Hagai 2:17 - Amazwi Yakwe Leza 2013

¹⁷ Anene kwene nononyile imbezu zinu zyonsi ku tuzizi, uku munyezi alino nuku mvula ya mawe. Lelo pali vyonsi vi musikutala mwelenganya ukuti mungazenzuka. Kuli kuvwanga kwakwe Yawe.

Hagai 2:17 Referans Kwoze

Malango 28:22

Yawe alamuponyezya indwala izikaambukila, ni mvimba ni nzakaza, ni cilala ni miza ikaye kuti yonone ivyakulya vinu. Ivilumbelo vii vilasyala pano muli mpaka mukafwe.

Hagai 1:11

Acino naponya icilala panonsi ponsi, pa vyalo vinu vyonsi vya ngano, ni vyalo vya matingi ni miti ya miolivi nga alino na pavimelwa vyonsi vyapano nsi pa musili, nivya vilimwa vyonsi nga na pa antu yonsi ni nyama kwene.”

Hagai 1:9

Mwemo mukupaalila ukuzombola ivivule, lelo silolini vino mwazombola sile tunono. Lino mwakoozyanga ivilimwa vinu, anene navipasanga nu kuvisalanganya. Acino nene ne Yawe Wamaka Onsi nkumuuzya nkuti, “Uzye apacani cino nacitilanga vii kuno muli? Apamulandu wakuti Ng'anda yane ikulu icili cipompa lino mwemo mukutwalilila ni milimo inu, nu kwikala umu mang'anda inu asuma.

1 Yamwene 8:37

“Ndi cakuti cipowe nanti impungo yatuponela, limwi ivyakulya vyononeka ku cilala nanti umuza wakukonkotanika amafwa, nanti vyavuvuma, nanti vyaliwa ku tuzizi nanti makanta, nanti antu yako yayazanza ku anisi yao, nanti yaponelwa nu ulwale umwi uwa musango uli onsi,

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Umbwilo 2:21

Namupeela kasita kuti azenzuke, lelo wene asyalonda kufuma ku ulongozyo wakwe.

Amosi 4:6

Anene nemuno namuponyezizye ivipowe mu misumba inu yonsi. Anene naponyizye inzala konsi kuno mwikalanga. Lelo lyonsi kwene mutatontile nu kuwela kunondi. Avino Yawe wavwanga.

Yelemiya 3:24

Ukupepa icintu ci, ci Baali, icati cilya ivintu vyonsi vino ivikolwe vitu vyatuculilanga, ukutandikila sile uku wance witu, ivyuma ivili wa ng'ombe zyao, imfwele, na ana yao aonsi na anaci.

Ezaya 62:8

Yawe watalapa umulapo. Alino ukwi kasa lyakwe lilunji, alaufikilizya! Wene atalatala apeele cakulya cakwe ku anisi ya antu yakwe. Aenyi nayo yatalatala yamwe waini wa antu yakwe wino yaifenile.

Ezaya 42:25

Acino wene watusokile apakalamba, nu kutuletela inkondo ikakate. Asonteka nu moto konsikonsi ukutuzinguluka, ukwaula na kuti tumanye icacitikanga. Umoto watoosile, lelo swemo tutasambililepo nanti cimwi.

Ezaya 37:27

Antu yano yali mwenemo amaka yasizile, nayo ali pakutoovoka, yamaizakazila sile uku ntete. Yaya sile ungati isote lyamu mpanga, ungati umulemvwe walulembelya. Ungati isote lyakwi paala lino lyulululwa na nkungulupya, waku ufumondaka.

Ezaya 9:13

Aina Izlaeli yatacili yazenzuke, yatacili yaweluluke kuli Yawe Wamaka yonsi, nanti angala wene watazile ayapezya.

Masamu 78:46

Wayatumile ivikwe ivyakuyalila ivyakulya na makanta uwononyile ivyalo vyao

Yobo 36:13

“Lelo antu asi yapefi yakaikala asoke, Nalino Leza wayanyepa umu myando, awe cumi yene yasi nu kumupapata foo.

2 Milandu 28:22

Umu nsita ya ntazi zyakwe, umwene Aazi alunduluka sile ukuntaya uwacumi kuli Yawe.

2 Milandu 6:28

“Na lino icipowe nanti impungo yapona umu mpanga ii, limwi nanti ivyakulya vyononeka uku mvuvuma, nanti makanta nanti ivikwe, nanti lino anisi yazanza antu yako mu musumba wao uli onsi, nanti yaponelwa nu uzanzo uli onsi nanti indwala ili yonsi,

Utandiko 42:27

Lino yafika pa cifulo cino yaile yalala indo, wenga pano yali asapula isaka kuti apeele punda ivyakulya, nga azana impiya papela ya ngano mwi saka.

Utandiko 42:23

Yosefu uvwanga vino yakulanda, lelo yene yatamanyile cii pano wavwanganga kunoyali kupitila muli kasenula wa mazwi.

Utandiko 42:6

Yosefu, mulasi wa mpanga ya Eguputo, wakazyanga ingano ku antu yonsi afumile konsikonsi mu nsi. Caleka aina yakwe Yosefu yaya kunoli, nga yafukama pansi yafupime iinamika impumi zyao pa musili.

Ezaya 28:2

Yawe alipo na umwi wiyo wamaka wino amatuma ku kuyazanza. Amaiza kunoyali wa mvula ya mawe, wa mvula ya cipunga nupya yakwe mulamba uwatauwa nu kwiza unzya impanga.

Masamu 128:2

Wene alalya vino amakasa yakwe yaomvile, alasansamuka nupya ivintu vilamuzipila wakwe cimwi.

Hagai 1:6

Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Hagai 2:16

Pano umuntu wakweti upaalilo wakuzombola ingano ya mpokoso makumi yaili, lelo azombola sile ikumi lyonga. Ndi walooka kuti akanyemule insembo makumi yasano yakwe waini, aya anyemula sile amakumi yaili.

Malaki 3:11

Ndalesya ivizizi kuti vitonona ivilimwa vinu, nga na matingi amu vyalo vinu vya matingi, yatalalukusya amatingi awe. Ne Yawe Wamaka yonsi natimvwanga.