Kufuma 18:4 - Amazwi Yakwe Leza 2013

⁴ Nupya wavwanzile ati, “Leza wakwe tata awino wangazwilizye nupya uwa ntuuzile ku lupanga lwakwe Falao.” Caleka atemela umwana wakwe ciili izina ati a Elieza.

Kufuma 18:4 Referans Kwoze

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Milimo 12:11

Lyene lino Petulo walooka icamucitikila, avwanga ati, “Ndakai namanya vino icacumi! Mwene wali watuma mungeli wakwe ukwiza mpususya kufuma ku maka yakwe Helodi nu ku vintu vino Ayuda yapanzile kucita kunondi.”

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Masamu 46:1

A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.

Masamu 34:4

Napefile kuli Yawe nawe wanjaswike, ampususya na kuli vyonsi ivya nsakamikanga.

Masamu 18:48

Aliwe uwampususya uku anisi yane. Aliwe wantumpula apapela pali yayo akandwisya. Nu kunkulula uku muntu wa lukang'ansi.

Masamu 18:1

Ulwimbo luu, ulwakwe Davidi luno wimbilile Yawe apa kumupususya umu minwe yakwe Saulo na anisi yakwe yonsi.

1 Milandu 23:15

Ana aonsi yakwe Mose yali a Gelisyomu na Elieza.

Kufuma 2:15

Lino Falao uvwa icacitike, alonda ukukoma Mose. Lelo Mose apuukila ku mpanga ya Midyani akuno aya aikala. Uwanda umwi Mose aikala pansi pipi ni cifula.

Milimo 7:29

Lino Mose uvwa cii, autuka afuma mu Eguputo, aya aikala ku mpanga ya Midyani. Kuno yamuvyalile ana yaili aonsi.

Ayebulai 11:34

yazimizye moto uwipisye nu kutuulwa ku kukomwa ku lupanga. Nanti angala yali atonte yene yapilwe maka nga yaya akome. Mu nkondo yali na maka cuze, nupya yacimvizye vita vya inamasi.

Utandiko 49:25

A Leza wakwe so akakwazwa, Leza Wamaka yonsi akakupolelela akalenga kuti imvula iyatonya mu vyalo vyako akalenga kuti tufukoka tuye na manzi. Akalenga kuti uye ni ng'ombe na ana avule.

Kufuma 2:22

Zipola avyalila Mose umwana umonsi. Mose aelenganya ati, “Nene mwinamasi mu mpanga ii.” Caleka atemela umwana wii, izina ati a Gelisyomu.

Kufuma 4:20

Caleka Mose atoola umuci na ana yakwe aonsi, ayakwezya pali punda, nga yonsi pamwi yakatuka ulwendo lwakuswilila ku Eguputo, ala asenzile intuwa ino Leza wamunenyile kusenda.

1 Milandu 23:17

Intunguluzi ya amu mupanda wakwe Elieza wali a Leabiya. Elieza atakweti ana aonsi nayauze, lelo ana aonsi yakwe Leabiya yali nyanya.

Kufuma 10:28

Falao anena Mose ati, “Fuma pano ntaakulola! Ntalatala ince nkulole nupya! Uwanda uno ndakulola ulafwa!”