Kasambilizya 10:12 - Amazwi Yakwe Leza 2013

¹² Ivilandwa vya muntu wa mano vikamuletela ucindami. Lelo ivilandwa vya ciwelewele vikaciletela umusaalula.

Kasambilizya 10:12 Referans Kwoze

Kolose 4:6

Mvwango zinu zilinzile kuya zisuma nupya zyakuzanzya antu, nupya mulinzile kumanya musango uno mungaasukilamo umuntu ali wensi.

Luka 4:22

Antu yonsi yavwanga visuma vya pali aliwe, nga yazunguka pa mazwi asuma yano wavwanzile. Yavwanga yati, “Uzye wii asi mwana wakwe Yosefu?”

Mapinda 22:11

Umuntu wa mazwi akazanzya umwenzo, angatandana icuza na yamwene. Lelo umwene wene watemwa umuntu umutailwe.

Mapinda 15:2

Amazwi ya antu ya mano yakapa amano, lelo pa kanwa ka ciwelewele pakafomfomola uwelewele.

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

Luka 19:22

Mwene wakwe amunena ati, ‘We muomvi mwipe! Namakupingula pa mazwi yako! Wamanya vino nene muntu mutale, nkatola cino ntika nupya nkazombola pano ntakomile.

Mateo 12:35

Muntu musuma akafumya vintu visuma mu visuma vino wasunga mu mwenzo wakwe. Nu muntu mwipe akafumya viipe mu viipe vino wasunga mu mwenzo wakwe.

Mapinda 31:26

Wene walamoka umu kulanda, nupya akalanda na mano umu kanwa kakwe.

Mapinda 26:9

Ipinda umu kanwa ka ciwelewele lyaya wa musambo wa myunga umu minwe ya mukolesi.

Mapinda 19:5

Kambone waufi yatalamupanya, nu muntu uwantumpu nawe kwene atalapusuka foo.

Mapinda 15:23

Ukwasuka ningo kukasansamusya umuntu, nu kulanda amazwi asuma kwazipa.

Mapinda 12:18

Akacincila ukuvwanga, ivivwangwa vyakwe vikatota wa mupeni. Lelo amazwi ya muntu wa mano yali wa mulembo ku antu avule.

Mapinda 10:10

Umuntu uwatemwa uku kapaya manso yakwe akaleta intazi, lelo wiyo akanenola auze apaswe akaleta umutende.

Mapinda 10:8

Umuntu wamano akawaka amasunde, lelo mpundililwa wene alalowa.

Masamu 140:9

Napa mutwe wakwe yao akandizizya cilumba cilumba, leka amapange yao pali nene yayafutukile alio kwene.

Masamu 64:8

Pamulandu wa mazwi yao ali pano nawe alayononela, yonsi yayo alalola kweneko yalakunta sile imitwe.

Masamu 37:30

Amazwi ya muntu musuma yakavwanga ivyamano, ni vikafuma pa lulimi lwakwe vikaya ivilungame.

Yobo 16:5

Lelo ningalanda amazwi akumukomelezya, suka sile na pano amati yanguma umu mulomo wane.

2 Samueli 1:16

Davidi avwanga nu kuvwanga ati, “Umulomo wako uwakulya. Wewe wemwisikulu watuilandila pa kanwa kako ukuti wakomile umusololwe wakwe Yawe.”

Kasambilizya 4:5

Antu yakavwanga yati umuntu angaya iciwelewele ndu mwisikulu wafyatila makasa nu kuleka kuti afwe uku nzala.

Kasambilizya 9:17

Cazipa ukukutika ku mazwi ya mutembo a muntu wamano, kuluta ukukutika kuli kateeka akupunda lino akulanda ku cilye ca viwelewele.

Kasambilizya 12:11

Imvwango zya antu yamano zyaya wa ntuwa zisongozye zyakwe yakacema ya mfwele zino yakaomvya pakutungulula amaufyo yao. Imvwango zyao zyaya wa nsunga zino yapampamila. Imvwango zizyo zyafuma kuli Leza, kacema witu swensi pakuti wene atutungulula swe antu.

Kasambilizya 5:2

Mwatala mwelenganya lino mutali muvwange, nupya mutazakantika lino mukulaya kuli Leza. Leza wene waya umwiyulu. Lelo mwemo mwaya umu nsi. Acino mutalanda ivingi ukuluta pali vino mungacita.

Kasambilizya 5:6

Utaleka imvwango zyako zyakulenga ukwifya cakuti pacisila uya ku kunena simapepo wakwe Leza uti, “Awe nasekanga sile.” Uzye icani cino ungaleka kuti Leza akusokele pamulandu wa vwango zyako? Uzye ukalonda kuti Leza aonone vyonsi vino waombela wemwisikulu?