Kasambilizya 11:2 - Amazwi Yakwe Leza 2013

² Uwaika uculuzi wako mu ncende zivule, endi mu ncende zivule, pano we muntu utange umanye isyamo lino lilakuponela mu nsi ii.

Kasambilizya 11:2 Referans Kwoze

Mapinda 6:16

Kwaya ivintu mutanda vino Yawe wapata, ivintu cinimbali vino umwenzo wakwe wapatisya.

Masamu 112:9

Waya ni nkumbu uku alanda, nga nu luse lwakwe nalo ulwa muyayaya. Alakwatisya amaka nu kucindikwa alacindikwa.

Yobo 5:19

Wene angakupususya amaila mutanda, ni iila lyakwe cinimbali kutalaya iciipe nanti cimwi icilakuponela.

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”

Ayebulai 13:3

Mwaiusya anyepwe, nupya mwayasakamala kwati mwanyepwa nao mu ng'anda yaminyololo. Mwaiusya yao akucula nupya mwayasakamala kwati namwe kwene mukucula ndi vino yakucula.

Efeso 5:16

Mwaomvya insita zinu ningo pano manda ya ndakai aipe.

Galatiya 6:1

Inane, ndi umwi waponela mu kucita ciipe, yao a munomuli akatungululwa na Mupasi Wamuzilo, yalinzile kumuwezya nu kumutungulula umu nzila yololoke. Lelo mulinzile kucita cii nu mutembo. Nupya muisunge mweisikulu pakuti namwe kwene mutaponela mu mezyo.

Luka 17:4

Ndi wakwifya maila cinimbali mu wanda onga, nga nu kuwela kunuli maila cinimbali, ala akuti, ‘Nazenzuka,’ ulinzile kumwelela.”

Mateo 18:22

Yesu nawe aasuka ati, “Ntakukunena vino kufika pa maila cinimbali, lelo kufika pa makumi cinimbali maila cinimbali.

Mateo 5:42

Uwakulenga cimwi mupele, na wino akulonda ukukongola kunuli utamukanya.

Mika 5:5

Aliwe kwene alaleta umutende. Lino aina Asilya yalingila mu mpanga itu nu kutandika ukutuponyezya inkondo, tulatuma yamusika ya vita cinimbali, nanti intunguluzi zyamaka cinani ku kuyalwisya.

Esita 9:22

Ali manda yano Ayuda yakulwilwe uku anisi yao. Amanda yamwi yano ulanda wasangwike uluzango nga nu kulila kwao kwasangwike insansa. Wayalembela nu kuti yangazanga nu kucita amalila mu manda yayo, nupya yapeelana ivyawila nu kusakamala alanda.

Esita 9:19

Uli mulandu uno mungazana ukuti Ayuda akaikala umu mizi yapuzanga apa wanda uwalenga ikumi na yani, umu mwezi wakwe Adali. Ali muno yazanganga nu kucita amalila alino nu kupeela ivyawila ni vyakulya uku yauze.

Neemiya 8:10

Neemiya ayanena ati, “Pitangini muye mukalye inyama izinone. Mukamwe ni vyakumwa ivilyompe. Wiyo atakweti ivyakuteyanya nawe mumutumile kweneko, pano uwanda uu, uwanda umwi upaatwilwe Yawe Leza witu. Mutaezya mwateeza nanti ukukungumala, pano uluzango luno Yawe amamupeela lumamukomelezyanga.”

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Kasambilizya 11:3

Usi mulandu ni ntunga kuno icimuti cawila, cene cikalambalala kuko kwene kuno cawila. Amakumbi ndi yafisya, ala imvula imatonya.

Kasambilizya 11:8

Uwataizya pa myaka yonsi iya umi wako. Nanti ungikala imyaka ivule cuze, uwaiusya ukuti ulalengela kuzimo. Kutalaya cimwi cino ulalolela uku nkolelo.

Kasambilizya 12:1

Acino uwaiusya kaumba wako lino ucili umwance, lino amanda ni myaka ya ulanda itali ikufikile, lino ulavwanga uti, “Awe nemo ntatala nailyokezya.”

1 Samueli 25:8

Ndu kasi uyuzye yamakunena. Icaleka pokelela alumendo yayo, pamulandu wakuti tukwiza kuno pa wanda wa cimulo. Napapata ungapeela alumendo yayo, pamwi nani kwene ne Davidi, konsi kano ukweti.’ ”