Kufuma 20:13 - Amazwi Yakwe Leza 2013

¹³ “Utakoma.

Kufuma 20:13 Referans Kwoze

Loma 13:9

Pano mwaya Masunde wakwe yaa, “Utalongozya, utakoma, utaiya, utakumbwa vya muzo.” Masunde yaa yonsi pamwi nayauze asyala, yonsi yasintilila mwi sunde lyonga likati, “uwatemwa umuzo ndi vino waitemwa.”

Malango 5:17

“‘Utakoma.

Kufuma 21:14

Lelo ali wensi ndi wasoka nga nu kukoma umuntu muze ku mufulo, nanti angapukila ku kavuwa kane, mulinzile kumufumya mu kavuwa nu kumukoma.

Yakobo 2:11

Pano wino uwavwanzile ati, “Utalongozya” ali wenga kwene uwavwanzile ati, “Utakoma.” Nanti angala usyalongozya, ndi wakoma ale cili conga wemo usyayela masunde.

Mateo 19:18

“Nawe amuuzya ati, ‘Uzye masunde cii?’ Yesu amwaasuka ati, ‘Utakoma, utalongozya, utaiya, utatumpwila umuzo,’

Aina Levi 24:21

Muntu ali wensi wino wakoma iciteekwa, alinzile kupyanikizya iciteekwa kwene cico. Lelo uwakoma umuntu alinzile ukukomwa.

Kufuma 21:20

“Muntu ndi uuma muzya wakwe ni ntuwa, umonsi nanti umwanaci, nga muzya afwa papo kwene, umuntu wiyo alinzile kuvunukwa.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

1 Timoti 1:9

Endi, tulinzile kwiusya ukuti Masunde yasipangilwa antu asuma, suka antu yakavuna yamasunde, yacipote, asyapepa na yakaifya, antu yankota ni nkomi, yano angakoma na akwasi yao kwene.

Ezaya 26:21

Pano Yawe wataiza ku kupezya antu ya pano nsi apamulandu wa uyi wao. Insi imasokolola uwazi uno yene yazwisya. Italazizimizya ukufisa antu yano yakomile.

Galatiya 5:21

Yene yaya nu muvimbila, akolesi nupya yakacita ya muzangalwe nga navyuze vikoline na vii. Ndakai nkumuceula ndi vino namucewile inkolelo ukuti, yao akacita vintu vii yene yatalapyana Wene wakwe Leza.

Mapinda 1:18

Antu amusango uo yakaiteyela sile aeneco kwene ulukose, lulo ululayalya aeneco kwene.

Mapinda 1:11

Ndi cakuti yati, “Tuye twapita umukuzwisya uwazi, tuteyamile umwi tumukome sile uku mufulo,

Milimo 28:4

Lino antu akucilila cii yalola inzoka ala ikunyinyinda kwi kasa lyakwe Paulo yavwanga yati, “Muntu wii alinzile kuya inkomi, lelo nanti angala watapusuka ku manzi, Leza wa ololoke atakumuleka aye umumi.”

Yelemiya 26:15

Lelo kuya kwene mucimanye mucumi ukuti ndi mwankoma, mumazwisya uwazi wakwe uwakaele pali mwemwe mwe eneco, apa musumba uu, alino na pa antu akaikala mwenemo. Pano kwene mucumi Yawe aliwe wantumile kuno muli apa kumunena amazwi yonsi yaa yano muvwa.”

2 Milandu 24:22

Umu kucita vivyo, umwene Yoasyi ailila ivisuma vyonsi vino Yeoyada, isi wakwe Zakaliya wamucitilanga, lelo wene akoma umwanakwe. Na lino umwana wilya akufwa, avwanga amazwi yaa ati, “Si Yawe alole icintu cii cino wacita, akuvunuke!”

2 Yamwene 21:16

Antu aula umulandu, yano Manase wakomile, yali anyanya umwi, icakuti uwazi wao wakonkolokanga umu tumiseo twamu Yelusalemu. Icintu cico calunzile sile pali vino wene walesile kuti aikazi amu Yuda yapepa utuluwi nu kucita ivintu vyawinyi vyuze apa manso yakwe Yawe.

Kufuma 21:29

Lelo cipambasi wiyo ndi wali nu musango wakupuma nga nu mweneco ale yamusoka, lelo wakana kumunyepa, lyene ndi wakoma umuntu ni mpembe, umonsi nanti umwanaci, cipambasi wiyo alinzile kutamwa na mawe mpaka afwe. Nu mwisikulu kwene alinzile ukukomwa.

Mako 10:19

Wamanya masunde akati, Utakoma, utalongozya, utaiya, utatumpwila umuzo, utacenjezya, wacindika so na nyoko.”

Luka 18:20

Wamanya Masunde yakwe Leza akati, ‘Utalongozya, utakoma, utaiya, utatumpwila umuzo, wacindika so na nyoko.’”

Kufuma 21:12

“Wino wensi uuma umuntu umwi nu kumukoma, nawe kwene alinzile ukukomwa.

Kufuma 23:7

Uleuke mu vya ntumpu. Utakoma umuntu wakaele akacita vyawololoke, pano nemo ntalapanya mukakasi.

Aina Levi 24:17

“Muntu ali wensi uwatala akatwe, alinzile ukukomwa.

Milimo 16:28

Lelo Paulo asanzika izwi lyakwe ati, “Utaicisa! Amunotuli swensi!”