Kasambilizya 12:1 - Amazwi Yakwe Leza 2013

¹ Acino uwaiusya kaumba wako lino ucili umwance, lino amanda ni myaka ya ulanda itali ikufikile, lino ulavwanga uti, “Awe nemo ntatala nailyokezya.”

Kasambilizya 12:1 Referans Kwoze

Nyimbo zya ndosya 3:27

Ala icisuma wakwe cimwi ukuteeka imyenzo ukutandikila sile uku wance witu.

Kasambilizya 11:8

Uwataizya pa myaka yonsi iya umi wako. Nanti ungikala imyaka ivule cuze, uwaiusya ukuti ulalengela kuzimo. Kutalaya cimwi cino ulalolela uku nkolelo.

Mapinda 22:6

Sambilizya umwana inzila yakupitamo. Lino alakota atalafuma mwenemo.

Luka 18:16

Lelo Yesu aama ana anono kunoli, ati, “Lekini ana anono iize kunondi, mutayalesya, pano Uwene wakwe Leza uwakwe yao ali ndi yaa.

Masamu 34:11

Izini kuno yayame, mwize muvwe. Nemo namamusambilizya ukukwatila Yawe icoopo.

2 Timoti 3:15

nupya ukaiusya ukuti kufuma lino wali mwana munono, wemo wamanya Malembelo Amuzilo, yano yangakupeela mano akukutungulula ku kukwata utailo muli Klistu Yesu kuti akutuule.

Masamu 90:10

Imyaka ya umi witu yapelela sile apa myaka amakumi cinimbali. Antu ya maka ayano yakafika uku myaka amakumi cinani. Nga lelo imyaka ya umi witu yonsi pano yapela ikatuletela sile amasakamiko na malanda. Ikapita sile zuwazuwa, naswe kwene ala ali mikukile.

Kasambilizya 11:10

Mutaleka imyenzo inu yaaziwa nanti ukucuziwa. Endi, uwance winu utalalengela foo.

Mapinda 8:17

Natemwa yayo antemwa, na wiyo uwacincila ukundonda akanzana.

2 Samueli 19:35

Indi ni myaka amakumi cinani iyakuvyalwa, nga kusi cimwi cino nkuzangilamo. Ntanguvwa umulyo muli consi cino nkulya nanti cino nkumwa. Nupya ntanguvwa amazwi yakwe yakiimba. Uzye lyene pacani cino ningakwanola sile we mwene wakwisaci?

1 Samueli 2:26

Umulumendo Samueli ala akukulila kweneko umu ciimo alino nu kutemwikwa kuli Yawe nu ku antu.

Utandiko 39:2

Yawe wali na Yosefu, nu kulenga kuti vintu vyonsi vyamuzipila. Wikalanga mu ng'anda ya musambazi wakwe mwina Eguputo.

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”

Utandiko 39:23

Kalinda wa anyepwe acefya nu kwangalila, nga vyonsi vyali mu makasa yakwe Yosefu pano Yawe wacingililanga Yosefu nu kulenga kuti vyonsi vino wacitanga vyamuzipila.

Efeso 6:4

Mwe yakwasi namwe mutasosya ana inu, lelo mwayakuzya mu kuyasunda nu kuyasambilizya kwa wina Klistu.

Danieli 1:17

Caleka Leza apeela alumendo yaa yani amano nu kwiluka kwa misango yonsi ya vyalembwa na masambililo. Ukulunda pali cico, apeela Danieli amaka akulondolola ivilolwa ni viloto vya misango yonsi muno viile.

Ezaya 26:8

We Yawe, awewe twatailanga umu nzila ya upinguzi wako kwene. Izina lyako nu kukwiusya, ali vino umwenzo wane ukakumbwa sile.

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.

1 Yamwene 18:12

Nga cakuti nala nafumapo, limwi Mupasi wakwe Yawe amakutwala ku ncende yuze, ino nemo nsikumanya. Lelo ndi cakuti naya nanena Aabu ukuti wemo uli kuno, alino ndi cakuti wene wiza wazana usi penepo, ale lyene angiza ankomole sile. Uwaiusya ukuti nemo naipelesya ukupepa Yawe ukufuma ku wance wane.

1 Samueli 1:28

Acili cino fwandi nani namupeela kuli Yawe. Pa manda yonsi yano alikala pano nsi, wene amapaatwilwa Yawe.” Avili vino nayo iyapepa Yawe kuku.

Oseya 7:9

Ainamasi yakayafipa amaka, ukwaula kuti yamanye. Yene yakwata imvwi, ukwaula kuti yamanye.

Yobo 30:2

Nanti sile amaka yao yatakweti incito, yatange yambombele nanti cimwi.

1 Yamwene 14:13

Aina Izlaeli yonsi yalamulosya nu kumuzika. Wene alaya umuntu wenga sile uwamu mupanda wakwe Yeloboamu wino alazikwa ningo, pamulandu wakuti wene wenga sile aliwe wazanzya Yawe, Leza wa ina Izlaeli.

Malango 8:18

Mwaiusya ukuti Yawe Leza winu aliwe akamupeela amaka akuya akama. Wene akacita cii pamulandu wakuti ni lelo kwene acili uwacumi ku upangano uno wene wacisile ni vikolwe vinu.

Neemiya 4:14

Apacisila cakulola ukuti yacili yakuvwa intete, inkatuka nu kunena asambazi ni ntunguluzi zyao pamwi na antu yauze inti, “Mutoopa anisi yaa. Mwiusye ndi vino Yawe umukulu nupya uwa koopa. Acino lwisizini antu inu, ana inu, aci inu nga na mang'anda inu.”

Masamu 63:6

Nga natindala pa musanzi wane, nkakwiusya, nkakwelenganyapo usiku onsi.

Masamu 119:55

We Yawe, ala usiku nkakwiusya, nga namayelanga amasunde yako.

Kasambilizya 11:2

Uwaika uculuzi wako mu ncende zivule, endi mu ncende zivule, pano we muntu utange umanye isyamo lino lilakuponela mu nsi ii.

2 Samueli 19:36

Nemo ntalingine ukupelwa icilambu icikulu wakwe cico. Acino namakusukilila sile panono inkulamvye Yodani.