Kasambilizya 10:16 - Amazwi Yakwe Leza 2013

¹⁶ Impanga ikaya mu ntazi lilyo lino kateeka wakweyo umwance, nga na lino intunguluzi zyaiko zikacesya mu miteweto.

Kasambilizya 10:16 Referans Kwoze

Ezaya 3:12

Ana yanono yalamwilikizya, na anaci nayo yakamuteeka. Mwe antu yane yakateeka inu yamuponzya, yonona ni nzila zinu.

Yelemiya 21:12

Mwe amu mupanda wakwe Davidi. Mwacita vya ulungi cila katondo. Mwatuula wino yafyenga, wiyo wino yiila mu ucenjezi. Ndi mutangacita cico, ale lyene iviipe vino mukucita vilalenga ukuti ukali wane ukatuke nu kulunkuma wa moto uno kusi nanti wenga angauzimya.

2 Milandu 13:7

Ni viwelewele vya antu navyo vyamulondelezya, vyawila kuno ali. Vyatandika nu kupatikizya Leoboamu umwana umonsi wakwe Solomoni apamulandu sile nu wance wakwe, nawe waposiwa ukuyakanya.

2 Milandu 36:9

Yeoyakini wali ni myaka yakuvyalwa ikumi na cinani apa nsita ino watandike ukuteeka, nga wateesile mu Yelusalemu imyezi itatu na manda ikumi. Nawe kwene wacitanga iviipe apa manso yakwe Yawe.

2 Milandu 36:5

Yeoyakimu wali ni myaka yakuvyalwa amakumi yaili na isano lino watandike ukuteeka, nga wateesile mu Yelusalemu imyaka ikumi na onga. Wene wacitanga inkota pa manso yakwe Yawe Leza wakwe.

2 Milandu 36:2

Yeowazi wali ni myaka yakuvyalwa amakumi yaili na itatu apa nsita ino watandike ukuteeka, nga wateesile mu Yelusalemu imyezi itatu.

2 Milandu 36:11

Zedekiya wali ni myaka yakuvyalwa amakumi yaili na onga apa nsita ino watandike ukuteeka mu Yuda, nga wateesile mu Yelusalemu imyaka ikumi na onga.

Mapinda 28:16

Intunguluzi iyaula amano, yakwatisya ulufyengo. Lelo ino yakwata ufumacumi, ilateeka pa nsita ntali.

Kasambilizya 10:15

Suka sile iciwelewele ca muntu icingaomba imilimo mpaka citemboke cakuti ciponge ni nzila yakuswililila ku muzi.

1 Yamwene 12:11

Tata wamutwikanga ivisendo vinyome. Nemo ndavinyomya ukucila penepo. Tata wamunyambanga ni mikota. Lelo nemo ndamunyambola na yaswepu.”