Kasambilizya 2:10 - Amazwi Yakwe Leza 2013

¹⁰ Consi cino nalondanga calolike. Nailyokezyanga muno nkulondela. Namekelanga icintu consi cino naombile na vyonsi vii vyali ivilambu vya milimo yane.

Kasambilizya 2:10 Referans Kwoze

Kasambilizya 9:9

Uwailyokezya nu mwanaci wino watemwa lino ucili nu umi, umi uwasilesile uno Leza wakupeela mu nsi ii. Uwailyokezya mu manda yonsi aumi wako, pano avino ungazana mu milimo yako ya macuzi.

Kasambilizya 5:18

Acino nemo nazana ukuti icintu cisuma cino umuntu ali wensi angacita, ukulya nu kumwa nga nu kuilyokezya pa vintu vyonsi vino waombela mu umi wakwe uwipi uno Leza wamupeela. Kusi icintu nacuze cino umuntu angacita.

Kasambilizya 3:22

Lyene iniluka, inzana ukuti icintu cisuma cino swe antunze tungacita, ala ukuilyokezya pa vintu vino twaombela. Kusi cintu nacuze cino swe antunze tungacita. Kusi nanti aumwi angamanya icilacitika pacisila ca mfwa itu.

Masamu 119:37

Umfuntusye ku kwika amano uku vyaciwelewele, uye umusuma kunondi ndi muno walaila.

Masamu 128:2

Wene alalya vino amakasa yakwe yaomvile, alasansamuka nupya ivintu vilamuzipila wakwe cimwi.

1 Yoane 2:16

Pano vintu vyonsi vyamu nsi, kutandika pa vilondwa viipe vino mili ikalonda, ni vintu vya lunkumbwa lwa manso nu kuitumika ku vyamu nsi, vyonsi vii visyafuma kuli Tata, lelo ku wikalo uwipe uwamu nsi.

Kasambilizya 2:22

Umuntu aomba nu kusakamikwa insita ya umi wakwe onsi, uzye umuzano cii uno akazana?

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Kasambilizya 6:9

Ala cii icasilesile. Cili wa kuzinganya umuza. Cazipa ukwikuta vino ukweti ukuluta ukulonda ukulonka insi yonsi.

Mapinda 23:5

Ivyuma vyako limwi ungaponga nakuno viile, ungati sile ivintu vino vimezile amapa nu kupapuka wakwe lyang'anda.

Yobo 31:1

“Nemo napangana mpiti na manso yane ukukana lolekesya pali mwali.

Yakapingula 14:2

Lino wawelulwike, anena isi na nyina ati, “ku Timinaa natindolako umukazyana umwi umwina Filisti. Nkulenga mumundetele awino ntwale.”

Utandiko 6:2

Lyene ana yakwe Leza aonsi yalola ukuti akazyana yaa yayazipila cuze. Pali pakutwala yano yatemwa.

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

Kasambilizya 5:10

Antu yano yatemwa impiya yasiikuta impiya zizyo. Nupya icili cimwi na antu yano yatemwa ukama, yene yasiikuta umuzano. Cii, icasilesile.

Kasambilizya 6:2

Leza apeela umuntu icuma, ucindami, nga ni vikwatwa, ee ni vintu vyonsi vino umuntu akalonda. Lelo Leza asilenga kuti umuntu ailyokezye pa vintu vivyo. Umwenyi aliwe aliza ailyokezye pa vintu vivyo. Cii, icasilesile, nupya cisi cisuma.

Kasambilizya 9:6

Ulukundo lwao, ulupato lwao, uluse lwao, vyonsi vyalowa pamwi nao. Yatalatala yakumeko nupya mu vintu ivikacitika mu nsi ii, awe.

Kasambilizya 2:1

Insita imwi nelenginye inti, “Nkailyokezya pakuti nkamanye vino insansa zyaya.” Lelo nazanyile ukuti naco kwene icasilesile.

Kasambilizya 2:24

Fwandi icintu cisuma cino umuntu ali wensi angacita, ukulya nu kumwa nga nu kuilyokezya pa vintu vino walonka. Lelo nilwike ukuti vyonsi vii vikafuma kuli Leza.

Kasambilizya 5:17

Mu umi witu tukaikala mu kanda nu mu malanda, mu masakamiko, mu cipyu nu mu ndwala.

Kasambilizya 8:15

Acino nemo nasininkizya ukuti swemo tulinzile ukuilyokezya, pano ukusansamuka kuno twakwata mu umi uu, ukulya nu kumwa sile, alino nu kuilyokezya. Tungacita vii lino tukuomba imilimo yi yevu mu nsita ya umi witu uno Leza watupeela mu nsi ii.