Kasambilizya 8:7 - Amazwi Yakwe Leza 2013

⁷ Kusi nanti aumwi uwamuno tuli angamanya ivilacitika ku nkolelo itu, nupya kutaya angatunena.

Kasambilizya 8:7 Referans Kwoze

Kasambilizya 10:14

Iciwelewele cisita kuvwanga. Kusi umuntu nanti wenga uwamanya ivili nu kucitika ku nsita yaku nkolelo. Nupya kutaya angatunena ivili nu kucitika pacisila ca mfwa itu.

Mateo 24:50

lyene mwene wa muomvi aliza pa wanda uno asikwenekela, na pa kasita kano atamanyile.

Kasambilizya 9:12

Umuntu atange amanye lino insita yakwe iliza. Cili wakwe vino ivyunyi vikaiukila ivilemya mu lukose, wa nswi ikaiukila yatilemya mwi sumbo. Avino naswe kwene tukaponelwa na masyamo pa nsita ino tutenekile.

Mapinda 24:22

Pano icilanduzi cao, cingakatuka, cikupumikizye nupya pasi nanti aumwi uwamanya uononyi uno yamwene yayo nu Mwene Leza yangatuma.

Mateo 24:44

Caleka namwe kwene mulinzile muiteyanye, pano Mwana wa Muntu aliza pa nsita ino mutenekile.

Kasambilizya 6:12

Uzye aweni angamanya icingatuzipila mu manda itu anono aumi witu uwasilesile, umi uno ukapita wa cinzingwa? Uzye tungamanya uli icilacitika mu nsi pacisila ca mfwa itu?

Kasambilizya 3:22

Lyene iniluka, inzana ukuti icintu cisuma cino swe antunze tungacita, ala ukuilyokezya pa vintu vino twaombela. Kusi cintu nacuze cino swe antunze tungacita. Kusi nanti aumwi angamanya icilacitika pacisila ca mfwa itu.

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Kasambilizya 7:14

Lino ivintu vikukuzipila, wemo uwazanga, nga nupya lino intazi zyakuponela, uwaiusya ukuti a Leza akatuma vyoili, insansa ni ntazi. Utange umanye ivili nu kukuponela uku nkolelo.

Esita 5:12

Hamani lyene alunda nu kuti, “Namwene Esita watalalika nene nenga ukuzanwa ku cimulo cino watateyanyizizya nene nu musambazi. Namutondo kwene Esita watandalika pamwi nu musambazi sile.

Mapinda 27:1

Utaezya ukuitakizya apavya wanda wa mutondo, pano utamanyile vino uwanda uwo ulaca.

Kasambilizya 9:1

Nelenginye wakwe cimwi pa nsita itali pali vino nazana, nga indola ukuti Leza awino akatungulula ivicitwa vya antu yamano na antu akacita vyaololoke, nupya aliwe akalenga kuti yatemwa nanti yapata. Kutaya umuntu akamanya ivyankolelo.