Kufuma 14:10 - Amazwi Yakwe Leza 2013

¹⁰ Lino aina Izlaeli yalola Falao ni vita vyakwe yafika pipi, yuvwa intete nga yapunda yati, “Yawe, twapapata tutuule!”

Kufuma 14:10 Referans Kwoze

Masamu 107:6

Umu ulanda wao iyalilila Yawe, nawe ayatuula umu ntazi zyao.

Masamu 34:17

Antu asuma ndi cakuti yapunda yati, “Tutulwe!” Yawe akayuvwa nu kuyatulanya ku macuzi yao yonsi.

Neemiya 9:9

“Waweni intazi nu kucula kwa vikolwe vitu umu Eguputo. Wuvwile ni mpoma zyao, kuli Yemba Muyenzu.

Yoswa 24:7

ivikuta kunondi, nga nawe aika akanda pakasi kao na ina Eguputo. Alino aleka na yemba wilya awela nu kwiza tuwizya aina Eguputo. Mwailolile na manso inu vino nacitile aina Eguputo.’ ” “Mwatenzi mu lwanga pa nsita ntali.

Masamu 106:44

Lelo wene wayayelelanga ulanda, apakuvwa inkuuta yao.

Masamu 53:5

Ukuya kwene intete zino yatatala yalemwa zilayalema, pano Leza amasansanta amafupa ya anisi yao. Cimayaletela insonyi pakuzana ukuti Leza watayatazyela.

2 Milandu 18:31

Ali cino fwandi walanga yalola Yeosafati, iyati nu kuti, “Wikwene ali mwene wa ina lzlaeli.” Acino iyamulungama uku kumulwisya. Yeosafati nawe akuuta kuli Yawe, nga Yawe nawe amuvwa, amutuula nu kumutuula apa kuyafuntusya kunoli.

1 Yoane 4:18

Mu kutemwa mutaya intete, kutemwa kufumaluke kukazinga intete zyonsi. Muntu ali ni ntete ala akoopa upinguzi, nu kutemwa kutaya ukufumaluke munoli.

Yelemiya 22:23

Wemuno wakwata icifulo cako uku Lebanoni, ni cinsanzo cako umu miti mikelide, iyee mwe lyene vino ulateta lino amacuzi yalakuponela, kwati ucuzi wa mwanaci wino ali pipi nu kulela.

Ezaya 26:16

We Yawe, wapezya antu yako, alino umu ulanda wao ali pakupapata kunuli.

Ezaya 7:2

Walanga amazwi yafika ku mwene waku Yuda ukuti ivita vya ina Alamu vyativingila mu mpanga yamu Izlaeli, intete izimulema kumwi na antu yakwe yonsi icakuti iyapunganika sile wa miti yamu mutengo ikutenta uku muza.

Masamu 107:28

Nga alino umu ulanda wao iyalilila kuli Yawe, nawe ayapususya umu ntazi zyao.

Masamu 107:19

Nga alino umu ulanda wao iyalilila Yawe nga nawe ayapususya umu ntazi zyao.

Masamu 107:13

Nga alino yalaizye kuli Yawe umu ulanda wao.

Kufuma 15:25

Mose apapata kuli Yawe, alino Yawe amulanga kamuti. Mose atoola kamuti akasumbila mu manzi, na manzi yaluluka. Kuku kwene akuno Yawe ayapeela amasunde akuti yalondela mu wikazi wao. Yawe ayezya kuti alole ndi yangayela amasunde yakwe.

Malango 9:7

“Mwaiusya cii nupya mutaca mwilile vino mwalenzile Yawe Leza winu ukusoka mu lwanga. Ukufuma sile pa wanda uno mwafumile mu Eguputo kufika na pa wanda uno mwafisile kuno mwemo mwasangukila Yawe.

Masamu 81:7

Lino mwacululukanga, mwandaizye, nani niza namupususya. Umwi kumbi lino lyapangalakansyanga, ali muno nafisime, nu kwasuka amuno namwasukilanga. Lino kwalolike amanzi ku Meliba ali kuno namumwesizye,”

Kufuma 13:17

Lino Falao wazumilizya aina Izlaeli kuti yapite, Leza atayazumilizye kuti yapite ku museo uwapita ku nkumba yakwe yemba, uno waya ku mpanga ya Filisti nanti angala wali umuseo uwipi. Leza aelenganya kuti, “Anisi yao ndi yayazanza, antu yaa yangasenula amano nu kuswilila ku Eguputo.”

Yoswa 24:6

Nafumizye ivikolwe vinu mu Eguputo, nga aina Eguputo yatumile amaceleta yao na ali pa mfwalasi kuti yayalondelele. Lelo lino ivikolwe vinu vizile vifika pali Yemba Muyenzu,