Kufuma 19:10 - Amazwi Yakwe Leza 2013

¹⁰ Alino Yawe anena Mose ati, “Yanga kanene antu ukuti ilelo na mutondo yaisangulule nu kuiteyanyizizya ku mapepo. Yene yalinzile ukufula vyakuzwala vyao.

Kufuma 19:10 Referans Kwoze

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Aina Levi 11:25

Wino wensi uwatola icitumbi ca nyama iyo alinzile kufula insalu zyakwe nu kusyala uwamifitalila kufika lino ilanzi lyawa.

Utandiko 35:2

Caleka Yakobo anena amu ng'anda yakwe na yonsi ali nawe ati, “Sumbini tuleza twa inamasi tuno muli nato, muisangulule muzwale ivizwalo visuma.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

Mpendwa 8:21

Awe na cendi aina Levi ali pakuisangulula, iyafula ni nsalu zyao. Aaloni nawe ali pakuyapaatwila kuli Yawe wa wila wakuswelula, nga ayacitila ulutambi lwa kufuta amaifyo yao kuti ayaswefye.

Aina Levi 15:5

Muntu wensi uwakumya ku musanzi wakwe,

Yoswa 3:5

Yoswa anena antu ati, “Isangululini mweisikulu, pano mutondo Yawe alacita icinjelengwe apakasi kinu.”

Mpendwa 8:7

Na pakuyasangulula, uwacita vii. Uwayakanyila amanzi pa kuyasisizya inkota zyao. Nupya yalinzile yapele apali ponsi ku mwili wao, alino nu kufula insalu zyao zyakuzwala, ale alino yasangululwa.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.

Yoswa 7:13

“Ale fwandi katuka ukasangulule antu. Uyanene uti, ‘Isangululini mweisikulu apakuiteyanya pali vino vilacitika mutondo. Uyanene uti kuu kuli kulanda kwakwe Yawe, Leza wa ina Izlaeli ukwakuti, Pakasi kinu mukweti ivintu vino namunenyile ukonona, mwe ina Izlaeli mwe! Mulaposiwa ukulwa na anisi inu suka sile mwatala monona ivintu vivyo.’

2 Milandu 29:5

Lyene avwanga ati, “Tezini mwe ina Levi. Muipaatulule mweisikulu nu kuswefya Ng'anda ikulu yakwe Yawe, Leza wa vikolwe vinu. Sisini ivikowezya vyonsi mu Ncende Yamuzilo.

Mpendwa 31:24

Pa wanda uwalenga cinimbali muce mukafule ivyakuzwala vinu. Ali lino lyene mulaya asangululwe nga lyene mungazumiliziwa kuswilila mu nsakwe.”

Yobo 1:5

Lino amanda ya vimulo vivyo yapita, Yobo wamanga ana yakwe ku kuyasangulula. Alino katondotondo mu wanda uwalondelela penepo wapeelanga impolelwa ya wila wakoca, ala akupeelela cila mwana. Wene wacitanga vivyo pano welenginye ukuti limwi ale umwi mu ana yane wataifya, nu kulanda amazwi yamiponto kuli Leza mu mwenzo wakwe. Fwandi lulo lwali luli lutambi lwakwe Yobo amanda pe.

2 Milandu 29:34

Lelo nanti cali vivyo yasimapepo yali ncepelwa apakufundula inyama zii zyonsi izya mawila yakoca. Acino akazi kao aina Levi yayazwilizya mpaka yamalila umulimo mpaka na yasimapepo yauze yasuka yaswefiwa. Pasi pano aina Levi yasakamile sana ukuisangulula aisikulu ukuluta yasimapepo.

1 Samueli 16:5

Nawe aasuka ati, “Awe mukwai kuli cele. Niza sile ku kupeela impolelwa kuli Yawe. Mwemo muisangulule tuye swensi ku kupeela impolelwa.” Alino asangulula Yese pamwi na ana yakwe nga ayama ku kupeela impolelwa.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

Mpendwa 11:18

Lyene kanene antu yonsi uti, ‘Iteyanyini ku kuisangulula uwanda wa mutondo. Ali lino mulalya inyama, pasi pano mwatimuilizyanya kuli Yawe, nga nawe watauvwa kuno mukulila ulanda ulanda ala mukuvwanga ukuti cange cizipe umwi amupeela inyama mulye! Nu kuti mu Eguputo mwene mwasansamukanga! Fwandi acino Yawe amamupeela inyama, mumalya.

Mpendwa 19:19

Umuntu asi mukowele alinzile akanyile umuntu mukowele pa wanda uwalenga citatu na pa wanda uwalenga cinimbali, nga pa wanda uwalenga cinimbali alinzile wamukondola. Umuntu wino yakukondola alinzile afule ivyakuzwala vyakwe nu kufulala pa mwili, nga lino ilanzi lyawa ale wasangululwa.

2 Samueli 19:24

Lyene Mefibosyeti, umwizikulu wakwe Saulo, atentemuka ku kwizakomenkanya umwene. Wene atafulile ku ngazo nanti ukupela ivilezu nanti ukufula ivyakuzwala vyakwe ukufuma sile lino umwene wafumile umu Yelusalemu mpaka ukufika lino wawelulwike nu ucimvyo.

Mpendwa 31:23

nga ni cili consi icitangapya mu moto, muce mucizimwile mu moto, ali lino lyene cingaya icisangulule. Nga lelo kwene cili nu kusangululwa mu manzi akufumya amakombela. Nupya consi, cico icingapya mu moto naco kwene icakupisya mu manzi.