Hagai 2:22 - Amazwi Yakwe Leza 2013

²² Indi nu kuwisya yamwene yonsi amitundu ya inamasi yonsi nga nu kulovya maka yao. Indi nu kuzangawalika amaceleta na akakwelapo yonsi. Indi nu kulovya imfwalasi zizi na akakwelapo yonsi yali nu kukomana.

Hagai 2:22 Referans Kwoze

Mika 5:10

Lelo Yawe wavwanga wati, “Mu wanda kwene ulya ndonona imfwalasi zinu yonsi, nu kuvunola amaceleta inu.

Yakapingula 7:22

Lino antu yakwe Gidyoni yacili lizya intandala zyao, Yawe alenga ivita vya anisi yao kuti vizanzane ni mpanga. Ivyutuka kulungama ku Zaletani ivifika nu ku Beti Syita, mpaka nu ku musumba wa Abeli Meolaa pipi nu ku Tabati.

Mateo 24:7

Inko zilakatukilana, na mawene yalakatukilana. Kulaya vipowe ni vilundumusi mu ncende zimwizimwi.

Zakaliya 10:11

Lino yalacululuka pakulamba yemba, nemo ne Yawe ndamyalalika amaimbi, namatenga yonsi amu luzi lwa Nailo yalapwa. Cilumba ca antu amu mpanga ya Silya cilasila, na maka yakwe yamwene amu Eguputo nayo yalasila.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Zefaniya 3:8

Yawe akuti, “Caleka lolelini, mulolele uwanda uno ndakatuka nu kumupeela umulandu. Pasi pano natinelenganya uku konganika antu amu mitundu yonsi, kumwi na mawene kwene, kuti njalange ukali wane yuvwe ukulu wa ukali wane. Insi yonsi ilononwa ku ukali wa cipyu cane.

Mika 5:15

Mu ukali ni cipyu ndacita icilanduzi apa antu amu nko zyonsi yano yatanjezile.”

Ezekelo 39:20

Mukikute api tebulo lyane imfwalasi, yakapisya ya mfwalasi, asambazi ni vita vyonsi. Ivyalanda ne Yawe Simwandalali.’”

Masamu 46:9

Wene akalesya inkondo pano nsi yonsi. Akakontola amalapwa, avunola masumo nu kusumbila visyangu apa moto mpaka ivipya!

Danieli 8:25

Alalenga ukuti usomvi ucitike pamulandu wakuti wene incenjezi. Wene alaya ni cilumba nga alonona antu avule ukwaula kuyasoka. Nupya alakatukila Umwene wakwe yonsi, lelo alononwa ukwaula kuomvya amaka ya muntu.

Masamu 76:6

Walanga sile lino wayoofya, we Leza wakwe Yakobo, awe mukwai imfwalasi zyao kumwi nayano yakwezilepo iyafwa.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Zakaliya 14:3

Lyene Yawe nawe alakatuka, nu kuyalwisya antu yayo, ndi vino wacitanga na pa mpiti.

Zakaliya 9:10

Yawe wavwanga wati, “Mu mpanga ya Izlaeli ndafumyamo amaceleta ya nkondo, nu mu musumba wa Yelusalemu ndafumyamo imfwalasi zyakulwilapo inkondo, na malapwa akulwilako umu nkondo nayo yalakontolwa. Umwene winu alateeka nu longo antu amu mitundu yonsi. Uteko wakwe ulatandikila kuli yemba wenga mpaka ukuyafika na kuli yemba muze, ukufuma uku Luzi lwa Yufulate ukuyafika nu kwapelela insi yonsi.”

Mika 5:8

Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

Ezekelo 21:27

Kalanda kasikolo we ononyi we! We ononyi we! Ee, umusumba nkambucite itongwa. Lyene awe kacitale ciye sile, mpaka ace asuke aize wino nasolola ukuti akize akafulule umusumba uu.

Ezaya 60:12

Ali vino antu ya mitundu yuze yano yalakana ukukuombela yene cazipa yace yasyamilile, yalowelele.

