Kufuma 21:2 - Amazwi Yakwe Leza 2013

² Ndi wakala muzya umonsi Muyebulai, wene ali nu kukutumikila imyaka mutanda. Lelo mu mwaka uwalenga cinimbali wene alinzile kukululwa kwaula kulipila nanti cimwi.

Kufuma 21:2 Referans Kwoze

Malango 15:18

Utakezye ukwelengaya ukuti cili icitale ukuta umuzya wako aye umuntungwa. Pasi pano wene wakuombela imyaka mutanda pa malipilo ukulingana na citika wa malipilo yano ukapeela uwa ncito.

Kufuma 12:44

lelo muzya wensi wino mwakala ndi mwamusilamula angalya.

Neemiya 5:8

Niza nayanena nati, “Anyonko yaa, Ayuda, yano yakazilwe uku Akulukuwa, twayakulula apapezile amaka itu. Lyene nupya mwemwe kwene mwatandika ukukazya anyonko apakuti tuce tukayakulule nupya!” Nayo yatenzi kututu, ukwaula ukukwata ni vyakulanda.

Malango 31:10

Alino Mose ayapeela ilamulo ati, “Lyonsi ndi papita imyaka cinimbali, lino umwaka wa kusuula sile ku nkongole wafika,

Malango 15:1

“Lyonsi ndi papita imyaka cinimbali muce mwasuulako ku nkongole.

Kufuma 22:3

Lelo ndi cacitika musanya, umuntu wiyo angapeelwa mulandu wakutala katwe. “Icumi kwene umwivi alinzile alipile pali cino wiya. Lelo ndi cakuti atakweti icakulipa, lyene yalinzile kumukazya kuti alipile pali vino wiya.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

Mateo 18:25

Pamulandu wakuti muomvi atakweti cakuti alipe, mwene apeela ilamulo kuti yamukazye. Alino yakazye umuci, ana nga na vyonsi vino wakwata pakuti alipe impiya zyonsi zino wakofile.

2 Yamwene 4:1

Uwanda umwi mukamfwilwa, uwali umuci wakwe wenga uwamuli yakasema, aya kuli Elisya nga amunena ati, “Mwamanya ukuti uwane wafwa, nupya wali umuomvi winu. Lyene fwandi kwati kwiza umuntu umwi wino uwane wakongwile impiya. Lelo ndakai wene akulonda kuti asendele penepo ana yane yaili kuti akayacite azya yakwe, wa malipilo pa nkongole zya wane. Mwamanyile na vino uwane wali umuntu umwi uwoopanga Yawe.”

Utandiko 27:36

Esau avwanga ati, “Lino lyaya iila lyakwe ciili lino wantumpika. Endi, acino izina lyakwe a Yakobo. Watozile nsambu ya uyeli wane, nga nilelo wampokolola nu upolelelo wane. Tata uzye utasileko umwi?”

Utandiko 27:28

Si Mwene Leza akupeele imvula ukufuma kwiyulu, nu kuvunzya vyalo vyako. Si Mwene Leza akupeele uzombozi wa mbezu ni vilimwa vya viseekwa vingi, na waini.

Kufuma 21:3

Ndi muzya wiyo atakweti umuci lino wamukazile, nomba wiza watwala lyene atalinzile kusenda umuci lino wakululwa. Lelo ndi watwite lino wamukazile, lyene alinzile kusenda umuci lino wakululwa.

Kufuma 21:7

“Monsi ndi wakazya umwana wakwe umwanaci ukuya muzya, umwana wiyo atangakululwa wakwe vino azya aonsi yakakululwa.

Aina Levi 25:54

Ndi muzya wiyo atasapwilwe umu nzila imwi pali zii, lyene muzya wiyo pamwi na ana yakwe yalinzile kusapulwa lino Mwaka wa Ukuluzi wafika.