Kufuma 1:11 - Amazwi Yakwe Leza 2013

¹¹ Caleka umwene wilya ni nkombe zyakwe yika yakangalila akalale pa ina Izlaeli kuti yayapatikizya ukuomba imilimo ikome pakuti yayatonsye. Aina Izlaeli yakuula umusumba wa Pitomu nu musumba wa Lamesesi kuti iye imisumba yakwe Falao yakusungilamo ivyakulya.

Kufuma 1:11 Referans Kwoze

Utandiko 15:13

Lyene Yawe amunena ati, “Cumi manya vino amu mupanda wako yalaya alowezi mu mpanga yacilendo kuno yalaya yakaye azya nu kucula pa myaka imyanda ini.

Kufuma 3:7

Lyene Yawe avwanga ati, “Natindola kukalala kuno aina Eguputo yakucita pa antu yane. Natinuvwa inkuta ya antu yane kuti njatuule ukufuma mu makasa yakwe yakangalila yao akalale. Manyile kunyunguluka kwao konsi.

Kufuma 2:11

Lino Mose wakula, uwanda umwi aya ku kutandalila antu yakwe, Ayebulai. Nga alola vino aina Eguputo yakupatikizya Ayebulai ukuomba imilimo ikome. Alola na vino mwina Eguputo akuma Muyebulai, wenga uwamu antu yakwe.

Utandiko 47:11

Lyene Yosefu aleka isi na aina yakwe yikala mu Eguputo nga ayapeela muputule wa mpanga usuma cuze mupipi nu musumba wa Lamesesi, wakwe vino Falao wapeezile ilamulo.

Masamu 81:6

“Ala asi anene namupokile ivisendo apaviye ivyamutonsizye, namwisizya ni mise pansi muno mwasinzilanga.

Malango 26:6

Lelo aina Eguputo yatucuzizye wakwe cimwi nga yatupatikizya ukuomba wa azya.

Mpendwa 20:15

Ivikolwe vitu vyatentemukile ku Eguputo kuko kuno vyatenzi amanda avule cuze. Aina Eguputo yatucuzyanga wakwe cimwi, ndi muno yacitile ivikolwe vitu.

Mapinda 27:4

Ulufyengo ni cipyu vyonsi ivya ononyi. Lelo uzuwa wene waluta pali vyoili.

Masamu 105:13

Yalulumbanga ukufuma ku mutundu uu na uu, ukufuma ku wene uu ukuya uku uze,

Masamu 68:13

Lelo yakuloleka kwati inkunda zino yengelelako siluva zizyo zino amapa yakuyengesa wakwe zaabu, umwengululwe usaka sana. (Uzye icani cino anji yamwi nalyo kwene ale yasile yayizi mu vitata vya mfwele?)

2 Milandu 8:4

Alino akuula na Tadimoli mu lwanga, nga ni misumba yonsi yakusungilamo icuma ino wakuuzile ku Hamati.

1 Yamwene 9:19

nga ni misumba yonsi yakusungilamo icuma cakwe na maceleta yakwe, ni misumba ya antu akwelanga pa mfwalasi, na vyonsi vino walondanga ku kuula mu Yelusalemu, mu Lebanoni ni mpanga yonsi muno wateekanga.

Kufuma 5:15

Lyene yakapitao aina Izlaeli yiiza yailizyanya kuli Falao, yati, “Mwene wakwisaci, uzye pacani cino ukucita cii kunotuli swe aomvi yako?

Kufuma 1:14

Umi wa ina Izlaeli wali uwakucululuka pamulandu wakuti aina Eguputo yayakulizyanga ukuomba incito ikome mu kutama injelwa nu kukanda indaka mu makuule nga nu mu milimo yamu vyalo vyao kwaula ukuya nu luse panoyali.

Kufuma 5:10

Caleka yakangalila akalale aina Eguputo nga na yakapitao aina Izlaeli iyaya ku ina Izlaeli, nga yayanena yati, “Falao watavwanga ukuti atakutuma yamwi yamuletele insaawa.

2 Milandu 16:4

Ben Hadadi nawe asi mukanyi, azumilizya Asa, atuma ni nkombe izyakuti ziye zikalwisye imisumba ya ina Izlaeli. Yapokolola umusumba wa Iyoni, Dani, Abeli Maimu kumwi ni misumba yonsi iyazingulwike icitungu ca Nafutali, mumo umwali inkoma zya vintu.

Masamu 129:1

We Izlaeli, tunene vino anisi yako yakakuzunya ukufuma sile ku wance wako. Vwanga uti,

Kufuma 5:8

Lelo muleke yatama impendwa ya njelwa ilya kwene ino yakatama amanda yonsi, yatasya nanti longa. Antu yaa, akasu. Iciloleka ukuti yatakweti imilimo ivule yakuomba. Cikwene icati cilenga kuti yize yalukundilila kuti njate yapite ku kupeela impolelwa kuli Leza wao.

Masamu 129:2

“Anisi yane yakanzunya wakwe cimwi, ukufuma ku wance wane, lelo yaposiwa ukuncimvya.