Kufuma 12:19 - Amazwi Yakwe Leza 2013

¹⁹ Pa manda cinimbali mu mang'anda inu mutalinzile kuzanwa icitutumusi. Pano ndi umwi, wino wavyalilwa munomuli nanti mwinamasi, walya umukate umuli icitutumusi, wene alinzile kusukulwa mu antu yane.”

Kufuma 12:19 Referans Kwoze

Kufuma 12:15

Lyene Yawe avwanga ati, “Pa manda cinimbali mutalinzile ukulya umukate umuli icitutumusi. Mulinzile ukulya sile umukate usi na citutumusi. Pa wanda wakutandika wa manda cinimbali mulinzile kufumya icitutumusi mu mang'anda inu. Pano ndi umwi mu manda cinimbali angalya umukate umuli icitutumusi, wene alinzile kusukulwa mu antu yane.

Malango 16:3

Apa kulya icakulya cico mutakezye ukulya imikate umuli icitutumusi. Pa manda cinimbali musi nu kulya umukate umuli icitutumusi, wakwe vino mwacisile lino mwafumile mu mpanga ya Eguputo mu lwilo. Mukalye imikate iyo wa mikate ya ucuzi, pamulandu wakuti ilamwiusya vino mwacuzile cakuti amanda yonsi yano mulikala pano nsi mulaiusya uwanda ulya uno mwafumile mu mpanga ya Eguputo.

Kufuma 23:15

Mwazevya Cimulo ca Mukate usi na Citutumusi. Wakwe vino namupiile ilamulo mwalya umukate usi na citutumusi pa manda cinimbali mu mwezi wakwe Abibu, pa nsita ino cikacitikila, pamulandu wakuti mu mwezi kwene uwo alino mwafumile mu Eguputo. Kusi umuntu wakwiza ku ng'anda yane minwe.

Mpendwa 9:13

Lelo ndi kwazanwa umuntu umwi pali yao asi akowele ukulingana ni ntambi nanti asi pa lwendo, nga wakana sile kuzevya Cimulo ca Ucilo, umuntu wiyo alinzile kusukulwa mu antu yao pamulandu wakuti atapile uwila wakwe kuli nene pa nsita ino yasontwa. Umuntu wiyo ali nu kulipa pi ifyo lyakwe.”

Kufuma 34:18

“Mwazevya Cimulo ca Mukate usi na Citutumusi, wakwe vino namupiile ilamulo. Mwalya umukate usi na citutumusi pa manda cinimbali mu mwezi wakwe Abibu, pano mu mwezi kwene uu, ali lino mwafumile mu Eguputo.

Kufuma 12:48

Lelo umonsi wino atasilamulwa atangalya. Ndi cakuti mwinamasi umwi wiza wikala munomuli akulonda kuzevya Cimulo ca Ucilo ca kucindika Yawe, mulinzile mutale musilamule ana aonsi amu ng'anda yakwe yonsi. Lyene mungamutola aye wa mwina Izlaeli nu kuzevya nawe cimulo cico.

Kufuma 12:43

Lyene Yawe anena Mose na Aaloni ati, “Malamulo ya Cimulo ca Ucilo aeya: Kusi mwinamasi umwi wakulya cakulya ca Cimulo ca Ucilo,

Kufuma 12:20

Mutalinzile ukulya icili consi umuli icitutumusi, nupya mu mang'anda inu mwalya sile umukate usi na citutumusi.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 13:7

Pa manda cinimbali mutalinzile ukulya umukate umuli icitutumusi. Mu mpanga inu yonsi mutalinzile ukuya icitutumusi nanti umukate umuli icitutumusi.

Aina Levi 23:5

“‘Cimulo ca Ucilo cino cikazeviwa pa kucindika Yawe, cikatandika lino ilanzi lyawa, pa wanda uwalenga ikumi na yani mu mwezi wa kutandika.

Kufuma 30:33

Muntu ali wensi wino alapanga amafuta acinunu cisuma yauze akolane na yaa, nanti kupaka muntu ali wensi wino asi simapepo, wene alinzile kusukulwa mu antu yane.’ ”