Kolose 1:28 - Amazwi Yakwe Leza 2013

²⁸ Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

Kolose 1:28 Referans Kwoze

Yelemiya 3:15

Alino ndamupeela yakacema ukulingana ni vilatemwa umwenzo wane. Yene yalamucema ningo na mano.

Efeso 5:27

Wacisile cii kuti aleke iuvi liloleke ilyalulumbi nupya ilyamuzilo, ilyaula mulandu nanti iyala nanti mikwinya nanti ndema zyuze.

Mateo 5:48

Caleka mwemo muye afumaluke ndi vino So uwa mwiyulu waya umufumaluke.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

1 Kolinto 2:6

Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.

Kolose 1:22

Lelo ndakai kupitila mu mfwa ya Mwana wakwe yaku mwili, mwemo Leza wamucita kuya yacuza yakwe pakuti aleke muye amuzilo, asanguluke, nupya aula mulandu pa manso yakwe.

2 Kolinto 11:2

Nemo nkweti uzuwa pamulandu winu, wakwe vino Leza nawe akweti. Mukoline wakwe mwali musanguluke wino nalaya kumufumalizya ku muntu wenga sile. Muntu wiyo a Klistu umwisikulu.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

Milimo 20:31

Pempulini, lyene nu kwiusya ukuti pa myaka itatu, musanya nu usiku, namusambilizye cila wenga, na minsozi.

Milimo 8:35

Lyene Filipo atandika kuvwanga. Atandikila pa ciputulwa ca malembelo kwene cii, amunena Ilandwe Lisuma lya pali Yesu.

Ayebulai 10:14

Mu mpolelwa yonga kwene amuno wene walenga ukuti antu yano aswefiwa kufuma ku maifyo yaye afumaluke manda pe.

1 Timoti 3:2

Intunguluzi yamwi uvi italinzile kutungwa kayi. Wene alinzile kukwata muci wenga sile, nu kuya mutekele, wa mano, wa mucinzi, akasunga aenyi ningo mu ng'anda yakwe. Wene alinzile kuya mukampuke ku kusambilizya.

Kolose 2:10

nupya mwemo mwapelwa umi umalilike muli aliwe. Wene alusile mipasi nga na maka yonsi asyaloleka.

1 Kolinto 12:8

Mupasi Wamuzilo akapeela umuntu umwi maka akulanda vya mano, nga Mupasi Wamuzilo ali umwi kwene akapeela umuntu muze maka akulanda mazwi akusambilizya.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

2 Kolinto 10:14

Tusyakulusya pa cipimo, kwati limwi tutafisile kuno muli. Swemo twali ankolelo kwiza kuno muli ku kukosola Ilandwe Lisuma lya pali Klistu.

1 Kolinto 15:12

Ndi cakuti tukukosola ukuti Klistu wazyukwike kufuma ku mfwa, uzye lyene yamwi munomuli yangalanda uli ukuti antu yatalazyukuka kufuma ku afwe yaye nu umi?

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

1 Kolinto 2:15

Muntu wensi akweti Mupasi Wamuzilo, wene angapingula umpomvu wa vintu vyonsi. Lelo kusi umuntu wino angamupingula.

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

Milimo 17:3

ala akuyalondolwela nu kuyasinila vino calingine kuti Klistu acule nu kuzyukuka kufuma ku afwe. Paulo ayanena ati, “Yesu kwene wii, wino nkukosola kunomuli ali Klistu.”

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 9:20

Alungama sile mu mang'anda ya mapepo atandika kukosola ndi vino Yesu Mwana wakwe Leza.

Milimo 8:5

Filipo waile ku musumba uwamu Samaliya akukosola ilandwe lya pali Klistu ku antu ya kuku.

Milimo 5:42

Cila wanda atumwa yatwalilile kusambilizya mu mang'anda ya antu nu mu Ng'anda ikulu yakwe Leza, nga nu kukosola Ilandwe Lisuma ilyakuti Yesu ali Katuula.

Milimo 3:20

na pakuti Leza amupeele upemwilo uwaku Mupasi nga nu kutuma Yesu. Wene ali Katula uwalavilwe wino wasolola pamulandu winu.

Mako 6:34

Lino Yesu wapatuka mu wato, alola iumba likulu cuze, nga aya ni nkunkunsi, pano yakoline wa mfwele izitakweti kacema. Lyene atandika kuyasambilizya vintu ivingi.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 3:7

Lelo lino walola Afaliseo na Asaduki aingi yakwiza kuno wawatizyanga, ayanena ati, “Mwe ana ya nzoka mwe! Uzye aweni uwamucelula kuti muutuke ukali wakwe Leza uno ukwiza?

Yelemiya 6:10

Nga nani naasuka inti, “Uzye aweni wino ninganena nawe auvwe? Cumi kwene amatwi yao yapulama, yatange yakutike foo. Amazwi yakwe Yawe yasulwa kunoyali. Yene yasiyazengela, awe.

Kasambilizya 12:9

Pamulandu wakuti kasambilizya wali uwamano, wene wakonkomizye antu vino wamanyile. Wasambilile imvwango nu kulondelezya nga azana icumi muno zili.

Mapinda 8:5

Mwe mbutuma mwe, ala sambililini ukucenjela kunondi, vipuwa mwe, kopini amalango.

Malango 4:5

“Anene namusambilizya amasunde yonsi, wakwe vino Yawe Leza wane wanenyile ukucita. Muce mwayayela mu mpanga ino mwasya musawange apakuipoka nu kwikala mwenemo.

2 Petulo 3:15

Mutailila ukuti Leza wateka mwenzo pano wene akalonda kuti antu yatuulwe. Cikwene acino Paulo, cuza witu mukundwe wavwanzile lino wamulembile kulingana na mano yano Leza wamupile.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

1 Kolinto 4:14

Nkumulembela cii, asi pamulandu wa kumucita insonyi, lelo apakuti imusambilizye wa akundwe.

Milimo 13:38

Caleka, mwe inane mwensi, mulinzile kumanya vino kupitila sile muli Yesu Klistu amuno ilandwe pamulandu wa kwelelwa maifyo likakosolwa kunomuli.

Milimo 11:20

Lelo yamwi muli yao ataile, aonsi afumile ku Kupulo nu ku Kuleni, yaile ku Antioki yakukosola ilandwe nu ku Akulukuwa kwene, yayanena Ilandwe Lisuma lya Mwene Yesu.

Ezekelo 7:10

Eya! Asi papo uwanda wafikila wi lovyo! Awe lyene lwatatala. Ee, apapelela icilumba!

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Ezila 7:25

“Acino wemo Ezila, umu kuomvya amano yano Leza wako wakupeela, wewe ulinzile wasonta intunguluzi na yakapingula akuteeka antu umu mbalama ya luzi lwa Yufulate, yao amanya isunde lyakwe Leza wako. Nupya ulinzile ukusambilizya amasunde kuli wensi atayamanyile.

Kolose 2:3

Klistu ali mfungulo ya kumanya nkama yakwe Leza, nga mano nu kumanya konsi vyafiswa munoli.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.