Kufuma 15:21 - Amazwi Yakwe Leza 2013

²¹ Nga Milyamu aimbila lwimbo kunoyali ati, “Imbini kuli Yawe, pamulandu wakuti watacimvya ulwi, watasumbila imfwalasi na antu akwezilepo muli yemba.”

Kufuma 15:21 Referans Kwoze

Kufuma 15:1

Lyene Mose na ina Izlaeli yimbila lwimbo lu kuli Yawe yati, “Kanimbile lwimbo kuli Yawe, pamulandu wakuti watacimvya mu lulumbi, imfwalasi na antu akwezilepo watayavwintila muli yemba.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.

2 Milandu 5:13

Yakiimba ya nyimbo na yakalizya ya ntandala yonsi yapomokela capamwi nu kulumbanya Yawe ni zwi lyonga sile. Api zwi lyakufuma umu ntandala ni vyakulizizya vyuze, yonsi pamwi yasanzula izwi lyao nu kulumbanya Yawe yati, “Endi, Yawe umusuma, pasi pano uluse lwakwe ulwa muyayaya.” Lino yasimapepo yafuma mu Ng'anda ikulu yakwe Yawe, ikumbi liiza ilizula mu Ng'anda ikulu yakwe Yawe, nga iliyengesa apakulanga ucindami wakwe Yawe.

1 Samueli 18:7

Apakucina yimba nu lwimbo iyati, “Saulo wakoma antu amazimbi. Lelo Davidi wene wakoma antu amazimbi amaila amakumi.”

Yakapingula 5:3

Uvwini, mwe ene! Tezini mwe yakateeka! Namaimbilanga Yawe, namalizizyanga Yawe, Leza wa ina Izlaeli, ivinanda.

Umbwilo 14:3

Antu yao imbanga lwimbo lupya nkolelo ya cilimba ca wene na pa manso ya viumbwa vini vyaumi na pa manso ya ikolo. Kutali umwi uwasambilile lwimbo luu suka sile antu mazimbi mwanda onga makumi yani na yani yano akulwilwe kufuma mu nsi.

1 Samueli 18:6

Lino ivita vyaswilila ku musumba pacisila cakwe Davidi ukukoma umwina Filisti, anaci yafumile mu misumba yonsi iya ina Izlaeli ukwiza zengela Saulo umwene wilya ala yakwimba inyimbo zya luzango, yakulizya ni ngoma na yagita, nu kucina yala yakucina.

2 Samueli 1:20

Cisi cakwezya ukucilanda mu musumba wakwe Gati nanti ukwalazya ilyasi mu museo wa Asyikeloni, pano limwi yamangu amu Filisti yangazanga, nga na ana anaci yakwe yao atasilamulwa yangasansamuka.

2 Samueli 6:14

Davidi wazwite cakuzwala ca efodi icapangilwa ku nsalu itelepelele umu musana, nga acina apapezile amazya yakwe yonsi kuti acindike Yawe.

Masamu 76:6

Walanga sile lino wayoofya, we Leza wakwe Yakobo, awe mukwai imfwalasi zyao kumwi nayano yakwezilepo iyafwa.

Kufuma 15:4

Wavwintile vita vya ina Eguputo na maceleta yao muli yemba, na yamusika yaviko ampomvu yamwelile muli Yemba Muyenzu.