Kufuma 1:17 - Amazwi Yakwe Leza 2013

¹⁷ Lelo yanakambuza yalya yopanga Leza. Caleka yakana kuyela ilamulo lya mwene waku Eguputo. Mucifulo cakukoma ana aonsi yayata sile.

Kufuma 1:17 Referans Kwoze

Milimo 5:29

Petulo na alondezi yauze yaasuka yati, “Tulinzile ukuyela Leza, kuluta kuyela antu.

Kufuma 1:21

Caleka aina Izlaeli yatwalilila kuvula nu kuya na maka.

Luka 12:5

Nkamunene uwakoopa. Oopini Leza, wino pacisila ca kukoma wakwata maka akusumba mu Gehena. Mutaile cino namunena, moopini wiyo kwene.

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Danieli 6:13

Lyene antu yaya yanena umwene yati, “Danieli, wenga uwamu azya ukufuma ku Yuda, atacindika we musambazi, nanti ukuyela cipope kwene cino wemo walemba. Lelo wene akapepa amaila yatatu umu wanda.”

Mapinda 16:6

Uluse ni cumi vikalipila apa maifyo. Ukoopa Yawe kukafuntusya uku uyi.

Kasambilizya 8:12

Umuntu muyi nanti angatala imilandu umwanda onga, lelo wene angikala sile ningo. Endi, nemo kwene cino namanya icakuti antu yano yakaoopa Leza yene yakaya nu longo.

Masamu 31:19

Iye mwe, we Yawe vino usuma wako wakula, uno ukacitila yayo akukwatila icoopo! Ala kwene icakuzunguka uku muntu ali wensi, apakulola vino wemo ukacitila yao akutaila, yano yakaiza umu kuzina kunuli.

Utandiko 42:18

Pa wanda uwalenga yatatu Yosefu ayanena ati, “Nene muntu wino akaopa Leza. Caleka citini cii kuti mutakomwa.

Oseya 5:11

Antu yakwe Efulemu yakuzunyiwa, nu kufyengelekeziwa pamulandu wa kuuvwila yauze.

Mapinda 8:13

Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.

Neemiya 5:15

Lelo alasi ankolelile yacuzyanga antu. Yapokololanga antu ivyakulya na waini ukwika penepo ni mpiya zyakwe siluva, anganyoma ukulingana na citika wakwe kilogalamu. Alino na aomvi yao kwene yatesile antu ukukalili. Nemo palwane intatazile incite icamusango ndi uo, apamulandu nu koopa Leza wane.

Mika 6:16

Mwemo mwalondela ivicitwa viipe vyakwe Omuli ni vicitwa vyonsi vya ang'anda yakwe Aabu. Mukasunga ni ntambi zyao zyonsi. Caleka ndamulovya, na antu yonsi yalamusuula, nga na antu amu nko zyuze yalamusoweka.”

Utandiko 20:11

Abulaamu aasuka ati, “Mu mano yane natiile kuno kutangaya umuntu akaopa Leza, nga nu kuti yangankoma yatole nu muci wane.

Kufuma 1:18

Caleka umwene waku Eguputo atuma akuya ama yanakambuza nga aiza ayuzya ati, “Uzye pacani cino mukucita cii? Uzye pacani cino mukuta ana aonsi mucifulo cakuyakoma?”

1 Samueli 22:17

Lyene umwene apeela ilamulo kuli yakalinda yaya amutumikilanga, ati, “Senukini nu kukoma yasimapepo yakwe Yawe, pamulandu wakuti nayo kwene yatiyawila ku mbali yakwe Davidi. Yene yamanyile vino akuutuka, lelo yatanenyile.” Lelo aomvi ya mwene yatakasi ku katusya nanti ikasa kuti yakome yasimapepo yakwe Yawe.

2 Samueli 24:4

Lelo umwene aleka Yoabu na yamusika akalamba ya vita kuti yayele ilamulo lyakwe. Lyene Yoabu na yamusika yaya iyafuma pano wali iyaya ku kupenda aina Izlaeli.

Esita 3:3

Lyene aomvi akwisano yuzya Modekai yati, “Uzye pacani cino wemo wakaniile ukuyela isunde lya mwene?”