Kufuma 13:2 - Amazwi Yakwe Leza 2013

² “Mwampaatwila ana yonsi mayeli aonsi. Mu ina Izlaeli umwana wensi umonsi wi yeli, umwana wa muntu nanti umwana wensi wa nyama uwakwane.”

Kufuma 13:2 Referans Kwoze

Luka 2:23

Ndi vino calembwa mu Masunde ya Mwene cati, “Umwana wensi iyeli umonsi wene ali nu kupelwa ku Mwene.”

Mpendwa 3:13

Pasi pano amayeli yonsi akwane. Lino nakomozile amayeli yonsi mu Eguputo, naipaatwilile cila iyeli lya ina Izlaeli, usi mulandu lingaya ilya muntu nanti ilya nyama. Yene yalinzile ukuya akwane. Nene indi Yawe.”

Malango 15:19

“Mupaatwile Yawe Leza winu amayeli yonsi akalume a ng'ombe na a mfwele. Mutakezye ukuomvya iyeli lyakwe yamasaye ilya ng'ombe zinu nanti ukusenya amavumbu imfwele ili yonsi pa mfwele zii.

Mpendwa 18:15

“Mwana wensi iyeli, wino yalayampela, aye umuntu nanti iciteekwa, alaya uwakwinu. Lelo iyeli lya nyama ni lya muntu mukowele uce ulikulule.

Aina Levi 27:26

Iyeli lya nyama ilyakwe Yawe. Acino kusi umwi angalipeela kunoli ukuya uwila wa kuitemelwa. Usi mulandu ingaya a masaye, imfwele nanti imbuzi, lyene ilyakwe Yawe.

Kufuma 4:22

Lyene ulinzile ukuyanena Falao ukuti Nene, ne Yawe navwanga nati, ‘Izlaeli umwana wane umonsi iyeli.

Ayebulai 12:23

Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Kufuma 23:19

“Cila mwaka mwaleta ku ng'anda yakwe Yawe vya uzombozi vinu vyankolelo. “Mutaeleka kana ka mfwele nanti ka mbuzi mwi ziya lyakwe nyina.

Kufuma 13:1

Yawe anena Mose ati,

Mpendwa 3:12

“Lola, natinsolola aina Levi mu ina Izlaeli yonsi mu cifulo cakuti ningasolola umwana umonsi iyeli muli cila mwanaci umwina Izlaeli. Ali cino inkuti aina Levi akwane nene.

Neemiya 10:36

Tulaapeela kuli Leza witu ana itu amayeli aonsi. Ana mayeli ya ng'ombe na amfwele kwene, na mbuzi, tulayatwala kuli yasimapepo akatumikila mu Ng'anda ikulu yakwe Leza, ndi vino calembwa mu Masunde.

Ezekelo 16:20

“Lyene watola ana yako yakaci na yakalume, yano waviile kunondi, ayano wocela impolelwa ya cakulya uku tuluwi. Uzye kwene pali ucizelele wako utakumanizye,

Ezekelo 16:21

apakuti untolele na ana uyakome nu kuyapeela impolelwa ku tuluwi tuto?

Kufuma 22:28

“Utakavwange mazwi ya misuli kuli Leza nupya utakatipwile intunguluzi ya antu inu.

Neemiya 10:37

Lyene uku miputule ya kusungilamo cuma mu Ng'anda ikulu yakwe Leza witu tukaatwalila yasimapepo, usu wankolelo wa ngano, amawila ya mbezu, ni viseekwa vya miti itu yonsi nga na waini mupya na mafuta yapya kwene. Nupya tukaaleta ni cikumi ca vilyo vitu ku ina Levi, pano alio yakasanguzya icikumi mu misumba yonsi muno tukaomba.