Kasambilizya 3:11 - Amazwi Yakwe Leza 2013

¹¹ Wene wika akasita kayane pa cintu consi. Watupeela ukulonda ukumanya ivintu iviliza, lelo atatupela ukumanya kumalilike ukwakumanyikisya vino wene akacita.

Kasambilizya 3:11 Referans Kwoze

Loma 11:33

Lolini vino ukama wakwe Leza wavulisya! Na mano yakwe vino yavulisya nga nu kumanya vino wamanyikisya vintu. Uzye aweni angalondolola vino upinguzi wakwe waya? Uzye aweni angamanya vino akacita?

Yobo 11:7

“Uzye kwene we Yobo ungapikulula uwile wakwe Leza? Uzye kwene papo pano upezile wewe ungamanya ningo pano amano yakwe Leza Wamaka yonsi yapeela?

Kasambilizya 8:17

Lelo utange uvwikisye vino Leza akacita. Nanti ungezya na maka yonsi, utange uzane. Antu yamano yakaitunga ukumanya, lelo mucumi yatamanya.

Yobo 5:9

Swemo tutangatezya ivintu ivikulu vino Leza akacita, nanti ukupenda ivinjelengwe vyakwe.

Utandiko 1:31

Lyene Leza alola vyonsi vino waumvile ukuti ivisuma wakwe cimwi. Nga kuya manguzi na katondo, uu wali uwanda uwalenga mutanda.

Mako 7:37

Na yonsi acuvwile yazunguka cuze yati, “Akucita vintu vyonsi ningo! Akulenga yacipuuli yauvwa na yaciulu yavwanga!”

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Masamu 104:24

We Yawe, wapanga ivintu ivivule! Iye mwe vino wacita na mano! Insi yazula tupu, uku viumbwa vyako ivitupu!

Kasambilizya 7:29

Vii avili vino nasambilile. Leza watuumvile swe antu aula ulema umwi. Lelo swe eneco tukailetelela ku misango itu iipe ivule.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Mateo 13:22

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Yobo 37:23

Wacila yonsi pyu uku maka nu ulungami. Ulungami wakwe wakula wakwe cimwi nu lufyengo mutaya.

Mapinda 16:4

Icintu consi kwaya cino Yawe waciumbile. Nu muntu mwipe kwene wamuumbile uku wanda wi syamo.

Kasambilizya 1:13

Nelenginye kuti ningalondelezya pa vintu ivikacitika umu nsi. Si lolini icisendo cino Leza watufumbatika swe antunze.

Kasambilizya 7:13

Mwelenganye pali vino Leza wacita. Uzye aweni angololola icintu cino Leza waumba icinyongane?

Kasambilizya 7:23

Naomvizye amano yane mukwetetula vyonsi vii. Nalondanga ukuya uwamano, lelo imposiwa.

Kasambilizya 11:5

Vino umupasi ukaingila mu mwana mu ndilwa yakwe nyina na mwe antu kwaula ukumanya, avino mutange mumanye vino Leza waumvile ivintu vyonsi.