwilwa na ana asyale, na aenyi ainamasi aikala kuno muli. Mutacuzya na apina kwene. Nupya mutapanga mu mwenzo inu ukucuzyanya.’

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Yelemiya 7:6

ndi cakuti mwata ukuzunya ainamasi, ana asyale nanti yamukamfwilwa nu kuta ukukoma antu akaele mu ncende ii, ndi cakuti mwata ukulondela tuleza tuze,

Malango 23:7

“Mutakezye ukusuula aina Edomu, pano yene antu inu. Nupya mutakezye ukusuula aina Eguputo, pano mwatenzi mu mpanga yao.

Aina Levi 25:35

“‘Ndi umwina Izlaeli muzo, umwinipamba, umonsi nanti umwanaci waya mupina cakuti atange aiteke umwisikulu, ulinzile kuyapeela vyonsi vino yakulonda wakwe vino ungacita ku mwinamasi nanti umuomvi wako wino akalipilwa, pakuti yangatwalilila ukwikala namwe.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Malango 15:15

Mwaiusya ukuti mwemo mwali azya mu mpanga ya Eguputo nga Yawe Leza winu wamukulwile nga imuya antungwa. Uli mulandu uno ndakai nkumupeela ilamulo lii.

Aina Levi 19:13

“Utacenjezya umuntu nanti umwi, nanti kumwiila vintu vyakwe. Utalengezya malipilo ya muomvi wako nanti uwanda onga.

Aina Levi 19:34

Mwayasunga ndi vino mukasunga aina Izlaeli yauzo. Nupya mwayatemwa ndi vino mwaitemwa mweisikulu. Mwaiusya vino mwali ainamasi mu mpanga ya Eguputo. Nene indi Yawe Leza winu.

Malango 1:16

“Pa nsita ilya nakonkomizye yakapingula inu inti, ‘Mwauvwa imilandu ino antu inu yamaletanga kunomuli. Mulinzile kupingula cila mulandu ukwaula ulufyengo, cisi cimwi ndu mulandu uli pakasi ka antu inu nanti ndi uli pakasi kinu na inamasi yano yakwikala namwe.

Malango 23:16

Wene angikala mu musumba uli onsi uno wasolola, nupya mutalinzile kumusokonda uluku uluku.

Malango 27:19

“ ‘Katipwe kuli Leza wiyo wensi akafyenga umwinamasi, ana asyale, na yamukamfwilwa.’ “Lyene antu yonsi yalalanda yati, ‘Ee mukwai! Kaciye vivyo kwene!’

Masamu 146:9

Yawe akawaka aenyi, akaikala mu mpanga itu. Wene akawaka yamukamfwilwa na ana asyale, lelo akavulunganya inzila zyakwe yakaifya.

Ezekelo 22:7

Mu musumba uu mutaya nanti wenga akacindika akwasi yakwe. Wemo ukacenjezya aenyi, nupya ukafyenga yamukamfwila na ana asyale.

Malango 10:18

Wene akasakamala ukuti ana asyale na yamukamfwilwa yatafyengwa. Wene watemwa ainamasi akaikala na antu itu, nupya akayapeela ivyakulya ni vyakuzwala.

Malango 24:17

“Mutaezya kufyengelekezya ainamasi na ana asyale pa nsambu zyao. Nupya mutaezya kutoola cakuzwala cakwe mukamfwilwa kuti ciye kamukole pa nkongole zino amukwatile.

Yobo 6:27

Mwemo mungapendola apa mwana musyale, nu kukazya umuzo.

Ezaya 1:17

Tiini ukwifya. Sumbini amano ku kuzifya. Sumbini amano inu ku kucita ivya ulungi. Mwaazwilizya antu akafyengwa. Mwapingula ningo ana asyale. Mwaazwilizyako yamukamfwilwa.”