Kufuma 13:15 - Amazwi Yakwe Leza 2013

¹⁵ Lino Falao wakomile umwenzo nu kukana kuti tufume mu mpanga yakwe, Yawe walenzile kuti ana mayeli ya antu na a nyama yafwe mu mpanga yonsi ya Eguputo. Uli mulandu uno tukapeela impolelwa kuli Yawe inyama zya kalume mayeli. Lelo mayeli itu aonsi tukayakulula.’

Kufuma 13:15 Referans Kwoze

Kufuma 12:29

Usiku pakasi Yawe alenga kuti ana mayeli yonsi aonsi amu Eguputo yafwe. Kutandikila ku mwana umonsi iyeli lyakwe Falao, wino wali nu kupyana cilimba ca wene, kufika nu ku mwana umonsi iyeli lya munyepwe wino ali mu ng'anda yaminyololo. Nga na ana mayeli a nyama nayo kwene alenga kuti yakomwe.

Kufuma 34:20

Lelo mwakulula umwana wi yeli wakwe punda, pakupeela suuku mu cifulo cakwe. Mwavuna mwana punda insingo ndi mwaposiwa kumukulula. Mwakulula umwana wensi wi yeli umonsi. Kusi umuntu nanti wenga wakwiza ku kulolekela ku manso yane kwaula cimwi mu minwe ca mawila.

Mpendwa 3:46

Pasi pano impendwa ya ana mayeli ya ina Izlaeli ilusile impendwa ya ana aonsi ya ina Levi yali 273. Mulinzile kukala ana yaa pa kuyakulula.

Mpendwa 18:15

“Mwana wensi iyeli, wino yalayampela, aye umuntu nanti iciteekwa, alaya uwakwinu. Lelo iyeli lya nyama ni lya muntu mukowele uce ulikulule.

Masamu 105:36

Lyene akomola amayeli yao yonsi pyu umu mpanga yao, ana yonsi aonsi amu ndupwa zyonsi zya ina Eguputo.

Kufuma 3:19

Lelo manyile ukuti umwene waku Eguputo atalamuzumilizya kuti mupite suka sile wapatikiziwa ukucita cico.

Kufuma 4:23

Nakunenyile ukunena umwana wane umonsi iyeli apite pakuti angampepa, lelo wemo wakanyile. Cisuma! Ndakai namakoma umwana wako umonsi nupya iyeli.’ ”