Ezaya 19:2

Yawe wavwanga wati, “Nemo ndasongelekanya aina Eguputo kuti yalwe atupu. Lyene yalalwa umuntu nu mwina, umuntu umwi nu mwinipamba muze, umusumba umwi nu musumba uze, alino uwene umwi nu wene uze.

Ezaya 9:19

Impanga yatipya uku ukali wakwe Yawe Wamaka yonsi cakuti antu yatiyapya. Cila muntu lyene akantunta ntwala.

2 Milandu 20:22

Lino yatandika ukwimba nu kulumbanya, Yawe nawe auvwa nga avunuka aina Amoni, aina Moabu na antu aku Mwamba wa Seili yonsi yano yazanzanga impanga ya Yuda, nga yonsi iyacimviwa.

1 Samueli 14:16

Alino inengu zyakwe Saulo izyali ku Gibeya mu mpanga yakwe Benjamini izilola kuno ivita ivyali umu nkambi vikusalangana mu ntunga zyonsi.

Kufuma 15:19

Aina Izlaeli yalamvile yemba pa musili uume. Lelo lino maceleta ya ina Eguputo ni mfwalasi na antu pansi iingile kuti yalambe yemba, Yawe alenga kuti amanzi yaswilile, na yonsi yamwela.

Kufuma 14:28

Amanzi yaswilila nu kutuwizya maceleta ni vita ivya pa mfwalasi, ivita vyonsi vya ina Eguputo yano alondelelanga aina Izlaeli, muli yemba. Kutali nanti wenga wino wapuswike.

Kufuma 14:17

Ndalenga aina Eguputo kuti yakome imyenzo cuze cakuti yalalondelela aina Izlaeli. Lulumbi lulapelwa kunondi pakucimvya Falao ni vita vyakwe vyamu maceleta kumwi ni vya pa mfwalasi.

Kufuma 15:4

Wavwintile vita vya ina Eguputo na maceleta yao muli yemba, na yamusika yaviko ampomvu yamwelile muli Yemba Muyenzu.

2 Milandu 20:23

Aina Amoni na ina Moabu apali pakukatukila antu aku Mwamba wa Seili iyasyunola yonsi pyu. Lino yayakomola yonsi alino lyene yatandika ukukomana atupu.

Ezekelo 26:16

Intunguluzi zyonsi zya pali yemba zilatenuka pa vilimba vyakwezyo, zilazuula imingila yakwezyo ni nsalu zyakwezyo zipikulwe. Zilalemwa ni ntete nu kwikala pansi. Zilazakaza ukwaula ukuta, zilasyala na masakamiko pamulandu wako.

Ezekelo 38:21

Imyamba ilaongololaka, ivilimba vya vimawe vilamokoka na malinga yonsi yalapona pansi. Ndamuletela ivya kumoofya ivya misango ni misango. Ivyalanda Yawe Simwandalali. Antu yakwe yalakomolana uku vipanga vyao kwene.

Amosi 2:15

Umuntu wa malapwa ni nceto atalazyansya. Ivita vyao ivikasimula pa musili navyo kwene vitaluutuka, nga ni vya pa mfwalasi vitalaituula.

Mika 7:16

Antu amu nko zyuze lino yalalola ivintu vivyo yaluvwa insonyi, nanti angala yakwata amaka uli. Yalalemelela apa milomo, nu kufundika amakutwi apa kupelembekela.

Zakaliya 10:5

Ayuda yalacimvya wa vita ivikulyatola pa anisi yaviko mu matipa yamu miseo. Ayuda yalalwa inkondo pano ne Yawe naya nayo, yene yalacimvya na anisi kwene akapitila pa mfwalasi.

2 Milandu 15:6

Antu ya mutundu onga yacuzyanga umutundu uze. Umuzi onga wacuzyanga umuzi uze, pano a Yawe umwisikulu aliwe wayacuzyanga nu kuyaletela amasyamo.

Mika 5:9

Mwe ina Izlaeli mulalwa na anisi inu, nga anisi inu yonsi yalononwa.

Zakaliya 12:9

Pa nsita iyo ndatandika ukulovya antu amu mitundu yonsi alawilila ku mutundu wakwe Yelusalemu.