Galatiya 6:8 - Amazwi Yakwe Leza 2013

⁸ Muntu ndi walondela vilondwa vya untunze, wene alafwa. Lelo ndi walondela Mupasi Wamuzilo, wene alapeelwa umi wape.

Galatiya 6:8 Referans Kwoze

Loma 8:13

Pano ndi mukwikala mu untunze, mulafwa. Lelo ndi mwacimvya vilondwa vya mili inu, ku maka yakwe Mupasi Wamuzilo, ale lyene mulaya nu umi.

Yakobo 3:18

Lyene usuma uli uzombozi uno ukafuma ku mbezu zino yakacita ya mutende yakakomela.

2 Petulo 2:19

Yene yakalaya untungwa ku antu onsi, lino aisikulu yali azya ya miyele ino ikaonona. Pano umuntu akaya umuzya wa cintu consi cino camucimvya.

Yobo 4:8

Nemo vino nalola aevi: Yao akalima inkota nu kukomela imbezu ziipe, ali yano yakazombola uyi.

Oseya 10:13

Lelo mwemo mwakomile ukakasi, nu kuzombola inkota. Mwalya iviseekwa ukufuma mu ntumpu zinu. Pamulandu wakuti mwasintilile mu maka inu, nu mu wingi wa vita vinu,

Galatiya 6:7

Mutaisomba mweisikulu. Kusi umwi angatumpika Leza. Muntu akazombola kulingana na vino wakomela.

Loma 13:14

Lelo lekini Mwene Yesu Klistu aye pipi namwe wa visyangu vinu vino mukazwala. Tiini kusakamala musango wa untunze nu kuzanzya vilondwa vyauko.

Mapinda 22:8

Katovya wa lufyengo, akasinza isyamo. Intuwa ya cipyu cakwe ilamupola aliwe kwene.

Umbwilo 22:11

Wino wensi uwa nkota lekini atwalilile kucita inkota, umukowele atwalilile ukuya mukowele. Wino wensi musuma nawe atwalilile kucita visuma, na wino wensi uwamuzilo atwalilile kuya uwamuzilo.”

Yoane 4:36

Na ndakai kazombola akulipilwa malipilo yakwe nga nu kukoozya vizao ku umi wape. Caleka kata wa mbezu na kazombola kwene, oili yalazangila pamwi.

Yuda 1:21

Ikalini mu kutemwa kwakwe Leza. Lolelini Mwene witu Yesu Klistu, nawe alaya na mizu kunomuli nu kumupeela umi wape.

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Loma 6:13

Mutapela vilundwa vya mili inu ku maka yi ifyo, kuti viye viombelo vya kucitilako ukakasi. Lelo muipele kuli Leza, wa antu yano azyukulwa kufuma ku afwe nu kuya nu umi. Mupele vilundwa vyonsi vya mili inu kuli Leza, kuti viye viombelo vya kucita vyawololoke.

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Kasambilizya 11:6

Mwakomela imbezu akatondo, mukomela na manguzi kwene. Mutange mumanye ndi mbezu zyonsi zilakula ningo, nanti ndi ukukomela kwa pa nsita imwi ukulaya ningo ukuluta ukwa pa nsita yuze.

Mateo 19:29

Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.

Oseya 8:7

“Aina Izlaeli lino yatovya umuza, yalazombola nkungulupya. Misakinta ya ngano itakweti imitwe, yene italaleta uzombozi wa vilyo. Kuko kuno ilaleta uzombozi uo, ainamasi yaya yalalya ivyakulya vivyo.

Tito 3:7

Leza wacisile cii pakuti mu cikuku cakwe amuno tungacitwa kuya aololoke pa manso yakwe na kuti tukwate umi wape uno tukapaalila.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Luka 18:30

aatangapokelela maila avule kuluta mu mukulo uu, nga nu umi wapee mu mukulo uuliza.”

Ezaya 32:20

Antu yonsi yalasansamuka wakwe cimwi, apakusyukila amanzi nyanya akumezya nu kukuzya ivilimwa vyao, alino nu kuleka ukuti ing'ombe na yapunda vyaipitila sile, nga nu kuilila ivyeneco.

2 Petulo 2:12

Lelo antu yaa yakoline wa nyama, viumbwa vizenzembe, zino zikalemwa nu kukomwa. Yene yakalanda vintu viipe pa vintu vino yatamanyile. Yene yalononwa wa nyama,

1 Timoti 1:16

Lelo Leza wali na mizu kunondi pakuti Klistu Yesu alange kuteeka mwenzo kunondi ne kaifya uwaluta onsi, nupya ciye icilangililo kuli yao onsi, yano alataila munoli nu kupokelela umi wape.

Mapinda 11:18

Umuntu mwipe akalipilwa utumalipilo twamu usomvi, lelo kacita wa vyaololoke wene akapokelela ukulingana ni cilambu ca milimo yakwe.

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

Loma 8:6

Kutungululwa ni vilondwa vya mwili ukuiletelela imfwa, kutungululwa na Mupasi Wamuzilo kwene kukatuletela umi nu mutende.

Loma 8:11

Ndi Mupasi wakwe Leza, wino uwazyukwile Yesu kufuma ku afwe, akaikala munomuli, ale Leza wino uwazyukwile Klistu kufuma ku afwe alapeela umi ku mili inu iikafwa.

1 Kolinto 15:42

Vii, avino cilaya lino afwe yalazyukuka. Mwili ukazikwa mu musili wa lumbezu lwakomelwa, ukaola, lelo ulazyukuka mu cisiola.