Kufuma 18:11 - Amazwi Yakwe Leza 2013

¹¹ Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

Kufuma 18:11 Referans Kwoze

Masamu 95:3

Pano Yawe ali Leza Mukulu, ali Mwene mukulu pali tuleza tonsi.

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

2 Milandu 2:5

Nkulonda uku kuulila Yawe, Ng'anda ikulu, pamulandu wakuti Yawe, Leza witu umukulu ukuluta tuleza tonsi utwasyala.

Luka 1:51

Mwene wataomvya ikasa lyakwe lya maka pa kusalanganya antu a myenzo ya cilumba.

Masamu 135:5

Namanya ukuti Yawe umukulu, ukuti Mwene witu waluta tuleza tonsi.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Masamu 97:9

Pano we Yawe, wewe Wapapelapela pano nsi yonsi, Wewe mukulu ukuluta tuleza tonsi.

1 Milandu 16:25

Yawe u mukulu nupya uwakulumbanya sana, wene uwakucindika wakwe cimwi, ukuluta tuleza tonsi utwasyala.

Yakobo 4:6

Lelo cikuku cino Leza akatukwatila cene ica maka kuluta. Cili ndi vino malembelo yakati, “Leza akakanya umuntu wensi uwa cilumba, lelo akaya ni cikuku ku muntu uwaicefya.”

Masamu 119:21

Ukakalipila avilumba, yayo atipwe, yano yakapumbuka yasya amalamulo yako.

Neemiya 9:10

Lyene wemo ali pakucita ivinjelengwe ni vizungusyo, ivyakulwisya Falao, aomvi yakwe pamwi na antu yonsi amu mpanga yakwe, pamulandu wa ukakasi uno yayacitile. Wemo waicitile ululumbi lwako luno ucikweti na pilelo kwene.

2 Yamwene 5:15

Naamani na antu yakwe ali pakuswilila kuli Elisya. Nga alino avwanga apaswe ati, “Icumi cumi lyene namanya ukuti pano nsi yonsi pataya Leza foo, suka sile wenga mpo uwa muno mpanga ya Izlaeli. Ali cino fwandi ule upokelele uwila uu uno ne muomvi wako napeela.”

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

Masamu 31:23

Si mwalukutemwa Yawe, mwe aswepe yakwe mwensi. Yawe akawaka aufuma cumi, lelo wene akavunuka antu acilumba.

Neemiya 9:29

Wemo uyasoka kuti nupya yatandike ukusunga masunde yako. Lelo yene yacita icilumba, yakana kuyela amasunde yako. Nanti angala kulondela amasunde ili nzila yakupeelelwamo umutende. Antu yaya yatalama, nupya yakana ukuyela.

Neemiya 9:16

Nga lelo ivikolwe vitu vyacisile icilumba, vyumalala imyenzo nu kusuula amasunde yako.

1 Yamwene 17:24

Lyene mangu wilya anena Eliya ati, “Icumi lyene alino namanya ukuti wewe muntu wakwe Leza, nu kuti Yawe akavwangila munuli.”

1 Samueli 2:3

Si fwandi mungala musuule sile, mutaya ni cilumba. Mutaezya ukuvwanga amazwi akuitumika, pano Yawe a Leza uwamanya vyonsi. Wene akapima vino antu yakacita.

Kufuma 14:18

Lino ndacimvya vita vyao, alino aina Eguputo yalamanya ukuti Nene indi Yawe.”

Kufuma 14:8

Yawe aleka Falao umwene waku Eguputo kuti akome umwenzo, cakuti alondelela aina Izlaeli lunkwalunkwa, yano afumanga mu mpanga ilya nu kupama.

Kufuma 12:12

“Pa wanda ulya usiku ndasalala mu mpanga ya Eguputo nu kukoma umwana wi yeli wensi umonsi. Iyeli lya muntu nga ni yeli lya nyama kwene ndakoma. Ndavunuka tuleza tonsi twamu Eguputo. Nene indi Yawe.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Kufuma 5:7

“Mute ukupeela antu insaawa zino yakuomvya pa kutama injelwa. Muyaleke yaya yakuilondela aisikulu.

Kufuma 5:2

Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

Kufuma 1:22

Pa kusyalikizya umwene wilya apeela ilamulo ku antu yakwe yonsi ati, “Mwana wensi umonsi uwavyalwa ku Ayebulai alinzile asumbwe mu Luzi lwa Nailo. Lelo ana yao yakaci yonsi muyata sile.”

Kufuma 1:16

“Lino mukwazwilizya anaci Ayebulai pa kuisapula kwao konsi, ana yao ndi aonsi mwayakoma, lelo ndi anaci yene muyata sile.”

Kufuma 1:10

Ndi nkondo yaponyile antu yaa yangaazwana na anisi itu kuti yatulwisye. Nga limwi yangapuuka mu mpanga itu. Tulinzile twalonda inzila imwi yakulesya impendwa yao kukula cuze.”

Mpendwa 33:4

ala yakuzika na ana yao amayeli yano Yawe wakomile. Pa kucita vii, Yawe walanganga ukuti wene wakwatisya amaka ukuluta tuleza twa ina Eguputo.