Kufuma 2:22 - Amazwi Yakwe Leza 2013

²² Zipola avyalila Mose umwana umonsi. Mose aelenganya ati, “Nene mwinamasi mu mpanga ii.” Caleka atemela umwana wii, izina ati a Gelisyomu.

Kufuma 2:22 Referans Kwoze

Milimo 7:29

Lino Mose uvwa cii, autuka afuma mu Eguputo, aya aikala ku mpanga ya Midyani. Kuno yamuvyalile ana yaili aonsi.

Kufuma 22:21

“Mutacuzya nanti kuzunya mwinamasi. Mwaiusya ukuti namwe kwene mwali ainamasi mu Eguputo

Masamu 119:19

Kwene nene mwenyi pano nsi, utamfisa ivyeo vyako.

1 Milandu 29:15

We Yawe, umanyile ukuti mu umi witu tuli wa enyi na inamasi, ndi vino ivikolwe vitu vyali. Amanda itu akwikala pano nsi yali wa cinzingwa icikupita, nupya tutangutuka imfwa.

1 Milandu 16:20

Yene yalulumbanga ukufuma mu mpanga yonga yaya uku mpanga yuze, ukufuma mu wene onga mpaka nu ku uze kwene.

Masamu 39:12

“We Yawe, uvwa ukwi pepo lyane, unguvwe nakuli vino nkukupapata, utasula sile lino nkukulaizya! Nemo nene mwenyi apa nsita sile inono ndi vino ni vikolwe vyane vyonsi vyali.

Kufuma 2:10

Pacisila, lino umwana wakula, umwanaci wilya amuleta ku mukazyana umwana wakwe Falao. Alino nawe atoola umwana wilya amucita ukuya umwana wakwe umonsi. Aelenganya ati, “Namuzuulwile mu manzi. Caleka namamutemela izina inti a Mose”

Utandiko 23:4

“Nene mwinamasi nupya mwenyi kunomuli. Nkazini impanga iya kuzikapo pakuti ningazika umuci wane.”

Kufuma 4:20

Caleka Mose atoola umuci na ana yakwe aonsi, ayakwezya pali punda, nga yonsi pamwi yakatuka ulwendo lwakuswilila ku Eguputo, ala asenzile intuwa ino Leza wamunenyile kusenda.

Aina Levi 25:23

“‘Mpanga inu italinzile kukaziwa kwa kuyelelela pe, pano isi impanga inu foo. Yene impanga yakwe Leza. Mwemo muli wa inamasi yano yazumiliziwa kuiomvya sile.

Yakapingula 18:30

Kuku kwene akuno amu mutundu wakwe Dani yimika tuluwi twao, nga Yonatani umwana wakwe Gelisyomu, umwana wakwe Mose, pamwi na ana yakwe yali a yasimapepo atumikilanga umutundu wakwe Dani ukufika na lino yizile iyasendwa mu uzya.

1 Samueli 1:20

Acino mukupita kwa nsita Hana asuka asenda indilwa nga aca avyala umwana umonsi. Alino atemela umwana wilya izina ati a Samueli, ala akuti, “Pamulandu wakuti namulenzile sile kuli Yawe.”