Kufuma 18:5 - Amazwi Yakwe Leza 2013

⁵ Yetulo, sivyala wakwe Mose, aletela Mose umuci na ana yakwe aonsi yaili mu lwanga, ku ncende kuno Mose wakuuzile insakwe pa mwamba wakwe Leza.

Kufuma 18:5 Referans Kwoze

Kufuma 3:1

Uwanda umwi lino Mose wacemanga imfwele ni mbuzi zyakwe Yetulo, sivyala wino wali a simapepo waku Midyani, azitungulula nu kusalala mu lwanga mpaka afika ku mwamba wakwe Leza, uwa Holebu.

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

1 Yamwene 19:8

Eliya nawe akatuka alya nga amwa na manzi. Ivyakulya ivimupeela amaka akupita apa manda amakumi yani, asuka afika nu ku Mwamba wa Holebu, umwamba wakwe Leza.

Kufuma 19:20

Yawe aika pa Mwamba wa Sinai papela, nga aama Mose kuti aye papela pa mwamba.

Kufuma 19:11

Lyene yaiteyanye pa wanda uwalenga yatatu. Pa wanda kwene uwo, ne Yawe indiika pa Mwamba wa Sinai, lino antu yonsi yakulola.

Kufuma 4:27

Pa nsita kwene ilya Yawe alanga wanena Aaloni ati, “Pita mu lwanga ku kukomenkanya Mose.” Caleka Aaloni apita, nga akomenkanya Mose pa mwamba wakwe Leza, nga amutonsola.

Kufuma 18:6

Yetulo atuma umuntu umwi kuli Mose ku kumunena vino yene yali umu nzila yakwiza.

Kufuma 19:2

Lino yatenuka ukufuma ku Lefidimu, iyafika ku Lwanga lwa Sinai, akuno yakuula insakwe pipi nu mwamba uwa kwene.

Kufuma 24:13

Caleka Mose atenuka pamwi na Yoswa kaazwa wakwe, alino Mose atandika kukwela mwamba wakwe Leza.