Kasambilizya 5:10 - Amazwi Yakwe Leza 2013

¹⁰ Antu yano yatemwa impiya yasiikuta impiya zizyo. Nupya icili cimwi na antu yano yatemwa ukama, yene yasiikuta umuzano. Cii, icasilesile.

Kasambilizya 5:10 Referans Kwoze

1 Timoti 6:10

Pano kutemwa impiya ili ntulo ya misango yonsi ya viipe. Yamwi akalondesya impiya yakasya inzila ya utailo nga nu kunyomeka myenzo yao na malanda aingi.

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

Mateo 6:19

“Mutaika vyuma vinu muno nsi, umwaya uwonyi ni ngalawa, muno aiivi yakatama nu kwiya.

Kasambilizya 4:8

Silolini umuntu wino wikala wenga. Wene atakwata umwana nanti umwina, lelo wene akaomba pe, nga atiikuta ni cuma cino walonka. Uzye aweni wino umuntu wi akakaililwa nu kuikanya ukusansamuka? Camusango uu naco kwene icasilesile, nupya icaulanda mu wikazi wa muntu.

Kasambilizya 4:4

Nupya nasambilila nacuze icikalenga ukuti antu yaombesya, apamulandu wakuti yene yakakumbwa ivintu vino ainipamba yao yakwata. Lelo cii naco kwene icasilesile. Cili wa kuzinganya umuza.

Masamu 62:10

Mutataila umu vyaukakasi, mutazangila umu vyuma vyamu wivi. Nanti sile ivyuma vinu kwene nga cakuti vyavulisya, mutaviika kweneko amano!

Kasambilizya 2:26

Leza akapeela amano, ukumanya nga ni nsansa ku antu akamuzanzya. Lelo akalenga kuti yakaifya yaombe nu kulonka icuma pakuti yangapeela icuma cao ku antu akazanzya Leza. Ala cii icasilesile. Cili wa kuzinganya umuza.

Masamu 52:7

“Uzye asi ali wiya uwakananga ukuzina kuli Leza? Wene wasumvile sile amano uku vyuma vyakwe nyanya, ali muno nu mwenzo wakwe onsi wasintilile!”

Kasambilizya 2:11

Lyene natandike kwelenganya pali vyonsi vino naomvile, alino nu kukailwa iyevu kuno nakailwe lino nkuomba ivintu vii, alino niiluka nga nzana ukuti vyonsi ivyasilesile. Cali kwati ukuzinganya umuza muno mutaya umuzano foo.

Kasambilizya 4:16

Umwene angateeka imintapendwa ya antu, lelo ndi wafwa kusiya nanti aumwi akataizya pali vino mwene wacisile. Ala cii icasilesile. Cili wa kuzinganya umuza.

Kasambilizya 3:19

Nupya icikaponela umuntunze, icikaponela ni nyama kwene. Umuntunze akafwa ndi vino inyama ikafwa. Vyonsi vyakolana pano vyene iviumbwa. Umuntunze ataluta inyama, pano vyoili vyakwata umi umutaya umuzano.

Kasambilizya 6:7

Umuntu akaomba imilimo yakwe yonsi yakukailwa kuti angazana cakulya, lelo wene asiikuta.

Kasambilizya 1:17

Nelenginye kusambilila kuti imanye upusano pakasi ka mano nu uwelewele, na pakasi ka mano nu upena. Lelo nazanyile ukuti limwi nani kwene ningazinganya umuza.

Masamu 52:1

Icani cino ukuitutumwila pa uyi wako we cimuntu ca vilumba? Umusanya onsi ukaelenganya sile ivyaononyi. Umulomo wako wasongola wakwe coco.

Kasambilizya 1:8

Ivintu vyonsi vikatendusya, kutendusya kwacipezya amano. Amanso itu yakalola lelo yasyalola kuti cifuule, amatwi itu yakauvwa, lelo yasiiuvwa kuti cifuule.

Kasambilizya 2:10

Consi cino nalondanga calolike. Nailyokezyanga muno nkulondela. Namekelanga icintu consi cino naombile na vyonsi vii vyali ivilambu vya milimo yane.

Kasambilizya 5:9

Alimi yonsi yakazombola ivintu vyamu vyalo vyao. Umwene umwisikulu akazana umuzano uwamu vyalo vyao.