Kufuma 12:51 - Amazwi Yakwe Leza 2013

⁵¹ Pa wanda kwene ulya Yawe aleka kuti aina Izlaeli yafume mu Eguputo ukulingana ni mitundu yao.

Kufuma 12:51 Referans Kwoze

Kufuma 12:41

Pa wanda uno imyaka 430 yasizile, ukufuma lino aina Izlaeli ingile mu Eguputo, imitundu yonsi ya antu yakwe Yawe ifuma mu Eguputo.

Kufuma 6:26

Aaloni na Mose ali yano Yawe wavwanzile kunoyali ati, “Katungululini aina Izlaeli ukufuma mu Eguputo ukulingana ni mitundu yao.”

Milimo 13:17

“Leza wa ina Izlaeli wasolwile vikolwe vitu, nga aleka antu itu yaya luko lukulu lino yali atandazi mu mpanga ya Eguputo. Lyene Leza ayafumya na maka mu Eguputo

Yuda 1:5

Pano nanti mumanyile vyonsi vii, nkasi kumwiusya vino Mwene watuuzile aina Izlaeli kufuma mu Eguputo. Lelo pacisila alovya yano atataile.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Kufuma 7:4

Lyene ndaomvya maka yane pa kuvunuka cuze aina Eguputo. Alino ndatungulula imitundu ya ina Izlaeli ukufuma mu mpanga ya Eguputo.

Kufuma 12:50

Aina Izlaeli yonsi iyayela malamulo nu kucita wakwe vino Yawe wapeezile ilamulo kuli Mose na Aloni.

Kufuma 13:1

Yawe anena Mose ati,

Kufuma 16:1

Pacisila cakwe vii iuvi lyonsi lya ina Izlaeli ilitenuka ilifuma ku Elimu. Pa wanda uwalenga ikumi na yasano mu mwezi wakwe ciili ukufuma lino yafumile mu Eguputo iyafika ku Lwanga lwa Sinai. Ulwanga lulo lwaya pakasi kakwe Elimu nu Mwamba wa Sinai.

Kufuma 19:1

Pa wanda wakutandika uwa mwezi wakwe citatu ukufuma lino aina Izlaeli yafumile mu Eguputo, aina Izlaeli iyafika ku Lwanga lwa Sinai.

Masamu 114:1

Lino aina Izlaeli yafumile umu mpanga ya Eguputo ali kuti lino amu mupanda wakwe Yakobo yafumile umu mpanga ya lulimi ulwenyi,

Masamu 136:11

Wafumizye aina Izlaeli umu Eguputo, pano luse lwakwe ulwa pe na pee,

Amosi 2:10

“Mwe ina Izlaeli anene namufumizye mu mpanga ya Eguputo. Nene namutungulwile mu lwanga pa myaka amakumi yani, kuti imupele impanga ilya ya ina Amoli.

Mika 6:4

Nemo namufumizye mu mpanga ya Eguputo. Namupuswisye ku uzya umu mpanga muno mwali azya. Alino ntuma Mose, Aloni, na Milyamu kuti yamutungulule.

Utandiko 50:24

Yosefu anena aina yakwe ati, “Indi pipi nu kufwa, lelo Leza alamusunga nu kumutungulula ukufuma mu mpanga ii ukuya ku mpanga ino walavile kuli Abulaamu na Isaki, nga nakuli Yakobo.”

Aina Levi 23:43

pakuti amu mupanda winu yangamanya ukuti Yawe walenzile aina Izlaeli kuti yaikala mu nsakwe lino wayafumizye mu mpanga ya Eguputo. Wene a Yawe, Leza winu.

Mpendwa 23:22

Leza uwayafumizye mu Eguputo. Wene akayalwisizya wa mbo.

Mpendwa 26:4

“Pendini aonsi yonsi ali ni myaka ukutandikila pa makumi yaili nu kuya apapela, ukulingana namuno Yawe wapeezile ilamulo kuli Mose.” Yaa ali ina Izlaeli yano yafumile mu mpanga ya Eguputo:

Mpendwa 33:1

Katulole vino ulendo wa ina Izlaeli wali ukufuma ku Eguputo ukulingana ni mitundu yao. Yene yatungululwanga kuli Mose na Aloni

Malango 4:37

Pamulandu wakuti watemilwe ivikolwe vinu, wene wamusolwile, nga mu maka yakwe akulu amufumya mu mpanga ya Eguputo.

Malango 16:1

“Muce mwacindika Yawe Leza winu mu kuwaka kuzevya Cimulo ca Ucilo mu mwezi wa Abibu, pamulandu wakuti ali mwezi kwene uno wamufumizye mu mpanga ya Eguputo, usiku.

Yoswa 24:5

Lino papisile insita, natumile Mose na Aloni, nga imponya impungo pa ina Eguputo, nga pacisila iniza imufumya mwenemo.

1 Yamwene 6:1

Pacisila ca myaka imyanda ini na cinani lino aina Izlaeli yafumile mu Eguputo, mu mwaka wakwe cini lino Solomoni wateekanga umu Izlaeli, umu mwezi uwa Zivu, Solomoni atandika uku kuula Ng'anda ikulu yakwe Yawe.

2 Milandu 14:12

Fwandi Yawe Leza nawe ali pakukomola aina Kusyi pa manso yakwe Asa na ikazi aku Yuda. Aina Kusyi yayacimvya nga yapuuka.